Maak 1

1Ɗiisi a shee po ɗiiret nkaa Jesu Kristi Nguɓam, Làa kì̵ Naan. 2Kaaɗi gyet mo kì̵ ten ran ndi̶ghi̶n takarda mu Aizaya ngusatpo kì̵ Naan si nee: "Naan wuri sat nee, wan nlop ngulop fi̶na so a ti̶leng nwugha, mpeku wuri ɗak ar fugha ɗi. 3Mee ngo ki̶ pi̶reppee shi ɗoo ɗiiɗes a naar yil nee, 'Wu ɗak ar kì̵ Daa. Wu aar ar fi̶ri so ndi̶re-ndi̶re.' " 4Joon nguc`in mbaptisma, a wuri a gwar ɗi gyet mo kì̵ ten satpo nkaa wuri. A wuri j`i put a naar yil. Wuri satpo kì̵ Naan ngurum mo, mpeku mo tuwap ɗi, ku wuri c`in mbaptisma ɗi mmo, mpee fwo kì̵ shikbish furu mo. 5Nyemyil nJudiya mo, ki̶ nyem Jerusalem mo ɗes, mo pwat so pe Joon ɗi, ɓe mo woo shikbish furu mo, ɓe wuri c`in mbaptisma mmo ndi̶ghi̶n dung nJodan. 6Joon wuri lop a lee ɗi mo ɗak shi shoop raakumi, ki̶ wuri ɗiin beel ɗi mo ɗak shi shim cighi̶r mɓwoon fi̶ri. Wurii se a ciɓel, ki̶ am nshii ɗi mo a yil. 7Wurii sat ngurum mo nee, "Mee gwar wurin ndung j`i mɓwoon fi̶na, wuri ɗes met nwan, ki̶ ba ɗin ndi̶re fi̶na ni mak, ku wan ɗoghom mpeku wan fwoon teng kwaghazak fi̶ri kas. 8Wan ki̶n c`in baptisma nwun a shi am, amma gwar ni wurin nj`i ɓe wuri c`in mbaptisma nwun a shi Riin Ɗiiɓang." 9Ndi̶ghi̶n shiiteer mi̶ni mo, ɓe Jesu wuri yaghal nyil nNazaret mu Galili, ku wuri so pu Joon ɗi dung nJodan, ɓe Joon c`in mbaptisma nwuri ndi̶ghi̶n dung nJodan ni. 10Kaaɗi Jesu wuri nkaa put ndi̶ghi̶n am ni, ɓe abet, wuri naa mo wang ɗengnaan. Ɓe Riin sham kaa mbul si, ni sham lang nkaa wuri. 11Ki̶ zak, mee ɗoo ni put ndi̶ghi̶n ɗengnaan ɗi ni sat nee, "Wugha a Làa fi̶na ɗi wan wal nwugha, ki̶ wan ki̶n kat retnyit ki̶ wugha hakyeng." 12Abet-abet, ɓe Riin kì̵ Naan so ki̶ Jesu a naar yil. 13Jesu wuri c`in teer laarfeer ɗi a naar yil ni, a peeɗi Shetan kyam wuri ɗi. Wuri nyem ashak ki̶ luwa ɗi a yil mo. Nyemlop kì̵ Naan mo j`i ɓam wuri. 14Aɓwoon ɗi mo kì̵ yaa Joon le ndi̶ghi̶n lushaghat, ɓe Jesu wuri so wul nGalili, wuri nkaa satpo ɗiiret mu Naan. 15Wuri sat ngurum mo nee, "Pee ni kì̵ wul, ki̶ mulki kì̵ Naan ni kus zak. Wu tuwap, ki̶ wu cínzeen mpo ɗiiret ni." 16Kaaɗi Jesu wuri a ar ɗel mpo am bahar mu Galili, ɓe wuri naa Simon Pita ki̶ ɗyemni̶ghi̶n fi̶ri Andru, mon nkaa fwo shang mo mɓut am, mpee yak pupwap mo. 17Ɓe Jesu wuri sat mo nee, "Wu j`i ndang wan, ɓe wan nle ku wu yaghal wu ɗee a nyemsatpo kì̵ Naan, mpeku wu dul gurum mo j`i pe wan ɗi kaaɗi wuu yak pupwap si." 18Abet, ɓe mo yaghal yit shang furu mo, ɓe mo so ndang wuri. 19Kaaɗi wuri gyes so ɗi a kiyeen lee, ɓe wuri naa Jemis làa kì̵ Zeɓeɗi, ki̶ ɗyemni̶ghi̶n fi̶ri Joon, mon ndi̶ghi̶n jirgi am zak. Mon nkaa ɗak shang furu mo. 20Abet, ɓe wuri pet mo. Ɓe mo yaghal yit puun furu Zeɓeɗi ndi̶ghi̶n jirgi am ni, ashak ki̶ nyem ɗi moo c`in ɗak mmo. Ɓe mo so ndang Jesu. 21Mo so ndi̶ghi̶n Kaparnahum, ɓe Jesu wuri ɗel ndi̶ghi̶n mee lu kì̵ Naan parpuus Nookɗi. Ɓe wuri yaa kámpo Naan ngurum mo. 22Har kám fi̶ri ni aapo mmo zam, mpeeɗi wuri kám a kaa ngo ɗi wuri ki̶ iiko si, ba a kaa nyemkám Waar kì̵ Mosis mo si kas. 23Mee gwar wuri ɗi ki̶ riin ɗiibish, ndi̶ghi̶n lu kì̵ Naan furu ni, ɓe gwar ni le or. 24Wuri sat nee, "Jesu ngu Nazaret, a me kaat mun ki̶ wugha ye? A j`i mpesi a mpee twa mun aa? Wan man nee, wugha a ngo ɗiiɓang mu Naan." 25Jesu wuri gwak riin ɗiibish ni, nee, "A ɗok titik! A put aku ndi̶ghi̶n gwar ni!" 26Kaaɗi riin ɗiibish ni yoghon gwar ni ɓal-ɓal, ɓe ni le or shiɓal, ɓe ni put aku ndi̶ghi̶n gwar ni. 27Ni aapo gurum ni mo jir, har mo ɗoghom tal pushak nee, "A me nɗiisi ye? A mee kám ɗiipoo nɗiisi! Wuri satpo shi iiko, ɓe har riin ɗiibish mo c`in mbii ɗi wuri sat." 28Po nkaa Jesu ni put so ndi̶ghi̶n yil ni jir, ki̶ yil ɗi mo neer Galili cighi̶r kaat jir zak. 29Kaaɗi mo pwat ndi̶ghi̶n lu kì̵ Naan ni, ɓe mo so ɗel ntulu kì̵ Simon Pita ki̶ Andru, ashak ki̶ Jemis ki̶ Joon. 30Ɓe mo kat ni̶ghi̶nkaam kì̵ Pita wuraa saam ki̶ cilem. Abet ɓe mo sat nJesu. 31Ɓe wuri j`i yaa sar fi̶ra, kì̵ wuri ɗiyeep wura tong a ting, ɓe cilem ni kyes nwura, har wura c`in nɗak mbiise mmo. 32Nkansi̶ghi̶n, kaaɗi puus ni ɗoghom taa nlu, ɓe gurum mo j`i ki̶ nyemgok mo ɗes, ki̶ nyem ɗi mo ki̶ riin ɗiibish mo pe Jesu ɗi. 33Nyem birni ni mo jir, mo j`i kuur mpolu ni. 34Jesu wuri bar nyemgok mo ɗes, ki̶ shwal mo shini-shini, ki̶ wuri pwat ki̶ riin ɗiibish mo ɗes zak. Ba wuri yit ku riin ɗiibish ni mo katpo kas, mpeeɗi mo ki̶ man wuri. 35Daɗaar ni, ɓe Jesu wuri yaghal put mpar-mpar, ɓe wuri so a peeɗi ba mee gurum ɗi kas, mpee c`in aduwa. 36Pita ki̶ nyem ɗi mo ashak ki̶ wuri, mo pwat so mpee tang wuri. 37Kaaɗi mo kat wuri, ɓe mo sat nwuri nee, "Gurum mo jir mo nkaa tang wugha." 38Jesu wuri sat mmo nee, "Wu yit ku mu so njep yil ɗi mo akiyeen si, mpeku wan son nsatpo kì̵ Naan ɗi nyil mi̶ni mo zak. Mpeeɗi wan j`i a mpee satpo kì̵ Naan ni." 39Mpeemi̶ni, ɓe wuri so ndi̶ghi̶n yil nGalili jir, wuri satpo Naan ngurum mo ndi̶ghi̶n lu kì̵ Naan furu mo, ki̶ wurii pwat ki̶ riin ɗiibish mo zak. 40Mee nguloghom wuri j`i kurum nfurum ntoghom kì̵ Jesu, ɓe wuri ɗang pu Jesu nee, "Katɗang a riɓet, ɓe wugha mak bar wan kun ɗee a ɗiiɓang." 41Jesu naajeel kì̵ gwar ni, ɓe wuri zan sar fi̶ri, wuri tuwaas gwar ni, ki̶ wuri sat ngwar ni nee, "Wan riɓet, a ɗee a ɗiibi̶bar." 42Abet, ɓe loghom ni kyes, ki̶ gwar ni ɗee a ɗiibi̶bar. 43Jesu wuri satpo ngwar ni shiɓal. Ɓe wuri sel gwar ni so abet-abet. 44Wuri sat ngwar ni nee, "A tap, taji a sat mee mbii mmee gurum kas. Amma a so a kám sak fugha mpris, mpeku wuri naa wugha ɗi, ku a cín zughum ɗi zak, kaaɗi gyet Mosis sat si, nee, nyem ɗi mo ɗee a ɗiibi̶bar, ɓe mo cín mbiizughum, mpeku gurum mo man ɗi ne moo ɗee a ɗiibi̶bar." 45Amma gwar ni wuri put, ɓe wuri yaa satpo ni gurum mo ɗes, ɓe po ni kaatpee ni jir, har ni le ku ba Jesu wuri mak baa ɗel ndi̶ghi̶n yil ni agaak kas. Amma wuri tong a peeɗi ba mee gurum mo ɗi kas. Jir ki̶si, ɓe gurum mo pwat shipee-shipee, mo so pe wuri ɗi.

will be added

X\