Matiyu 16

1Pak nyem Farisi mo kì̵ nyem Saddusi mo j`i pe Jesu ɗi, mpeeɗi moo riɓet kyam wuri ku mo naa ɗi. Ɓe mo ɗang pu wuri Jesu ne, wuri kám mee mbii aapo ɗi ni put aɗeng sham mmo. 2Jesu wuri sat mmo nee, "katɗang kansi̶ghi̶n c`in, ɓe wuu sat nee, 'Pee ni naat aɗeng, ɓe pee ni ɓang.' 3Mɓít-mɓít, ɓe wuu sat nee, 'Fwan nj`i cicinsi mpeeɗi ɗeng ni rap shek-shek ki̶ nluu, ki̶ nii ngummbit zak.' Wu mak man mpee ɓàkyit nluu ɗi aɗeng mo shini-shini, amma ba wu mak man mpee ɓàkyit mbii aapo ɗii mu ɓit ni mo kas. 4Wun nyem ɗin ny`iicinsi mo, ɗi wun a ɗiibish mo. Nyemngaa mo, ɗi moo riɓet naa mee mbii aapo, ba mon nkám mee mbii aapo mmo kas, see a mbii aapo mu Joona ɓejee ɗak." Ɗangɓe wuri yaghal yit mo ɗi, ku wuri so a ar fi̶ri. 5Kaaɗi jeplop kì̵ Jesu mo ɗel wul mɓin ɗiisi, ashee mo mander mang bred pán. 6Jesu wuri sat mmo nee, "Wu tap ki̶ yist mu nyem Farisi mo, ki̶ mu nyem Saddusi mo." 7Mo ɓeet ki̶ shak nee, "Wuri satpo mi̶ni a mpeeɗi ba mu j`i ki̶ bred kas." 8Jesu wuri man mbii ɗi moo pan ni, ɓe wuri sat mmo nee, "Wun nyemcínzeen lee-lee mo. A me le ɗang wuu ɓeetshik ki̶ shak ne, ba wun ki̶ bred kas ye? 9Ashee, har yaksi ɓe ba wu manshii kì̵ ni kas me? Ba wu pan bred ɗiipaat si mo, ɗi jí wan cín ngurum mo duɓu paat mo se si kas me? Jí wu hi̶r kaghar mbiise ɗi ni ɗee ɗi, a kacik mo kong ye? 10Koo a bred ɗiipovul si mo, ki̶ gurum ɗii duɓu feer si mo, ɓe jí wu hi̶r kaghar mbiise ɗi jí ni ɗee ɗi a kong ye? 11A me le ɗangɓe ba wu mak manshii kì̵ mbii ɗiisi mo kas ye? Ba wan ki̶n sat a po nkaa bred kas, amma wu tap aa kám mu nyem Farisi mo, kì̵ nyem Saddusi mo." 12Ɗangɓe mo manshii ni nee, ba wurii satpo mmo, ku mo tap aa yist mu bred kas, amma mo tap aa kám mu nyem Farisi mo ki̶ mu nyem Saddusi mo. 13Kaaɗi Jesu wuri ɗel ndi̶ghi̶n yil nSizariya mu Filipi, ɓe wuri tal pu jeplop fi̶ri mo nee, "Gurum moo sat ne wan a Làa kì̵ weye?" 14Jeplop fi̶ri mo lap nee, "Pak gurum moo sat ne wugha a Joon nguc`in baptisma, ki̶ pak mo ne, wugha a Ilaija, pak mo ne wugha a Jeremiya, koo a memee mɓut nyemsatpo kì̵ Naan mo." 15Jesu wuri talpu mo nee, "Amma wuwun, wuu sat ne wan a weye?" 16Simon Pita wuri lap nee, "A wugha a Kristi nguɓam, Làa kì̵ Naan ɗi wuri ɗi mmeen." 17Jesu wuri sat mPita nee, "Wugha kat ɗiiret Simon làa kì̵ Joona! Mpeeɗi ba a gurum kám mbii ɗiisi ni nwugha kas, amma a puun fi̶na ɗi wuri aɗeng. 18Wan sat nwugha nee, A wugha Pita, aa nhi̶k ɗi wan ndung ɗik kuk kì̵ Eki̶lisya fi̶na nkaa ni. Ki̶ ba mee iiko mu tughun aawus mak ɗee a koghorong nkaa ni kas. 19Wan nc`in mbii wang polu mu mulki kì̵ Naan nwugha. Koo a mbii ɗiiɗang ye ɗi a ɓwaghat ni a yil ɗiisi, ɓe mon mɓwaghat ni aɗeng zak. Koo mbii ɗiiɗang ye ɗi a fwoon ni a yil ɗiisi, ɓe mon nfwoon ni aɗeng zak." 20Ɗangɓe Jesu wuri sat njeplop fi̶ri mo shiɓal hakyeng nee, "Taji mo sat mmee gurum ne wuɗi a Kristi kas." 21Aɓwoon mi̶ni, ɓe Jesu wuri yaakám nyemso ndang wuri mo, nee. Ting wurin nso nJerusalem, ku ɗi shwaajeel mo ɗes ɗi nsar kì̵ nyem ɗiinan mo, ki̶ pris ɗiinan mo, ki̶ nyemkám Waar kì̵ Mosis mo, har mon ntu wuri. Amma shii ɗiikun ɓe wurin nyaghal a peemúut. 22Ɗangɓe Pita so ki̶ Jesu mmee nkoghop, ɓe wuri jighi̶r Jesu nee, "Naan daam mi̶ni nwugha Daa! Ba mi̶ni mmak kyam kat wugha kas koo diɓen." 23Amma Jesu wuri cighi̶r sat mPita nee, "A baku pu wan ɗi, wugha Shetan. Wugha a mbii le canshii nwan, mpeeɗi ba wugha aa pan a mbii ɗi mo a mu Naan kas. Amma pan fugha ni a mu gurum ɓejee." 24Jesu sat nyemso ndang wuri mo nee, "Katɗang mee gurum riɓet j`i ndang wan, ɓe see wuri kwar shin fi̶ri, mpeku wuri ɗak shin ɗi mpee shwaajeel, nin nɗee a kaa wurii mang shiyeepmúut fi̶ri, ku wuri j`i ndang wan. 25Mpeeɗi koo ngo ɗiiɗang ye ɗi wuri riɓet ɓam seen fi̶ri, ɓe nin nlagham aki̶ wuri. Amma koo ngo ɗiiɗang ye ɗi wuri cín seen fi̶ri mpee sum fi̶na, ɓe a gwar mi̶nin nkat seen. 26Gurum nkat a li̶ɓet ɗiiɗang ye, katɗang wuri kat mbii ɗii mu yil ni mo jir, amma katɗang ba wuri ki̶ seen kas, ɓe koghop mi̶ni a meye? Koo gurum ncín a me a koppee kì̵ seen fi̶ri ye? 27Mpeeɗi Làa kì̵ Gurum wurin ndung j`i ndi̶ghi̶n ɗiiɗes kì̵ puun ashak ki̶ nyemlop fi̶ri mo. Ɗangɓe wurin nkwat koo ngo ɗiiɗang ye ntiit ki̶ ɗak ɗi ngo ni kì̵ ten c`in. 28Azeen-nzeen, wan sat nwun nee, pak moo ɗirang ɗi mɓut nwun yaksi, ɗi ba mon mmuut kas, see mo shee naa Làa kì̵ Gurum j`i ndi̶ghi̶n mulki fi̶ri."

will be added

X\