Maak 13

1Kaaɗi Jesu wuri a ar put ndi̶ghi̶n Lu kì̵ Naan ɗiiɗes ni, ɓe memee mɓut jeplop fi̶ri mo sat nee, "Kai, Ngukám, a naa lu ɗiiret ɗi mo tap ɗik mo shi nhi̶k ɗiinan-nan si mo." 2Jesu lap nee, "Aa naa a lu ɗi mo ɗik mo nan-nan shi jwak si mo aa? Ba mon nyit mee nhi̶k tong nkaa nhi̶k mpee ɗiisi kas, amma mon nshirip mo jir." 3Kaaɗi Jesu wurii tong nkaa Jwakpaat ɗi nii naa shak kì̵ Lu kì̵ Naan ɗiiɗes, ɓe Pita, ki̶ Jemis, ki̶ Joon, ki̶ Andru, mo j`i tal pu wuri a si̶sok, mo sat nwuri nee, 4"A sat mmun, mbii ɗiisi mon nyaghal c`in a pi̶rang ye? Ki̶ mun nnaa a mbii aapo ɗiiɗang, katɗang mbii ɗiisi mo ɗoghom gam ye?" 5Jesu wuri ɗoghom sat mmo nee, "Wu tap, taji mee gurum num wun kas. 6Mpeeɗi gurum mo ɗes mon nj`i ndi̶ghi̶n sum fi̶na, ku mo sat nee, wuɗun a wan, har mon nnum gurum mo ɗes. 7Katɗang ɓe wu ki̶lingpo nkaa lek mo, ki̶ po kyetwa nkaa lek mo, ɓe taji ki̶i̶rmuut yaa wun kas, mpeeɗi ting mbii ɗiisi mon nyaghal c`in akuɗang, ɓe parkyes kì̵ yil nii kuɗii j`i. 8Pak yil mon nyaghal lek nkaa pak yil mo, ki̶ mee saghan ɗiici mon nyaghal lek nkaa mee saghan ɗiici mo. Yil nin ntungpee ɗes-ɗes shipee-shipee, ki̶ neen nin ntaa, ndi̶ghi̶n yil ni mo. Amma mbii ɗiisi mo jir a shee kì̵ jeel, kaaɗi aak ki̶ shee se mat si. 9"Amma wu tap ki̶ káa fuu, mpeeɗi gurum mon nyaghal si̶rep wun nsar kì̵ nyemtokɗiyeel mo, ki̶ mon nni̶ram wun ndi̶ghi̶n lu kì̵ Naan mo. Mon nso ki̶ wun ntoghom kì̵ gofna, ki̶ mishkagham mo, mpee sum fi̶na. Ɗiisi nin nle ku wu katpee satpo ɗiiret ni ɗi ntoghom kì̵ mo. 10Amma akuɗang kyes kì̵ yil nii j`i, ɓe ting see mo shee satpo Naan ɗiiret si ngurum mo jir ndi̶ghi̶n yil ni akuɗang. 11Katɗang ɓe mo yak wun, ki̶ mo so ki̶ wun nluɗiyeel, ɓe taji wu an suk mpee mbii ɗi wun nsat kas. Mpeeɗi a Riin kì̵ Naan wurin nkám wun mbii ɗi wun nsat mo. Mpeeɗi ba a wun satpo ni kas, amma a Riin kì̵ Naan wurin nsatpo ni. 12Ɗyemni̶ghi̶nshak mon nsi̶rep shak har mpee muut, ki̶ puun wurin nseet làa fi̶ri zak. Jep mon nyaghal lek ki̶ puun furu mo, ki̶ ni̶ghi̶n furu mo, har mon nle ku mo twa mo. 13Gurum mon nkwar wun jir, mpee sum fi̶na. Amma ngo ɗi wuri gung har peekyes ni, ɓe a wurin nkat ɓam." 14"Amma katɗang wu naa mbii ɗiibish, ɗi nii watpee ɗee buu, nii ɗar a peeɗi ba ni ret ku ni ɗar ɗi kas. (Ngo ɗi wurii tang po ɗiisi ni, ɓe ni ret ku wuri manshii ni). Ɓe nyem ɗi mo ndi̶ghi̶n Judiya, mo swa so mɓut jwak mo. 15Ngo ɗi wuri nkaa ɗenglu, ɓe taji wuri sham ɗel ndi̶ghi̶n lu ni, mpee mang lée fi̶ri mo kas. 16Ki̶ ngo ɗi wuri a peemaar a yil, ɓe taji wuri baaso ntulu mpee mang mbiisup fi̶ri kas. 17Amma jeel nin nsi̶ghi̶t naat nkaa mat aak mo, ki̶ mat ɗi mon nkaa cín wur njep mo ndi̶ghi̶n teer mi̶ni mo. 18Wu c`in aduwa nNaan, mpeku taji mbii ɗiisi mo c`in a ntar kut kas. 19Mpeeɗi jeel ɗiiɗes nin nj`i taa nkaa gurum mo ndi̶ghi̶n teer mi̶ni mo, ɗi ba mo ki̶ kyam naa ni kas, pugyet Naan shee leyil ni ɗi, har cicinsi, ki̶ ba gurum mon mbaa naajeel mi̶ni ɗi zak kas har ngaa-ngaa. 20Katɗang ɗi ba Daa Naan wuri baa ki̶ pak shiiteer ni mo kas, ɓe ba ɗi mee gurum mmak kat bar kas, amma a mpee sum kì̵ nyem ɗiibi̶bi̶lip ni mo, ɓe Naan wuri baa ki̶ pak shiiteer ni mo. 21"Katɗang mee gurum sat nwun nee, 'Wu naa, Kristi wurin mpesi.' Koo ne, 'wu naa, wuri akiyeen sí!' Ɓe taji wu cínzeen mpo mi̶ni kas. 22Mpeeɗi nyem ɗi mon nc`in ɗung, ne wuɗun a Kristi, ki̶ nyem ɗi mo lesut a kaa nyemsatpo Naan mo si, amma mo a nyemɗung mo, mon nj`i put ɗes. Mon nc`in mbii aapo mo ɗes, ki̶ mbii lukshik mo zak. Mpeku katɗang ni mak c`in, ɓe mo num nyem ɗi Naan wuri kì̵ ten bi̶lip mo ɗi. 23Amma wu tap ki̶ káa fuu mo. Wan ki̶n satpo ɗiisi mo nwun nshee akuɗang pee nii wul." 24"Aɓwoon kì̵ jeel mi̶ni mo, ɓe puus nin ncighi̶r ɗee a peenkoo, ki̶ ba tar nin mɓangpee kas, ndi̶ghi̶n shiiteer mi̶ni mo. 25Ki̶ zar ɗi aɗeng mon mɓeer sham nyil, ki̶ iiko ɗi mo aɗeng mon ntungpee zak. 26Ɗangɓe gurum mon naa Làa kì̵ Gurum, wuri sham put ndi̶ghi̶n nluu ɗi aɗeng, shi iiko ki̶ Ɗiihai, ki̶ ɓal ɗiiɗes. 27Ɓe wurin nlop nyemlop kì̵ Naan mo, mpeku mo so kyak nyem ɗi wuri kì̵ ten bi̶lip mo kuur ashak, ndi̶ghi̶n kwang ɗiifeer mu yil ni. Yaghal mpeeɗar kì̵ yil ni jir, har so wul mpeeɗar kì̵ ɗeng ni." 28"Wu yit ku tingkoon ni ɗee a mbiikám pe wun ɗi. Katɗang song kì̵ tingkoon ni mo ɗoghom put ki̶ kompee ɗiipoo, ɓe wu man nee, tarlok ni kus mmi̶ni. 29Aasi zak, katɗang wu naa mbii ɗiisi mo c`in jir, ɓe wu man nee, wan ki̶n j`i wul kus-kus mmi̶ni. 30Azeen-nzeen ki̶n sat nwun nee. Ba gurum ɗiiyaksi mon mmurap jir kas, see mbii ɗiisi mo gam jir akuɗang. 31Ɗeng ki̶ yil mon nɗel so weet, amma ba po fi̶na mmak kyam ɗel so kas." 32"Ba mee gurum mak man parpuus mi̶ni, ki̶ pee ni kas, koo a nyemlop kì̵ Naan ɗi aɗeng mo, ki̶ koo a Làa ni shikáa fi̶ri, ɓe ba wurin mman kas, amma see a puun ɓejee ɗak. 33Wu tap ki̶ káa fuu mo, ki̶ wu tong shi gongpee, mpeeɗi ba wu man parɗi pee nin nwul ɗi kas. 34Katɗang pee ni wul, ɓe nin nɗee a kaa mee gurum ɗi wuri yaghal mpee so mwaan jong-jong si. Akuɗang wurii yaghal yit tulu ni, ɓe wuri le ni nsar kì̵ ki̶rom fi̶ri mo, ki̶ wuri swap ɗak nki̶rom fi̶ri ni mo jir, shimi̶ndong-shimi̶ndong. Wuri sat ngutap ki̶ shiyeepki̶pang mu tulu ni nee, 'A tong shi gongpee riret.' 35Mpeemi̶ni, wu tong shi gongpee, mpeeɗi ba wu man parpuus ɗi ngulu ni wurin mbaaj`i wul ɗi kas. Meeɓe wurin mbaaj`i nkansi̶ghi̶n, koo a naar mpar, koo a ntiit ki̶ puɓit, koo a mɓít. 36Mpeku taji wuri mbaaj`i nwun nɗi̶n-mman, ɗangɓe wuri kat wu ɗee nsaam kas. 37Mbii ɗi wan sat nwun, ɓe wan ki̶n sat a ngurum mo jir mmi̶ni nee, wu tong shi gongpee."

will be added

X\