Matiyu 1

1Takarda mu dang kì̵ Jesu Kristi, Làa kì̵ Devid, làa ki̶ Abraham. 2Abraham wuri làa Aizik, Aizik wuri làa Jekop, Jekop wuri làa Juda, mo ki̶ ɗyemni̶ghi̶n fi̶ri mo. 3Juda wuri làa Peres, ki̶ Zera (ɗi ni̶ghi̶n furu a Tamar), Peres wuri làa Heziron, Heziron wuri làa Ram, 4Ram wuri làa Aminadab, Aminadab wuri làa Nashon, Nashon wuri làa Salmon, 5Salmon wuri làa Bowas (ɗi ni̶ghi̶n fi̶ri a Rahab), Bowas wuri làa Obed (ɗi ni̶ghi̶n fi̶ri a Ruf,) Obed wuri làa Jesse, 6Jesse wuri làa mishkagham Devid, Devid wuri làa Solomon ɗi gyet ni̶ghi̶n fi̶ri ni a mat kì̵ Uriya. 7Solomon wuri làa Rehoboam, Rehoboam wuri làa Abija, Abija wuri làa Asa, 8Asa wuri làa Jehoshafat, Jehoshafat wuri làa Joram, Joram wuri làa Uziya, 9Uziya wuri làa Jotam, Jotam wuri làa Ahaz, Ahaz wuri làa Hezekaya, 10Hezekaya wuri làa Manasse, Manasse wuri làa Amon, Amon wuri làa Josiya, 11Josiya wuri làa Jekoniya, mo ki̶ ɗyemni̶ghi̶n fi̶ri mo, ɗi mo hi̶r mo so ki̶ mo mBabilon. 12Aɓwoon ɗi mo yaghal yit yil mBabilon ni, ɗangɓe Jekoniya wuri làa Shealtiyel, Shealtiyel wuri làa Zerubabel 13Zerubabel wuri làa Abiyu, Abiyu wuri làa Eliyakim, Eliyakim wuri làa Azor, 14Azor wuri làa Zadok, Zadok wuri làa Akim, Akim wuri làa Eliyu, 15Eliyu wuri làa Eliyazar, Eliyazar wuri làa Mattan, Mattan wuri làa Jekop, 16Jekop wuri làa Josep mish kì̵ Meeri, ɗi wura làa Jesu, ɗi moo pet wuri a Kristi. (Nguɓam ɗi Naan bi̶lip.) 17Mpeemi̶ni gàngkàa ni mo jir, yaghal Abraham har so wul nDevid mo a kaghapaat baafeer. Yaghal nDevid har so wul parɗi mo hi̶r mo so ki̶ mo nyil mBabilon, ɓe a gàngkàa mo kaghapaat baafeer, ki̶ yaghal parɗi mo tong mBabilon ni baa j`i har so wul parɗi mo làa Kristi, ɓe a gàngkàa mo kaghapaat baafeer zak. 18Mo làa Jesu a kaa ɗiisi si, kaaɗi Josep wuri kì̵ sheepo kì̵ Meeri ni̶ghi̶n kì̵ Jesu, ɓe kaaɗi ba wuri kì̵ lap wura kas, ɓe mo kat wura ki̶ aak mu Riin Ɗiiɓang. 19Mpeeɗi Josep mish fi̶ra, wuri a mee ngo ɗin ndi̶re, ɓe ba wurii riɓet le ku wura ɗee a mbii shwar ngurum mo kas. Aasi ɓe wuri c`in pan mpee ɓwot wura a si̶sok. 20Amma kaaɗi wuri nkaa pan mi̶ni, ɓe mee ngulop kì̵ Daa j`i kámshin nwuri ndi̶ghi̶n sughun. Ngulop ni wuri sat nee, "Josep làa kì̵ Devid, taji a ki̶i̶r mang Meeri mat fugha kas. Mpeeɗi aak ɗi wura ki̶ni a mu Riin Ɗiiɓang. 21Wuran nlàa-làa ɗiimish, ɗang mon mpet sum fi̶ri a Jesu, mpeeɗi a wurin nyaghal ɓam nyem fi̶ri mo, mɓut shikbish furu mo." 22Mbii ɗiisi mo c`in jir, a mpeku po ni gam ɗi, ɗi Daa wuri kì̵ ten sat ni nsar kì̵ ngusatpo fi̶ri nee: 23"Wu naa, mee reep ɗi ba wura kì̵ man mish kas, wuran nlàa-làa ɗiimish, Ɗangɓe mon mpet sum fi̶ri a Immanuwel." (Shii kì̵ Immanuwel ni a nee, Naan ashak ki̶ mun.) 24Kaaɗi Josep wuri mii nsaam ni, ɓe wuri c`in mbii ɗi ngulop kì̵ Daa sat nwuri. Wuri lap Meeri mat fi̶ri. 25Amma ba wuri man wura kas, har parpuus ɗi wura làa-làa ɗiimish fi̶ra. Ɓe Josep wuri le sum nlàa ni a Jesu.

will be added

X\