Matiyu 17

1Aɓwoon kì̵ shiiteer mo peemee ɓe Jesu wuri mang Pita, kì̵ Jemis, ki̶ Joon ɗyemni̶ghi̶n kì̵ Jemis, ɓe wuri kàa ki̶ mo a mee ɗeng jwak ɗiiwurang, mo mmusut. 2Ɓe shin fi̶ri ni cighi̶r ndi̶ghi̶n ɗiiɗes fi̶ri a yit furu. Yit fi̶ri ni ɓangpee kaa puus si, ki̶ nli̶r fi̶ri ni cighi̶r ɗee a ɗiipiyaa peng-peng har ni mang yit. 3Ɗangɓe nyemso ndang wuri mo naa Mosis, ki̶ Ilaija mon nkaa katpo ki̶ Jesu. 4Ɓe Pita sat nJesu nee, "Daa, ni ret kaaɗi mun ɗi mpesi, katɗang a riɓet, ɓe wan ɗik b`it mo kun mpesi. Memee mpee wugha, ki̶ memee mpee Mosis, ki̶ memee mpee Ilaija" 5Kaaɗi wuri kuɗi nkaa satpo mi̶ni, ɓe mee nluu ɗii ɓangpee j`i paa mo. Ɗangɓe mo ki̶ling mee ɗoo put ndi̶ghi̶n nluu ni, ni sat nee, "Ɗiisi a Làa fi̶na ɗi wan wal nwuri, ɗi wan ki̶n kat retnyit ki̶ wuri zam. Wu ki̶ling wuri." 6Kaaɗi jeplop fi̶ri mo ki̶ling mi̶ni, ɓe ki̶i̶rmuut yaa mo, har mo sham zum ki̶ yit furu mon nyil. 7Jesu wuri j`i tuwaas mo, wuri sat mmo nee, "Wu yaghal, taji ki̶i̶rmuut yaa wun kas." 8Kaaɗi mo ɗiyeep yit furu, ɓe mo naa a Jesu mmi̶shin ɗak. 9Kaaɗi mo a ar sham aɗeng jwak ni, ɓe Jesu wuri satpo mo shiɓal nee, "Taji wu sat mbii ɗi wu naa ni mmee gurum kas, see Làa kì̵ Gurum wuri yaghal a peemúut akuɗang." 10Jeplop fi̶ri mo tal pu wuri nee, "A me le ɗangɓe nyemkám Waar kì̵ Mosis mo sat nee, Ting see Ilaija wuri shee j`i akuɗang ye?" 11Jesu wuri lap mmo nee, "Ilaija wurin nshee j`i, mpeku wuri baa ɗak mbii mo ɗi ndi̶re jir. 12Amma wan sat nwun nee, Ilaija wuri kì̵ ten j`i, amma ba mo man wuri kas, har mo c`in mbii ɗi mo riɓet ki̶ wuri. Làa kì̵ Gurum wurin nshwaajeel nsar furu aasi zak." 13Ɗangɓe jeplop fi̶ri mo manshii ni nee wurii satpo ni mo a nkaa Joon nguc`in baptisma. 14Kaaɗi mo sham pe ɗuu kì̵ gurum ni mo ɗi, ɓe mee gwar wuri j`i kurum ntoghom kì̵ Jesu. Gwar ni wuri sat nee, 15"Daa, a naajeel kì̵ làa fi̶na, mpeeɗi wuri ki̶ kukwi, ki̶ wurii shwaajeel zak. Wurii naa ntaa nwus yit ɗes ki̶ wurii taa am zak. 16Wan j`i ki̶ wuri pe jeplop fugha mo ɗi, amma ba mo mak bar wuri kas." 17Jesu wuri sat mmo nee, "Kai! Wun nyem ɗin ny`iicinsi, ɗi ba wun ki̶ cínzeen kas. Wun a nyem ɗin nkan mo. Wan ntong ashak ki̶ wun har vit me? Wan nsat a gung ki̶ wun vit aa? Wu j`i ki̶ làa ni nwan mpesi" 18Ɗangɓe Jesu wuri ceen riin ɗiibish ni put aku mɓut làa ni. Abet ɓe làa ni bar. 19Aɓwoon mi̶ni ɓe jeplop kì̵ Jesu mo j`i pe wuri ɗi a si̶sok, ɓe mo tal nee "A me le ɗang ɗi ba mun mu mak ceen riin ɗiibish ni kas ye?" 20Jesu wuri lap mmo nee, "A mpeeɗi ba cínzeen fuu ni mak kas. Azeen-nzeen, ki̶n sat nwun, katɗang ɓe ɗi wun ki̶ cínzeen, koo a diɓen kaa àas kì̵ mustad si. Ɓe ɗi wun mmak sat njwak ɗiisi nee, 'Ni yaghal aku mpesi, ni so a kiyeen si, ɓe nin nyaghal so.' [ 21Ba mbii kaa ɗiisi nin mmak c`in kas, see shi aduwa ki̶ wet ki̶ neen.]" 22Kaaɗi mo j`i kaat ashak ndi̶ghi̶n yil nGalili, ɓe Jesu wuri sat mmo nee, "Mon nyaghal cín Làa kì̵ Gurum ndi̶ghi̶n sar kì̵ nyemɗiyeel mo. 23Ɓe mon ntu wuri, amma wurin nyaghal a peemúut parpuus ɗiikun." Ni le an jeplop fi̶ri mo zam. 24Kaaɗi Jesu ki̶ jeplop fi̶ri mo j`i wul nyil nKaparnahum, ɓe nyemtul wap mu Lu kì̵ Naan ɗiiɗes mo j`i pe Pita ɗi, mo sat nee, "Kyet Ngukám fuu wurii kwat wap wa?" 25Ɓe Pita lap nee, "Ii, wurii kwat" Kaaɗi Pita wuri ɗel nlu, ɓe Jesu ten tal pu Pita nee, "Mishkagham mu yil ni moo lapwap a pu we mo ye? A pu jep furu mo aa? Koo a pu mi̶zep mo ye?" 26Pita wuri sat nee, "A pu mi̶zep mo." Jesu wuri sat nwuri nee, "Katɗang aasi, ɓe jep ni mon nnook kwat ni mmi̶ni. 27Jir ki̶si, mpeku taji mu le ku gurum mo nook kwat ni kas, a son am canɗar ɗiiɗes, ku a yaa pupwap ɗi, ɓe pupwap ɗi a shee yaa ni, a wang po ni, ɓe a nkat shaghal ɗi nin ntap mak mpee kwat wap ni ndi̶ghi̶n ni. A mang shaghal ni a kwat wap mu Lu kì̵ Naan ɗiiɗes ni ɗi, mpee wan ki̶ wugha."

will be added

X\