Maak 10

1Jesu wuri yaghal yit peemi̶ni, ɓe wuri so nkoghop yil nJudiya, ki̶ wuri canɗel mɓin Jodan. Ɗuu kì̵ gurum mo ɗes mo baaj`i kuur pe wuri ɗi, ɗangɓe wuri kámpo Naan mmo, kaaɗi wurii loghot ki̶ ni si. 2Pak nyem Farisi mo j`i pe wuri ɗi, mpeku mo kyam wuri ɗi, ɓe mo tal nee, "Kyet Waar kì̵ Mosis ni sat nee, gurum mak ceen mat fi̶ri mpee koo a mbii ɗiibish ɗiiɗang ye ɗi wura c`in wa?" 3Jesu wuri lap mmo nee, "Gyet Mosis ran ne, wu c`in a meye?" 4Mo lap nee, "Mosis ran ne, gurum mak ceen mat fi̶ri, katɗang wuri kì̵ ten ran takarda mu tuɗik cín nwura." 5Jesu wuri sat mmo nee, "A mpeeɗi wun a nyem cíishik mo, a ni le ɗang gyet Mosis ran Waar ɗiisi mo nwun. 6Gyet a Naan wuri le mish ki̶ mat pugyet ɗin nshee kì̵ yil ni. 7'Mpeemi̶ni ɓe gurum wurin nyit puun ki̶ ni̶ghi̶n fi̶ri mo, mpeku wuri ɓàlkáa fi̶ri ɗi ashak ki̶ mat fi̶ri. 8Ɗangɓe mo weet, mon nɗee a nan ɗiimi̶ndong. Aɓwoon ɗiisi, ɓe ba mo kuɗi a gurum mo vul kas, amma moo ɗee a nan ɗiimi̶ndong.' 9Mpeemi̶ni, ɓe nyem ɗi Naan wuri kì̵ ten ɓàl mo ashak, ɓe taji mee gurum ɓàk mo kas." 10Kaaɗi mo ɗel nlu, ɓe nyemso ndang Jesu mo waa baa tal shii kì̵ po mi̶ni ɗi pu wuri. 11Ɓe wuri sat mmo nee, "Koo ngo ɗiiɗang ye ɗi wuri ceen mat fi̶ri, mpeku wuri lap mee mat ɗiici ɗi, ɓe gwar mi̶ni c`in a ngaa nkaa mat fi̶ri mmi̶ni. 12Ki̶ katɗang ɓe, mee mat wura yit mish fi̶ra, mpeku wura so c`in ɗik ɗi mmee gwar ɗiici, ɓe wura c`in a ngaa mmi̶ni." 13Pak gurum mo j`i ki̶ jep ɗiiɗween-ɗween mo pe Jesu ɗi, mpeku le ɗiiret ɗi nkaa mo shi sar fi̶ri, ɓe nyemso ndang wuri mo gwak gurum ni mo. 14Amma kaaɗi Jesu naa mi̶ni, ɓe ni làa nwurin mɓut, ɓe wuri sat nyemso ndang mo nee, "Wu yit ku jep ɗiiɗween-ɗween mo j`i pe wan ɗi. Taji wu daam mo kas. Mpeeɗi mulki kì̵ Naan ni a mpee nyem ɗi mo ki̶ mi̶se kaa mu jep ɗiiɗween-ɗween mo si. 15Azeen-nzeen wan sat nwun nee, koo weye ɗi ba wuri le Naan a ɗiiɗes ndi̶ghi̶n putughup fi̶ri shi mi̶se ɗi ni kaa mu jep ɗiiɗween mo si kas, ɓe ba wurin mmak ɗel ndi̶ghi̶n mulki kì̵ Naan kas, koo diɓen." 16Ɗangɓe Jesu wuri hi̶r jep ni mo nkaa baal fi̶ri, ɓe wuri le ɗiiret nkaa mo. 17Kaaɗi Jesu wuri yaghal put mpee so, ɓe mee gwar su j`i kurum nfurum ntoghom fi̶ri. Gwar ni tal pu wuri nee, "Ngukám ɗiiret, wan nc`in a ɗak ɗiiret ɗiiɗang, mpeku wan kat seen ɗiiso ngaa-ngaa ɗi ye?" 18Jesu lap wuri nee, "A me le ɗang a pet wan a Ngukám ɗiiret ye? Ba mee gurum ɗi a ɗiiret kas, see a Naan mmi̶shin ɓejee ɗak. 19Wugha man mbii ɗi Waar kì̵ Mosis ni mo sat jir nee, 'Taji a tukáa kas. Taji a c`in ngaa kas. Taji a c`in wat kas. Taji a c`in langting mu ɗung nkaa gi̶nang fugha kas. Ki̶ taji a seen a gurum mo kas. A cín ɗiiɗes mpuun fugha, ki̶ ni̶ghi̶n fugha.' " 20Gwar ni wuri lap nee, "Ngukám, wan ki̶n ten tap ki̶ Waar ɗiisi mo jir pugyet wan kuɗi a làa zi̶lang." 21Jesu wuri naa gwar ni shi wal, ɓe wuri sat ngwar ni nee, "A mbii mi̶ndong ɗee ɗi nwugha ɓejee. A so, a si̶rep long fugha mo jir, ku a ɓàk shaghal ni ɗin nyemjeel mo, ɗangɓe wughan nkat long ndi̶ghi̶n ɗengnaan. Aɓwoon mi̶ni, ɓe a j`i ndang wan." 22Kaaɗi gwar ni wuri ki̶lingpo mi̶ni, ɓe ni wat putughup nwuri, har wuri baaso shi putughup ɗiiwuwat, mpeeɗi wuri ki̶ long mo ɗes zam. 23Jesu wuri lyap nyemso ndang wuri mo cighi̶rkaat, ɓe wuri sat mmo nee, "Nin nluk, ku nyemlong mon nɗel ndi̶ghi̶n mulki kì̵ Naan." 24Kaaɗi nyemso ndang Jesu mo ki̶lingpo mi̶ni, ɓe ni aapo mmo zam. Jesu wuri baa sat mmo zak nee, "Jep fi̶na mo, ni luk, ku gurum wuri ɗel ndi̶ghi̶n mulki kì̵ Naan. 25Ngyal ɗeesi ɓe raakumi nki̶lak ɗel ndi̶ghi̶n fung kì̵ luɓi̶ra, met aku ɗi ngulong wurin nɗel ndi̶ghi̶n mulki ki̶ Naan." 26Kaaɗi nyemso ndang Jesu mo waa baa ki̶lingpo mi̶ni, ɓe ni si̶ghi̶t aapo mo zam. Ɓe mo sat ki̶ shak nee, "Katɗang mbii ni aasi, ɓe a we mmak kat ɓam ye?" 27Amma Jesu wuri lyap mo, ɓe wuri sat mmo nee, "Ba gurum mak c`in mbii ɗiisi mo kas, amma Naan wuri mak c`in mbii mo jir." 28Ɗangɓe Pita sat nee, "A naa, mun kì̵ yit mbii mo jir, mpeku mu so ɗi ndang wugha." 29Jesu wuri sat mmo nee, "Azeen-nzeen ki̶n sat nwun, koo a ngo ɗiiɗang ye ɗi wuri yit tulu, koo ɗyemni̶ghi̶n ɗiimish mo, koo ɗyemni̶ghi̶n ɗiimat mo, koo ni̶ghi̶n, koo jep mo, koo mmaar, mpee sum fi̶na, ki̶ mpee po ɗiiret. 30Ɓe wurin nkat tulu mo, ki̶ ɗyemni̶ghi̶n ɗiimish mo, ki̶ ɗyemni̶ghi̶n ɗiimat mo, ki̶ ni̶ghi̶n mo, ki̶ jep mo, ki̶ mmaar mo, har mo wul ɗari ny`iicinsi, ashak ki̶ shwaajeel, ki̶ wurin nkat seen ɗiiso ngaa-ngaa ndi̶ghi̶n seen ɗi nin ndung j`i zak. 31Pak gurum ɗin nshee mo ɗes, mon nyaghal ɗee a nyem ɗin mɓwoon mo. Nyem ɗin mɓwoon mon nyaghal ɗee a nyem ɗin nshee mo zak." 32Kaaɗi mo a ar kàa nJerusalem, ɓe Jesu wuri táa mmo ati̶leng, ɓe ni aapo mo, ki̶ ni le ki̶i̶rmuut nyem ɗi moo so ndang wuri ni mo. Ɓe Jesu wuri pi̶rep nyemso ndang wuri ɗiikaghapaat baavul ni mo, so mmee koghop mmusut, ɓe wuri sat mmo mbii ɗi mon nkàa c`in nwuri nJerusalem. 33Nee, "Wu naa, mun a ar kàa nJerusalem nɗiisi, katɗang mu wul, ɓe mon nseet Làa kì̵ Gurum ndi̶ghi̶n sar kì̵ pris ɗiinan mo, ki̶ nyemkám Waar kì̵ Mosis mo, ɗang mon ncanɗiyeel muut nwuri. Mon nseet wuri nsar kì̵ nyem ɗi ba mo a nyem Yahudi mo kas. 34Ki̶ mon nshwar wuri, ki̶ mon ntwas lii nkaa wuri. Mon nfwo ngwam wuri, ki̶ mon ntu wuri zak, amma parpuus ɗiikun, ɓe wurin nyaghal a peemúut." 35Ɗangɓe Jemis ki̶ Joon, jep kì̵ Zeɓeɗi mo, mo j`i pe Jesu ɗi, ɓe mo sat nwuri nee, "Ngukám, muu riɓet ku koo a meye ɗi mu ɗang pu wugha ɓe a cín mmun." 36Jesu wuri tal pu mo nee, "Wuu riɓet ku wan cín a me nwun ye?" 37Mo lap nwuri nee, "Katɗang a riɓet, ɓe par ɗi wughan ntong ndi̶ghi̶n ɗiiɗes fugha, ɓe a le ku mu tong ashak ki̶ wugha, memee nsarse fugha, ki̶ memee nsarkul fugha zak." 38Jesu wuri sat mmo nee, "Ba wu man mbii ɗi wuu ɗang ni kas. Wun mmak shwaajeel ɗi wan nshwaa ni aa? Ki̶ wun mmak lap baptisma ɗi mon nc`in nwan ni me?" 39Mo lap nee, "Ii mun mmak." Ɗangɓe Jesu wuri sat mmo nee, "Azeen wun mmak nshwaajeel ɗi wann shwaa ni, ki̶ baptisma ɗi mon nc`in nwan ni. 40Amma mpee cín pee nwun tong nsarse fi̶na, ki̶ nsarkul fi̶na, ba wan ki̶ iiko ɗi wan ncín mi̶ni nwun kas. Amma ni a mpee nyem ɗi Naan wuri kì̵ ten ɗak ni le mpee mo." 41Kaaɗi nyemso ndang wuri ɗiikaghapaat si mo ki̶ling ɗang mi̶ni, ɓe mo langtughup ki̶ Jemis ki̶ Joon. 42Jesu wuri pi̶rep mo j`i ashak jir, ɓe wuri sat mmo nee, "Wu man nee, a mishkagham mu nyem ɗi ba mo a nyem Yahudi mo kas, moo lesut furu mo a ɗiiɗes nkaa nyem furu mo, ki̶ nyemnan furu mo, moo kám iiko furu mo zam, nkaa gurum ni mo. 43Amma ba nin nɗen nnaar fuu aasi kas. Koo ngo ɗiiɗang ye ɗi wuri riɓet ɗee a ɗiiɗes nnaar fuu, ɓe ni a ting ku wuri sham ki̶ káa fi̶ri, mpee c`in ɗak nwun. 44Ki̶ koo ngo ɗiiɗang ye ɗi wuri riɓet ɗee a ɗin nshee ndi̶ghi̶n wun, ɓe ni a ting ku wuri ɗee a ki̶rom fuu jir. 45Ba Làa kì̵ Gurum wuri j`i a mpeku gurum mo c`in ɗak ɗi nwuri kas, amma a mpeku wuri c`in ɗak ɗi ngurum mo, ki̶ wuri cín seen fi̶ri ɗi mpee ang gurum mo ɗes zak." 46Mo j`i wul nJeriko, ɓe kaaɗi Jesu wuri a ar put ndi̶ghi̶n Jeriko ni, ashak ki̶ nyemso ndang wuri mo, ki̶ ɗuu kì̵ gurum mo ɗes. Ɓe mee nguvum ɗi moo pet sum fi̶ri a Bartimawus làa kì̵ Timawus, ɗi wurii tong pukom ar mpee ɗang-ɗang. 47Kaaɗi nguvum ni wuri ki̶ling nee, a Jesu ngu Nazaret, ɓe wuri ɗoghom ɗiyeep ɗoo shiɓal nee, "Jesu, Làa kì̵ Devid, a naajeel fi̶na!" 48Gurum mo ɗes mo gwak wuri, ki̶ mo sat nwuri ɗok titik. Amma wuri waa si̶ghi̶t ɗiyeep ɗoo shiɓal nee, "Làa kì̵ Devid a naajeel fi̶na." 49Jesu wuri ɗar, ɓe wuri sat mmo nee, "Wu pet wuri j`i." Ɗangɓe mo pet nguvum ni, mo sat nwuri nee, "Taji ki̶i̶rmuut yaa wugha kas. A yaghal, Jesu wurii pet wugha." 50Nguvum ni wuri vwet mbiisup fi̶ri, ɓe wuri sham yaghal hi̶rot, so pe Jesu ɗi. 51Jesu tal pu wuri nee, "Aa riɓet ku wan c`in a me nwugha ye?" Nguvum ni wuri lap nee, "Ngukám, a le ku yit fi̶na mo naapee." 52Jesu sat nwuri nee, "To yit fugha mo naapee ɗak, mpeeɗi wugha cínzeen ne wan mbar wugha." Abet-abet, ɓe yit fi̶ri ni mo naapee. Ɓe wuri so ndang Jesu, ki̶ wurii cín ɗiiɗes nNaan.

will be added

X\