Matiyu 27

1Kaaɗi ɓit mang, ɓe pris ɗiinan-nan mo ki̶ nyemnan mu gurum ni mo, mo kuur ashak mpee ɓwaghatpo nkaa Jesu, mpeku mo tang ar ɗi mon ntu wuri ɗi. 2Mo ɓwaghat wuri, ɓe mo so ki̶ wuri, ntoghom kì̵ Pailet ɗi wuri a gofna. 3Kaaɗi Judas Iskariyot ɗi wuri seet Jesu, wuri naa mo kì̵ canɗiyeel muut nJesu, ɓe wuri tuwap, wuri baaj`i ki̶ shaghal azurfa ɗiilaarkun ni mmo pe pris ɗiinan-nan mo ki̶ nyemnan mo. 4Wuri sat mmo nee, "Wan ki̶n c`in shikbish, mpeeɗi wan kì̵ seet ngo ɗi nsar fi̶ri mo paat." Mo sat nwuri nee, "A me a munu ɗiɓut ye? A wugha nnaa ki̶ mbugha." 5Ɗangɓe Judas Iskariyot wuri fwo shaghal azurfa ɗiisi ni ndi̶ghi̶n Lu kì̵ Naan ɗiiɗes ni, wuri put ɓe wuri so langshin. 6Amma pris ɗiinan-nan mo kyak shaghal azurfa ni, ɓe mo sat nee, "Ba nin ndi̶re ku mu le ni ashak ki̶ shaghal mu mbiizughum nNaan kas, mpeeɗi ni a shaghal mu toghon." 7Mo ɓeet ashak, ɓe mo seet bong kì̵ nguɗik tughul shi shaghal ni, mpee wum mi̶zep mo. 8Mpeemi̶ni, moo pet bong ɗiisi ni a Ɓongtoghom har cicinsi. 9Ɗangɓe po ɗi ngusatpo kì̵ Naan Jeremiya wuri kì̵ ten sat ni gam ɗi nee, "Mo mang shaghal azurfa ɗiilaarkun si mo, ɗi ni a shaghal seet kì̵ ngo ɗi pak nyem Isreil mo seet wuri. 10Ku mo seet bong kì̵ nguɗik tughul ɗishik, kaaɗi Daa wuri kì̵ sat ne wan c`in si." 11Jesu wuri ɗar ntoghom kì̵ gofna, ɓe gofna tal pu nee, "A wugha a mishkagham kì̵ nyem Yahudi mo me?" Jesu lap nee, "Wugha kì̵ ten sat." 12Amma kaaɗi pris ɗiinan-nan mo ki̶ nyemnan mo, mo j`i ki̶ langting mu ɗung mo nkaa Jesu, ɓe ba wuri sat mee po kas. 13Ɗangɓe Pailet sat nwuri nee, "Ba a ki̶lingpo mo ɗes ɗi moo sat nkaa wugha kas aa?" 14Amma ba Jesu lap mee po nwuri kas koo mi̶ndong, har ni fes aapo ngofna zam. 15Pugyet ɗi, ɓe koo a parpuus mu retnyit, mu Canɗel ɗiiɗang ye ɓe gofna wurii loghot ki̶ ɓwot mee gurum ɗii ɓuɓwaghat mi̶ndong, ɗi ɗuu kì̵ gurum ni moo riɓet. 16Nteer mi̶ni mo, ɓe mee kus wat ɗi gurum mo man wuri, ɗi sum fi̶ri a Barabbas, wuri ɗi a ɓuɓwaghat nlushaghat. 17Kaaɗi gurum ni mo kuur ashak, ɓe Pailet tal pu mo nee, "Wuu riɓet ku wan ɓwot a we nwun ye? A Barabbas aa? koo a Jesu ɗi moo pet wuri a Kristi ye?" 18Mpeeɗi gofna wuri man nee, mo j`i ki̶ Jesu ntoghom fi̶ri a mpee zughur. 19Kaaɗi Pailet wurii tong nkaa mbiitong mu tokɗiyeel, ɓe mat fi̶ri wura lop mo sat nwuri nee, "Taji a c`in mee mbii ki̶ ngo ɗin ndi̶re si kas, mpeeɗi doghon mpar ɓe sughun daampee nwan, mpee gwar ɗiisi ni." 20Amma pris ɗiinan-nan mo, ki̶ nyemnan mo, mo kar ɗuu kì̵ gurum ni mo, mpeku mo ɗang Pailet, ku wuri ɓwot a Barabbas ɗi mmo, ku mo tu Jesu ɗi. 21Gofna ni wuri waa baa sat nee, "Wuu riɓet ku wan ɓwot a we nwun, ndi̶ghi̶n das ɗiivul si mo ye?" Mo lap nwuri nee, "A ɓwot a Barabbas mmun!" 22Pailet wuri sat mmo nee, "Wuu riɓet ku wan c`in a me ki̶ Jesu ɗi moo pet wuri a Kristi ye?" Mo jir mo lap nee, "A le ku mo pwas wuri nkaa shiyeep!" 23Pailet wuri sat mmo nee, "A mpee meye? Wuri c`in a mbii ɗiibish ɗiiɗang ye?" Amma mo waa si̶ghi̶t le or shi ɓal nee, "A le ku mo pwas wuri nkaa shiyeep." Gurum ni mo waa si̶ghi̶t yiyaghal ki̶ or shi ɓal ɗak. 24Kaaɗi Pailet wuri naa ne, ba wuri mak le ku gurum ni mo ɗok titik kas, ɓe wuri mang am, wuri vwang sar ɗishik ɗi a yit kì̵ ɗuu kì̵ gurum ni mo, ki̶ wuri sat mmo nee, "Sar fi̶na mo paat, wan shang sar fi̶na mɓut ntoghom kì̵ ngo ɗin ndi̶re si. Wun wu naa mbii ɗi wun nc`in ki̶ wuri." 25Ɗangɓe ɗuu kì̵ gurum ni mo lap jir, mo sat nee, "A yit ku toghom fi̶ri ni ɗee nkaa mun ki̶ jep funu mo!" 26Ɗangɓe Pailet wuri ɓwot Barabbas mmo, ki̶ wuri fwo ngwam nJesu ɓe wuri cín wuri mmo, mpeku mo so pwas wuri ɗi nkaa shiyeep. 27Ɗangɓe sooja mu Pailet ni mo mang Jesu ɗel ki̶ wuri ndi̶ghi̶n lu kì̵ gofna ni, ɓe sooja ɗin mpee mi̶ni mo jir, mo j`i kuur pe wuri ɗi. 28Mo shwat nli̶r fi̶ri mo, ɗangɓe mo lop mee nli̶r ɗiiɗes ɗiinaat nwuri. 29Ki̶ mo ráa mee mbiikáa hi̶r mo lop nwuri nkáa. Mo le mee kam nwuri nsarse. Ɗangɓe mo kurum ntoghom fi̶ri, mo shwar ki̶ ɓák wuri, ki̶ mo sat nee, "Muu tok ki̶ wugha, mishkagham mu nyem Yahudi mo." 30Ki̶ mo twas lii nkaa wuri. Ɗang mo yaa wuri ki̶ kam ni, ɓe mo cut wurin nkáa ɗishik. 31Kaaɗi mo kì̵ shwar kì̵ ɓák wuri, ɓe mo shang nli̶r ɗiiɗes ni baa ki̶ni, ɓe mo lop nli̶r fi̶ri mo nwuri. Ɗangɓe mo so ki̶ wuri mpeku mo pwas wuri ɗi. 32Kaaɗi mo a ar put, ɓe mo taa kaat ki̶ mee ngu Sairin, ɗi moo pet sum fi̶ri a Simon, ɓe sooja ni mo le wuri mang shiyeepmúut kì̵ Jesu ni ting. 33Kaaɗi mo so wul mee peeɗi moo pet ni a Golgofa, (shii kì̵ Golgofa ni a ɗyeskáa.) 34Ɓe mo cín am anab ɗi mo riyeep ni ashak ki̶ njaam, ɗi ni fes ɗeet zam, mpeku wuri shwaa ɗi, amma kaaɗi wuri kyam, ɓe wuri kwar shwaa ni. 35Kaaɗi mo pwas wuri nkaa shiyeep ni, ɓe mo koospaa mpeku mo man nyem ɗi mon mɓàk nli̶r fi̶ri ni mo ɗi. 36Aɓwoon mi̶ni, ɓe mo tong nyil, ku moo naa wuri ɗi nkaa shiyeepyoghom ni. 37Mo ran mee po le nkaa shiyeepyoghom ni aɗeng nkáa fi̶ri, ɗi ni sat nee, "A Jesu mishkagham mu nyem Yahudi mo nɗiisi." 38Mo pwas mee kus wat mo vul ashak ki̶ Jesu. Mo pwas memee nkoghop nsarse fi̶ri, ki̶ memee nkoghop nsarkul fi̶ri zak. 39Nyem ɗi mo ɗel ar a pee ni, mo zi̶kkáa furu mo, ki̶ mo satpo ɗiibuu mo nwuri. 40Mo sat nee, "Kwegwa! Wugha ɗi jí a sat ne, wughan nshirip Lu kì̵ Naan ɗiiɗes, ɗangɓe a baa ɗik ni ɗi ndi̶ghi̶n shiiteer mo kun zak. A ɓam sak shing! Katɗang wugha a Làa kì̵ Naan azeen-nzeen, ɓe a sham nyil aku nkaa shiyeepyoghom ni." 41Pris ɗiinan-nan mo, ki̶ nyemkám Waar kì̵ Mosis mo, ki̶ nyemnan mo, mo shwar ki̶ ɓák wuri zak, mo sat nee, 42"Wugha ɓam gurum mo, amma ba wugha mak ɓam sak kas. Katɗang a wugha a mishkagham kì̵ nyem Isreil mo azeen-nzeen, ɓe a sham nyil nkaa shiyeepmúut ni yaksi, ɓe mun ncínzeen nwugha. 43Wugha gangkáa fugha nkaa Naan. A sat nNaan wuri ɓam wugha yaksi, ku mu naa ɗi, katɗang Naan wurii wal nwugha, mpeeɗi jí wugha sat nee, wugha a Làa kì̵ Naan." 44Wat ɗi mo pwas mo ashak ki̶ wuri, mo satpo ɗiibuu nwuri aasi zak. 45Yaghal mpuus a naar, ɓe pee ni rii ndi̶ghi̶n yil ni jir, har so wul nkarfe kun. 46Kaaɗi karfe kun ni c`in, ɓe Jesu wuri petpee shi ɗoo ɗiiɗes, wuri sat nee, "Eloi, Eloi, Lama Sabaktani?" Shii kì̵ mi̶ni nee, "Naan fi̶na, Naan fi̶na, a mpeme ɗang a yit wan ye?" 47Kaaɗi pak gurum mo mɓut nyem ɗi moo ɗar ɗi a pee ni, mo ki̶ling petpee mi̶ni, ɓe mo sat nee, "Gwar ɗiisi wurii pet a Ilaija." 48Abet ɓe memee ndi̶ghi̶n mo, wuri su so mang tuvuk wuri lop ni ndi̶ghi̶n am anab ɗiiɗwang, wuri lop ni nkaa mee kam wuri lop kàa nJesu, mpeku wuri shwaa ɗi. 49Amma kaghar gurum ni mo sat nee, "Wu ɗar aku mu naa mbii ɗi nin nc`in ɗi ɗe, kyet Ilaija wurin nj`i ɓam wuri wa?" 50Jesu wuri waa baa le or shi ɗoo ɗiiɗes, ɓe wuri ɓwot riin fi̶ri, mpeku wuri muut. 51Ɗangɓe fuwaat ɗi ni ndi̶ghi̶n Lu kì̵ Naan ɗiiɗes, ni tee sham a naar, har ni ɓàk vul zak. Yil ni tungpee ki̶ jwak mo pyan. 52Mo wang ki̶cir mo, ki̶ kúm mu nyem kì̵ Naan mo ɗes ɗi mo kì̵ ten murap, mo yaghal a peemúut, mo pwat ɗi ndi̶ghi̶n ki̶cir ni mo. 53Amma aɓwoon ɗi Jesu wuri kì̵ yaghal a peemúut, ɓe nyem kì̵ Naan ni mo so ɗel ndi̶ghi̶n birni ɗiiɓang ni, ɓe gurum mo ɗes mo naa mo. 54Kaaɗi ngo ɗiiɗes nkaa sooja mo ɗari mi̶ndong, ki̶ nyem ɗi mo ashak ki̶ wuri, ɗi moo tap ki̶ Jesu, mo naa yil ni tungpee, ki̶ mbii ɗi ni c`in jir, ɓe ki̶i̶rmuut yaa mo ɗes, har mo sat nee, "Azeen-nzeen gwar ɗiisi, wuri a Làa kì̵ Naan." 55Mat Galili mo ɗes, ɗi jí moo c`in ɗak nJesu, ɗi mo j`i ndang wuri a peeɗi mo pwas wuri ni ɗi. Mo pan ɗar jong-jong ku mo naapee mbii ɗiisi moo c`in ɗi. 56Ndi̶ghi̶n mat ni mo, ɓe Meeri Makdalin wura ɗi, ki̶ Meeri ni̶ghi̶n kì̵ Jemis ki̶ Josep, ki̶ mat kì̵ Zeɓeɗi zak. 57Kaaɗi kansi̶ghi̶n c`in, ɓe mee ngulong wuri j`i ɗi, wuri a ngu Armafiya, ɗi sum fi̶ri a Josep, ɗi wuri a memee ndi̶ghi̶n nyemso ndang Jesu mo zak. 58Wuri so pe Pailet ɗi, mpeku wuri ɗang kúm kì̵ Jesu ɗi. Ɓe Pailet sat ku mo so mang kúm kì̵ Jesu ni cín nJosep. 59Josep wuri mang kúm ni, ɓe wuri ɓwaghat ni shi fuwaat ɗiipiyaa-piyaa. 60Ki̶ wuri so le kúm kì̵ Jesu ni ndi̶ghi̶n ki̶cir ɗiipoo, ɗi wuri kì̵ sul ni a mpee shin ndi̶ghi̶n jwak. Ɓe wuri tup mee nhi̶k ɗiiɗes paa po ki̶cir ni ɗi, ɓe wuri so waa. 61Meeri Makdalin, ki̶ Meeri ɗiisí, moo tong ɗi kus ki̶ ki̶cir ni. 62Ɗangɓe daɗaar ni, ɗi ni a puus Nookɗi, ɓe pris ɗiinan-nan mo, ki̶ nyem Farisi mo, mo so pe Pailet ɗi. 63Ɓe mo sat nwuri nee, "Daa, mun mu pan, kaaɗi jí ngunumpee si wuri kuɗi mmeen, ɓe wuri sat nee, shii ɗiikun, ɓe wuɗin mbaa yaghal a peemúut. 64Mpeemi̶ni, a le ku mo tap ki̶cir ni riret, har mpee teerkun ni mo, mpeku taji jeplop fi̶ri mo so mang kúm fi̶ri ni kas, mpeku mo yaghal sat ɗi ngurum mo nee, wuri kì̵ yaghal a peemúut. Ɓe ɗung ɗin mɓwoon nin nwaa ɗee a ɗiiɗes met nɗin nshee ni mmi̶ni." 65Pailet wuri sat mmo nee, "Wu sat nyemtappee mu sooja mo, wu so ki̶ mo, ku mo tap ki̶cir ni kaaɗi mo mak si." 66Ɗangɓe mo so lus nhi̶k ɗi mo shaghat ki̶cir ni ɗi, shi stam mu mishkagham, ki̶ mo le sooja mo tap ki̶cir ni riret.

will be added

X\