Matiyu 4

1Ɗangɓe Riin Ɗiiɓang so ki̶ Jesu a naar yil, mpeku Shetan kyam wuri ɗi. 2Aɓwoon ɗi wuri kì̵ wet, ki̶ c`in teer mo laarfeer nɗin nse mbiise zak, ɓe neenláa nwuri. 3Shetan ngukyampee wuri j`i pe Jesu ɗi, ɓe wuri sat nJesu nee, "Katɗang wugha a Làa kì̵ Naan, ɓe a sat nhi̶k ɗiisi mo cighi̶r ɗee nwugha a mbiise." 4Amma Jesu lap nwuri nee, "Mo kì̵ ran nee, 'Ba gurum wurin nkat seen a mpee se mbiise ɓejee ɗak kas, amma a shi koo po ɗiiɗang ye ɗi ni put mpo kì̵ Naan.' " 5Ɗangɓe Shetan so ki̶ Jesu ndi̶ghi̶n Jerusalem birni kì̵ Naan. Wuri le ku Jesu ɗar aɗeng Lu kì̵ Naan ɗiiɗes. 6Ɓe wuri sat nJesu nee, "Katɗang wugha a Làa kì̵ Naan, ɓe a met a sham nyil shikáa fugha. Mpeeɗi mo kì̵ ran nee, Naan wurin nsatpo nyemlop fi̶ri mo nkaa wugha. 'Ɓe mon ntaa fwang wugha shi sar furu mo, Mpeku taji a sham a shoor shii fugha mo nkaa jwak kas.' " 7Jesu wuri sat nee, "Mo kì̵ baa ran zak nee, 'Taji a kyam Daa Naan fugha kas.' " 8Shetan baaso ki̶ Jesu zak, ɓe wuri kàa ki̶ Jesu aɗeng jwak ɗiiwurang ɗes. Ɓe wuri kám mulki mu yil ni mo jir ki̶ ɗiiɗes furu mon nJesu. 9Wuri sat nJesu nee, "wan ncín mbii ɗiisi mo nwugha jir, katɗang wugha lang nyil ku a seyil ɗi nwan." 10Jesu sat nwuri nee, "A baa aku, Shetan, mpeeɗi mo kì̵ ran nee, 'A seyil nDaa Naan fugha, a wuri mmi̶shin ɗi a nc`in ɗak nwuri ɓejee ɗak.' " 11Ɗangɓe Shetan yaghal yit Jesu, ɓe nyemlop kì̵ Naan mo j`i ɓam wuri. 12Kaaɗi Jesu wuri ki̶ling ne mo kì̵ yaa Joon, ɓe wuri so nyil nGalili. 13Wuri yit Nazaret, ɓe wuri j`i tong ndi̶ghi̶n Kaparnahum, ɗi ni pukom bahar nkoghop nZebulun ki̶ Naftali. 14Mpeku po ni gam mbii, ɗi mo kì̵ ten sat ni nsar kì̵ ngusatpo Naan Aizaya nee: 15"Yil nZebulun ki̶ yil nNaftali. Ar so mbahar canɗel mɓin Jodan ki̶ Galili mu nyemk`um mo. 16Nyem ɗi moo tong a peenkoo. Mo naa peeɓang ɗiiɗes. Nyem ɗi moo tong ndi̶ghi̶n yil ɗiimumuut, ɓe peeɓang ni j`i put pe mo ɗi." 17Yaghal mparmi̶ni, ɓe Jesu wuri ɗoghom satpo Naan ngurum mo nee, "Wu tuwap, mpeeɗi mulki kì̵ ɗengnaan ni kus." 18Kaaɗi Jesu wuri mwaan pukom bahar mu Galili, ɓe wuri naa mee ɗyemni̶ghi̶nshak mo vul. Simon ɗi moo pet wuri a Pita ki̶ Andru ɗyemni̶ghi̶n fi̶ri, mo nkaa fwo shang ndi̶ghi̶n am ni, mpee yak pupwap mo. 19Jesu wuri sat mmo nee, "Wu j`i ndang wan, ɓe wan nle ku wu wu ɗee a nyemsatpo kì̵ Naan, mpeku wu dul gurum mo j`i pe wan ɗi kaaɗi wuu yak pupwap mo si." 20Abet ɓe mo yaghal yit shang furu mo, ku mo so ndang wuri. 21Kaaɗi wuri gyes so ɗii lee, ɓe wuri naa mee ɗyemni̶ghi̶nshak mo vul zak, Jemis làa kì̵ Zeɓeɗi ki̶ Joon ɗyemni̶ghi̶n fi̶ri, moo tong ndi̶ghi̶n jirgi ashak ki̶ puun furu Zeɓeɗi, ki̶ mo nkaa ɗak shang furu mo, ɓe Jesu wuri pet mo. 22Abet, ɓe mo yit jirgi ni ki̶ puun furu, ku mo so ɗi ndang wuri. 23Jesu wuri mwaan shipee-shipee ndi̶ghi̶n Galili jir, ki̶ wuri c`in kám ngurum mo ndi̶ghi̶n lu Naan furu mo. Wuri satpo ɗiiret nkaa mulki kì̵ Naan ni. Wuri bar shwal mo shini-shini jir, nnaar ki̶ gurum mo. 24Ɗangɓe po nkaa wuri ni put so ndi̶ghi̶n Siriya jir. Ɓe gurum mo j`i ki̶ nyemgok mo pe wuri ɗi jir, ɗi shwal furu mo shini-shini, ki̶ nyem ɗi moo shwaajeel mo, ki̶ nyem ɗi mo ki̶ riin ɗiibish mo, ki̶ nyem ɗi mo ki̶ kukwi mo, ki̶ nyem ɗi sut furu mo fii, ɓe Jesu wuri bar mo jir. 25Ɗuu ki̶ gurum mo ɗes, ɗi mo pwat ndi̶ghi̶n Galili, ki̶ Dikapolis, ki̶ Jerusalem ki̶ Judiya, ki̶ yil ɗi mon mɓin dung nJodan mo so ndang wuri.

will be added

X\