Matiyu 2

1Aɓwoon ɗi mo làa Jesu ndi̶ghi̶n Betlehem, mu yil nJudiya, mɓít ɗi Herot wuri a mishkagham. Ɓe mee nyemman zar mo pwat nkoghop puuskàa mo j`i nJerusalem, ɓe 2mo sat nee, "Ngo ɗi mo làa wuri a mishkagham mu nyem Yahudi mo si, wuri a neye? Mpeeɗi mun kì̵ naa zar fi̶ri nkoghop puuskàa, ki̶ mu j`i a mpeku mu seyil ɗi nwuri nɗiisi." 3Kaaɗi mishkagham Herot ki̶ling po mi̶ni, ɓe ni daampee nwuri hakyeng, ki̶ ni daampee nyem Jerusalem mo jir aasi zak. 4Wuri pi̶rep pris ɗiinan-nan ni mo jir, ki̶ nyemkám Waar ki̶ Mosis mo, ɓe wuri tal pu mo, nkaa peeɗi po Naan sat ne, mon nlàa Kristi ɗi. 5Mo sat nwuri nee, "A mBetlehem ɗi ni a mu yil nJudiya, mpeeɗi mo kì̵ ten ran aasi nsar ki̶ ngusatpo kì̵ Naan nee: 6Wii Betlehem mu yil nJudiya Ba wii a ɗiilee nyit kì̵ mishkagham nJudiya mo kas. Mpeeɗi mee mishkagham wurin ndung put a mɓut nwii. Ɗi wurin nɗee a ngukiyeer kì̵ nyem fi̶na Isreil mo." 7Ɗangɓe Herot wuri pi̶rep nyemman zar ni mo caghat, ɓe wuri tal pu mo nkaa parɗi mo naa zar ni. 8Ɗangɓe wuri lop mo so mBetlehem ni. Wuri sat mmo nee, "Wu so wu tang làa ɗiilee ni riret, katɗang wu kat wuri, ɓe wu baa wu j`i, wu sat nwan, mpeku wan son seyil ɗi nwuri shikáa fi̶na zak." 9Kaaɗi mo ki̶ling po ki̶ mishkagham ni, ɓe mo so a ar furu. Zar ɗi mo naa nkoghop puuskì̵ kàa ni taa mmo ati̶leng, har ni so ɗar nkaa peeɗi làa ɗiilee ni ɗi. 10Kaaɗi mo naa zar ni, ɓe mo kat retnyit ɗes hakyeng. 11Mo ɗel ndi̶ghi̶n lu ni, ɓe mo naa làa ɗiilee ni, ashak ki̶ Meeri ni̶ghi̶n fi̶ri. Ɓe mo taa nyil mo seyil nwuri. Ɗangɓe, mo wang lée furu mo, ki̶ mo cín zughum mo nwuri, kaa zinariya ki̶ mbii ɗiiɗu shang-shang mo, kaa lubban, ki̶ mar si. 12Ɗangɓe Naan wuri kám mmo ndi̶ghi̶n sughun nee, taji mo baaso pe Herot ɗi kas. Ɓe mo yaghal baa waa nyil furu mmee ar ɗiici. 13Aɓwoon ɗi nyemseen mo kì̵ so waa, ɓe ngulop kì̵ Naan wuri j`i kámshin nJosep ndi̶ghi̶n sughun, wuri sat nee, "A yaghal, a mang làa ɗiilee ni ashak ki̶ ni̶ghi̶n fi̶ri, a su, a so nyil Ijip. A tong mpee mi̶ni, har parpuus ɗi wan sat nwugha, nee, a j`i, mpeeɗi Herot wuri ndung tang làa ni mpee tu." 14Josep wuri yaghal mang làa ɗiilee ni, ashak ki̶ ni̶ghi̶n fi̶ri, ku mo so ɗi nyil Ijip. 15Wuri tong ɗi a pee ni har muut kì̵ Herot, mpeku po ni gam ɗi, ɗi Daa wuri kì̵ sat ni nsar kì̵ ngusatpo fi̶ri nee, "Wan pet làa fi̶na put aku ndi̶ghi̶n nyil Ijip." 16Ɗangɓe kaaɗi Herot wuri naa nyemseen ni mo ɓák wuri, ɓe wuri c`in tughup zam. Wuri lop ku mo twa jep ɗiimish ɗi mo ndi̶ghi̶n Betlehem, ki̶ ɗi mo neer nyil mi̶ni jir, ɗi ɓit furu mo wul vul, ki̶ ɗi ba mo ki̶ wul ɓit vul ni kas zak. Yaghal mparpuus ɗi wuri tal ɗi pu nyemseen ni mo ɓe a ɓit vul. 17Ɗangɓe po ni gam mbii ɗi mo kì̵ ten sat ni nsar kì̵ Jeremiya ngusatpo Naan nee: 18"Mo ki̶ling mee or ndi̶ghi̶n Rama, Maap ɗiiɗes, ki̶ putughup ɗiiwuwat hakyeng. Recel wura wal mpee jep fi̶ra mo, wura cíi nwaan, mpeeɗi ba jep fi̶ra mo ɗi kas." 19Aɓwoon ɗi Herot muut, ɓe ngulop kì̵ Daa j`i sat nJosep ndi̶ghi̶n sughun, ɗi nyil Ijip ni nee, 20"A yaghal, a mang làa ɗiilee ni ki̶ ni̶ghi̶n fi̶ri, a baa nyil Isreil, mpeeɗi nyem ɗi moo tang seen ki̶ làa ɗiilee ni, mo kì̵ murap jee." 21Ɗangɓe Josep wuri yaghal, ɓe wuri mang làa ɗiilee ni ki̶ ni̶ghi̶n fi̶ri, wuri baa nyil Isreil. 22Amma kaaɗi Josep wuri ki̶ling nee, Arkilayus wuri a mishkagham nJudiya a koppee kì̵ puun fi̶ri Herot, ɓe wuri ki̶i̶r so mpeemi̶ni. Amma kaaɗi Naan kám nwuri ndi̶ghi̶n sughun, ɓe wuri taa mer so nkoghop nyil nGalili. 23Ɓe wuri so tong ndi̶ghi̶n yil ɗi moo pet ni a Nazaret, mpeku po ni gam mbii ɗi mo kì̵ ten sat nsar kì̵ nyemsatpo kì̵ Naan mo nee, "Mon mpet wuri a ngu Nazaret."

will be added

X\