Matiyu 18

1Ndi̶ghi̶n teer mi̶ni mo, ɓe jeplop kì̵ Jesu mo j`i pe wuri ɗi, mo tal pu wuri nee, "A we a ɗiiɗes met jir ndi̶ghi̶n mulki kì̵ Naan ye?" 2Jesu wuri pet mee làa ɗiilee j`i pe wuri ɗi, ɓe wuri le làa ni ɗar a naar furu. 3Ɓe wuri sat nee, "Azeen-nzeen, ki̶n sat nwun, katɗang ba wu sham ki̶ káa fuu mo, ku wu ɗee ɗi kaa jep ɗiiɗween mo si kas, ɓe ba wun mmak ɗel ndi̶ghi̶n mulki kì̵ Naan kas. 4Koo ngo ɗiiɗang ye ɗi wuri sham ki̶ káa fi̶ri kaa làa ɗiilee si, ɓe a wurin nɗee a ɗiiɗes ndi̶ghi̶n mulki kì̵ Naan. 5Ki̶ koo ngo ɗiiɗang ye ɗi wuri lap mee làa ɗiilee, kaa ɗiisi si ndi̶ghi̶n sum fi̶na, ɓe gwar ni lap a wan mmi̶ni. 6Amma koo ngo ɗiiɗang ye ɗi wuri le ku memee mi̶ndong ndi̶ghi̶n ɗiiɗween si mo, ɗi mo cínzeen nwan, wuri c`in shikbish, ɓe ɗi ni ret met ngwar mi̶ni, ku mo ɗiin mee fin ɗiitoghon ntook fi̶ri, ku mo vwet wuri ndi̶ghi̶n am bahar ɗiijurung." 7"Jeel ɗi ndi̶ghi̶n yil ni, mpee mbii ɗi moo le ku gurum mo c`in shikbish, amma jeel ntaa nkaa ngo ɗi wuri le ku gurum mo c`in shikbish. 8Katɗang ɓe sar fugha koo shii fugha mo le ku a c`in shikbish, ɓe a can a vwet. Gyal ɗeesi ɓe a ɗel ndi̶ghi̶n peeseen ki̶ sar mi̶ndong koo shii mi̶ndong, ni ret met aku ɗi mon nvwet wugha ndi̶ghi̶n aawus ɗiiso ngaa-ngaa, ɓe wugha ki̶ sar mo vul koo shii mo vul. 9Katɗang ɓe yit fugha ni le ku a c`in shikbish, ɓe a pun a vwet. Gyal ɗeesi ɓe a ɗel ndi̶ghi̶n peeseen ki̶ yit mi̶ndong, met aku ɗi mon nvwet wugha ndi̶ghi̶n aawus ɗiiso ngaa-ngaa, ɓe wugha ki̶ yit mo vul." 10"Wu tap, ku taji wu ɓák memee mi̶ndong ndi̶ghi̶n jep ɗiilee si mo kas. Mpeeɗi wan sat nwun nee, nyemlop furu mo, mo ɗi ashak ki̶ puun fi̶na ɗi wuri aɗeng shidaar-shidaar. [ 11Mpeeɗi Làa kì̵ Gurum wuri j`i a mpee ɓam nyem ɗi mo kì̵ lagham.] 12"Wun wu pan a meye? Katɗang ɓe mee gurum wuri ki̶ tum mo ɗari mi̶ndong, ɗangɓe memee lagham, ɓe ba wurin nyit ɗii laarpofeer baapofeer si mo shitughur jwak, ku wuri so tang ɗi ni lagham ni ɗi kas aa? 13Azeen-nzeen ki̶n sat wun, katɗang wuri kat ni, ɓe wurin nc`in retnyit mpee ni, met ɗii laarpofeer baapofeer si mo, ɗi ba mo kì̵ kyam lagham kas. 14Ni aasi zak, ba ni a ɗyen kì̵ puun fi̶na ɗi wuri aɗeng, ku memee mi̶ndong ndi̶ghi̶n jep ɗiiɗween si mo lagham kas." 15"Katɗang ɓe ɗyemni̶ghi̶n fugha wuri c`in shikbish nwugha, ɓe a so a sat shikbish ɗi wuri c`in nwugha ni, wun mmusuk. Katɗang wuri ki̶ling wugha, ɓe a baaj`i ki̶ ɗyemni̶ghi̶n fugha aki̶ ar ɗiiret ni. 16Amma katɗang ba wuri ki̶ling wugha kas, ɓe a pet mee gurum mi̶ndong, koo mo vul ashak ki̶ wugha, mpeku wu so pe wuri ɗi, mpeku mo man zeen kì̵ po ɗi ni nnaar fuu ni ɗi, katɗang langting mo vul, koo mo kun mo ki̶ling, ɓe 17katɗang wuri cíi ki̶ling mo zak, ɓe a sat nEki̶lisya. Katɗang ba wuri ki̶ling Eki̶lisya kas zak, ɓe a yit ku wuri ɗee kaa mee nguk`um, koo ngulapwap si pe wugha ɗi. 18"Azeen-nzeen, wan sat nwun nee, koo a mbii ɗiiɗang ye ɗi wu ɓwaghat a yil si, ɓe mon nɗee a ɗii ɓuɓwaghat ndi̶ghi̶n ɗengnaan zak. Ki̶ koo mbii ɗiiɗang ye ɗi wu fwoon a yil si, ɓe mon nɗee a ɗii fufwoon ndi̶ghi̶n ɗengnaan zak. 19Wan baa sat nwun zak nee, katɗang mee das mo vul ndi̶ghi̶n wun, mo lepo furu ashak ndi̶ghi̶n yil ɗiisi nkaa mee mbii ɗi mo riɓet ɗang ni, ɓe puun fi̶na ɗi wuri ndi̶ghi̶n ɗengnaan wurin ncín mmo. 20A peeɗi gurum mo vul, koo mo kun mo kuur ashak ndi̶ghi̶n sum fi̶na, ɓe wan ɗi ashak ki̶ mo, mpee mi̶ni." 21Ɗangɓe Pita wuri j`i tal pu Jesu nee, "Daa, ɗyemni̶ghi̶n fi̶na wurin nc`in shikbish nwan a yit mo kong, ɓe wan nsat a nfwo ni wuri ɗak ye? Har yit povul aa?" 22Jesu wuri lap mPita nee, "Wan sat nwugha, ba a yit povul ɓejee ɗak kas, amma a povul yit laarpovul. 23Mpeeɗi mulki kì̵ Naan ni a kaa mee mishkagham ɗi wuri riɓet tal long fi̶ri nsar kì̵ ki̶rom fi̶ri mo. 24Kaaɗi mishkagham wuri ɗoghom tal ni, ɓe mo j`i ki̶ mee ki̶rom fi̶ri pe wuri ɗi. Ki̶rom ɗiisi ni wuri sekaat shaghal mmishkagham ni har daam duɓu kaghapaat. 25Mpeeɗi ba ki̶rom ni wuri kat mee mbii mpee kwat ni kas. Ɓe mishkagham ni wuri sat ne mo seet ki̶rom ni, ki̶ mat fi̶ri, ki̶ jeplop fi̶ri mo, ki̶ mbii ɗi wuri ki̶ ni jir. Mpeku wuri kwat shaghal ni ɗi. 26Ɗangɓe ki̶rom ni wuri taa ntoghom kì̵ mishkagham ni, wuri seyil mmishkagham ni, wuri sat nee, Daa, a gung ki̶ wan, wan nkwat shaghal ni nwugha jir. 27Mishkagham ni wuri naajeel kì̵ ki̶rom ni, har wuri c`in kussuk nki̶rom ni. Wuri ɓwot ki̶rom ni, ki̶ zak wuri fwo kaat ni nwuri jir. 28Amma kaaɗi ki̶rom ni wuri put, ɓe wuri kaat ki̶ mee gi̶ni̶ghi̶n ki̶rom ɗi wuri kì̵ ten sekaat nwuri mu zinariya mo ɗari. Wuri yaa ngusekaat fi̶ri nin nfeel, ki̶ wuri sat nee, A kwat kaat shaghal fi̶na nwan. 29Ɓe ngusekaat ni wuri táa nyil, wuri ɗang pu ngo ɗi wuri lap shaghal nwuri ni. Ngusekaat ni sat nee, 'A gung ki̶ wan, wan nkwat shaghal ni jir.' 30Amma ngushaghal ni wuri kwar, wuri so le ngusekaat ni nlushaghat, har see ngusekaat ni wuri kwat kaat ni jir. 31Kaaɗi niyee fi̶ri ki̶rom mo naa mbii ɗi wuri c`in ni, ɓe ni wat putughup mmo zam, har mo so sat mmishkagham. 32Ɓe mishkagham wuri pet ki̶rom ni, wuri sat ki̶rom ni nee, 'Wugha a ki̶rom ɗiibish! Wan fwo kaat shaghal fi̶na nwugha jir, mpeeɗi wugha ɗang pu wan. 33Ba ni ret ku wugha naajeel, ki̶ gwar ɗi wuri kì̵ sekaat nwugha, kaaɗi wan kì̵ naajeel mugha si kas aa?' 34Mbii ɗi ki̶rom ni cín ni fes wat putughup mishkagham ni zam. Wuri cín ki̶rom ni nsar kì̵ nyemshaghat gurum mo, har parɗi wuri kyes kwat kaat fi̶ri jir. 35A mbii ɗi puun fi̶na ɗi wuri ndi̶ghi̶n ɗengnaan, wurin ncín koo a weye ndi̶ghi̶n wun mmi̶ni. Katɗang ba wu fwo nɗyemni̶ghi̶n fuu mo shi putughup mi̶ndong kas."

will be added

X\