Matiyu 28

1Aɓwoon kì̵ parpuus Nookɗi mu nyem Yahudi mo, ɓe mɓít-mɓít, parpuus ɗin nshee mu teer ɗiipovul si mo, ɓe Meeri Makdalin, ki̶ Meeri ɗiisí, mo so ɗi a ki̶cir ni. 2Nɗin mman, ɓe yil ni tungpee ɓal-ɓal ɗes. Mee ngulop mu Daa wuri sham aɗeng, ɓe wuri j`i bet nhi̶k ɗi mo paa ki̶cir ni ɗishik baa ki̶ ni, ki̶ wuri tong nkaa ni. 3Yit fi̶ri ni ɓangpee kaa pee ɗiimi̶lep si. Nli̶r fi̶ri ni mo piyaa kaa ɗaghar si. 4Mpee ki̶i̶r kì̵ ngulop ni, ɓe ni le ku sooja ɗi mo tap ki̶cir ni mo ɗaar ki̶ ki̶i̶rmuut, har mo ɗee a kaa kúm mo si. 5Amma ngulop ni wuri sat mmat ni mo nee, "Taji ki̶i̶rmuut yaa wun kas, mpeeɗi wan man ne, wuu tang a Jesu, ngo ɗi mo kì̵ pwas wuri nkaa shiyeep si. 6Ba wuri ɗi mpesi kas, mpeeɗi wuri kì̵ yaghal a peemúut, kaaɗi jí wuri kì̵ ten sat si. Wu j`i, wu naapee ɗi jí mo kì̵ le wuri ni ɗi. 7Wu so nkyen wu sat njeplop fi̶ri mo nee, 'wuri kì̵ yaghal a peemúut, ki̶ yaksi, wuri a ar so nGalili a ti̶leng nwun. Wun nso wu naa wuri a mpee mi̶ni.' Wu panpo ɗi wan sat nwun ni." 8Ɗangɓe mat ni mo yaghal yit ki̶cir ni nkyen ki̶ ki̶i̶rmuut ki̶ mo gam ki̶ retnyit ɗes. Mo swa so ki̶lak-ki̶lak mpee satpo ni njeplop fi̶ri mo. 9Ɗangɓe nɗi mman, ɓe Jesu wuri kaat ki̶ mo, wuri satpo mo nee, "Riyang pe wun ɗi!" Ɓe mo j`i kurum ntoghom fi̶ri, ki̶ mo yaa shii fi̶ri mo ki̶ mo seyil nwuri. 10Jesu wuri sat mmo nee, "Taji ki̶i̶rmuut yaa wun kas. Wu so wu sat nɗyemni̶ghi̶n fi̶na mo, ku mo so kat wan ɗi nGalili." 11Kaaɗi mat ni mo a ar so ni, ɓe pak sooja ɗi mo tap ki̶cir ni, mo ɗel ndi̶ghi̶n yil ni, ki̶ mo sat mpris ɗiinan-nan ni mo, mbii ɗi ni c`in jir. 12Ɗangɓe pris ɗiinan-nan ni mo kaat ashak ki̶ nyemnan mo, ɓe mo ɓwaghatpo ashak, ɓe mo tupo nsooja ni mo shi shaghal ɗes zam. 13Mo sat mmo nee, "Wu sat ngurum mo nee, 'A jeplop fi̶ri mo j`i mang kúm fi̶ri ni nwat mpar, kaaɗi mun mu ɗee nsaam. 14Katɗang ɓe po ɗiisi ni wul nkom kì̵ gofna, ɓe mun nsat nwuri nee, sar fuu mo paat, mpeku taji po ni yaa wun kas.' " 15Sooja ni mo lap shaghal ni, ɓe mo so satpo ni kaaɗi mo sat mmo si. Po ɗiisi ni so koo niye, nnaar kì̵ nyem Yahudi mo har cicinsi. 16Jeplop ɗiikaghapaat baami̶ndong ni mo so a jwak nGalili, a peeɗi Jesu wuri kì̵ ten sat mmo. 17Kaaɗi mo naa wuri, ɓe mo seyil nwuri, koo ɗi pak mo ki̶ putughup vul-vul. 18Jesu wuri j`i kus ki̶ mo, ɓe wuri sat mmo nee, "Mo kì̵ cín iiko nwan jir ndi̶ghi̶n ɗengnaan ki̶ ndi̶ghi̶n yil ni jir zak. 19Mpeemi̶ni, ɓe wu so, wu le ku gurum mo jir mo ɗee a nyemso ndang wan mo. Wu c`in baptisma mo ndi̶ghi̶n sum kì̵ puun, ki̶ Làa, ki̶ Riin Ɗiiɓang. 20Wu kám mmo, mpeku mo tap ki̶ mbii ɗi wan ki̶n sat nwun, ku mo c`in mo jir. Wu naa wan ɗi ashak ki̶ wun shidaar-shidaar har parpuus ɗi yil nin nkyes."

will be added

X\