Luk 23

1Ɗangɓe kuur kì̵ gurum mo jir, mo yaghal so ki̶ Jesu ntoghom kì̵ Pailet. 2Mo ɗoghom j`i ki̶ po ɗiibuu mo nkaa Jesu, mo sat nee, "Mu yaa gwar ɗiisi wuri nkaa wat nyem funu mo, ki̶ wuri cíi ne, taji mu kwatwap nSiza kas, ki̶ wuri sat ne, wuɗi a Kristi, ɗi a mee mishkagham zak." 3Pailet tal pu Jesu nee, "A wugha a mishkagham mu nyem Yahudi mo me?" Jesu lap mPailet nee, "Ni a kaaɗi a sat si." 4Pailet sat mpris ɗiinan mo, ashak ki̶ kuur kì̵ gurum ni mo nee, "Ba wan kat mee mbii ɗiibish ɗi gwar ɗiisi c`in kas." 5Amma mo ɗar ɓal-ɓal, mo sat nee, "wuri ki̶ wat gurum mo shi kám fi̶ri. J`i wuri shee yaa kám ni a nGalili, har wuri j`i ki̶ni ndi̶ghi̶n Judiya jir, ki̶ wuri j`i wul ki̶ kám ni mpesi zak." 6Kaaɗi Pailet ki̶ling aasi, ɓe wuri tal pu mo nee, "Kyet gwar ni a ngu Galili wa?" 7Kaaɗi Pailet ki̶ling nee, Jesu put a ndi̶ghi̶n yil mu Herot, ɓe wuri lop Jesu so pe Herot ɗi, mpeeɗi ndi̶ghi̶n teer mi̶ni mo, ɓe Herot wuri ɗi nJerusalem zak. 8Kaaɗi Herot naa Jesu, ɓe wuri kat retnyit zam, mpeeɗi puji ɗi, ɓe Herot wurii riɓet naa Jesu, mpeeɗi wurii naa nki̶lingpo nkaa Jesu. Herot lepan ne, ɗin nnaa mee mbii aapo ɗi Jesu nc`in. 9Herot talpo mo ɗes pu Jesu, amma ba Jesu lap mo nwuri kas. 10Ɗangɓe pris ɗiinan mo, ki̶ nyemkám Waar ki̶ Mosis mo, mo gyes so kus pe Herot ɗi, mpeku mo satpo ɗiibuu mo ɗes nkaa Jesu ɓal-ɓal. 11Herot ashak ki̶ sooja fi̶ri mo, mo le Jesu a ɗiibuu, mo shwar wuri, mo nwangpo nwuri, mo lop nli̶r ɗiiki̶rim ɗiishwal nwuri, ɓe mo waa baa lop Jesu so pe Pailet ɗi. 12Jí yam ɓe Herot ki̶ Pailet mo a shaarlek, amma parpuus mi̶ni, ɓe mo ɗee a shaarshak. 13Pailet wuri pet pris ɗiinan mo, ki̶ nyemnan-nan mo, ki̶ gurum ni mo jir ashak. 14Ɓe wuri sat mmo nee, "Wun, wu j`i ki̶ Jesu pe wan ɗi, ne wuri ki̶ wat gurum mo, amma wan ki̶n tokɗiyeel nwuri ntoghom fuu, nkaa mbii ɗi wu sat mo nkaa wuri jir, ɓe ba wan kat wuri kì̵ c`in mee mbii ɗiibish kas. 15ki̶ zak, koo a Herot, ɓe ba wuri kat Jesu c`in mee mbii ɗiibish kas, mpeeɗi wuri waa baa lop wuri j`i pu wan ɗi. Ba Jesu kì̵ c`in mee mbii ɗiibish, ɗi ni mak le ku mo tu wuri kas. 16Mpeemi̶ni ɓe wan nfwo ngwam nwuri, ku wan ɓwot wuri ɗi." [ 17Mpeeɗi ni a ting ku parpuus retnyit mu Canɗel, ɓe wuri ɓwot mee gurum mi̶ndong mmo, mɓut nyem ɗi mo kì̵ ɓwaghat mo.] 18Amma mo jir, mo le or po mi̶ndong nee, "A le ku mo tu Jesu, a ɓwot a Barabbas mmun!" 19Mo ɓwaghat Barabbas wuri nlushaghat a mpee mee po tawai ɗi ni yaghal ndi̶ghi̶n birni, ki̶ po tukáa zak. 20Mpeeɗi Pailet wurii riɓet ɓwot Jesu, ɓe wuri waa baa satpo ngurum ni mo zak. 21Amma mo waa si̶ghi̶t le or ɗes nee, "A pwas wuri nkaa shiyeep! A pwas wuri nkaa shiyeep!" 22Pailet waa ba sat ɗi mmo yitkun nee, "A mpee meye? Jesu wuri c`in a mbii ɗiibish ɗiiɗang ye? Ba wan kat mee mbii ɗiibish ɗi ni mak le ku mo tu wuri kas. Mpeemi̶ni, ɓe wan nfwo ngwam nwuri, ku wan ɓwot wuri ɗi." 23Amma mo si̶ghi̶t le or shi ɗoo ɗiiɗes nee, "A le ku mo pwas wuri nkaa shiyeep!" Har ɗoo ki̶ mo ni se koghorong nkaa Pailet. 24Mpeemi̶ni, ɓe Pailet can ɗiyeel muut nJesu. Mbii ɗi mo pu ɗang ni mmi̶ni. 25Pailet Wuri ɓwot gwar ɗi moo riɓet ni, ɗi jí mo ki̶ le wuri nlushaghat a mpee po tawai, ki̶ tukáa si. Amma wuri cín Jesu nsar kì̵ mo, mpeku mo c`in mbii ɗi moo riɓet ɗi ki̶ wuri. 26Kaaɗi mo a ar so ki̶ Jesu, ɓe mo taa yaa mee ngu Sairin, ɗi moo pet sum fi̶ri a Simon, ɗi wuri tong mmee laayil j`i. Mo le wuri mang shiyeepyoghom ki̶ Jesu ni ting, ku wuri so ki̶ni ɗi ndang Jesu. 27Gurum mo ɗes mo so ndang wuri, mɓut mmo, ɓe pak mat mo ɗi, ɗi mon mmaap mpee wuri. 28Amma Jesu cighi̶r naa mo, ɓe wuri sat mmo nee, "Wun jiraap nJerusalem mo, taji wu wal mpee wan kas, amma wu wal a mpee káa fuu, ki̶ mpee jep fuu mo zak. 29Wu naa, teer ni moo j`i, ɗi gurum mon nsat nee, 'Mat ɗi mo a jeer, ɗi ba mo ki̶ kyam làa mee làa kas, ki̶ ɗi ba jep mo ki̶ kyam shwaawur furu kas, a mon nkat ɗiiret.' 30A ndi̶ghi̶n teer mi̶ni mo, ɓe gurum mon nɗoghom sat njwak mo nee, 'Wu taa nkaa mun' ki̶ mon nsat nguus mo nee, 'Wu paa mun.' 31Katɗang gurum mon nc`in mbii ɗiisi mo ɓe ting ni kuɗi mbi̶rak, ɓe katɗang, ting ni fii ɓe mon nc`in a me nniye?" 32Mo so ki̶ mee nyemɗiibish mo vul, mpeku mo twa mo ɗi ashak ki̶ Jesu zak. 33Kaaɗi mo so wul mmee peeɗi moo pet ni a Golgofa (shii kì̵ ni a ɗyeskáa) ɓe mo pwas wuri ashak ki̶ nyemɗiibish ɗiivul si mo. Memee nsarse kì̵ Jesu, ki̶ memee nsarkul fi̶ri zak. [ 34Jesu sat nee, "Daa, a fwo mmo, mpeeɗi ba mo man mbii ɗi moo c`in ni kas.]" Aɓwoon ɗi mo koospaa mpee nli̶r kì̵ Jesu ni mo, ɓe mo ɓàk nli̶r ni mon nnar furu. 35Gurum mo ɗar ku mo naa mbii ɗi nii c`in ɗi. Amma nyemnan-nan mu nyem Yahudi mo, mo nwangpo nJesu, mo sat nee. "Jí wugha ɓam gurum mo, a ɓamsak zak shing! Katɗang ɓe a wugha a Kristi ɗi Naan wuri ki̶ bi̶lip wugha." 36Sooja mo nwangpo nwuri, ɓe mo mang am anab ɗiiɗeet mo j`i cín nwuri. 37Ki̶ mo sat zak nee, "Katɗang ɓe wugha a mishkagham mu nyem Yahudi mo, ɓe a ɓamsak fugha shing?" 38Mo ran mee po le nkaa yoghom ni aɗeng nkáa fi̶ri, ɗi ni sat nee, "a Mishkagham mu nyem Yahudi mo nɗiisi." 39Memee mɓut nyemɗiibish ɗi mo pwas mo ashak ki̶ Jesu, wuri satpo ɗiibish nJesu nee, "Katɗang wugha a Kristi ni, ɓe a ɓamsak, ki̶ mun zak shing!" 40Amma gwar ɗiibish ɗiivul ni wuri jighi̶r gi̶ni̶ghi̶n ni nee, "Ba wugha ki̶i̶r Naan kas aa? Ba mo can a ɗiyeel ɗiibish mmun weet ki̶ wuri kas aa? 41Mo canɗiyeel muut munu ni a ndi̶re, mpeeɗi mun muu lap a kwat mu ɗak funu ɗiibish mo, amma ba gwar ɗiisi wuri c`in mee mbii ɗiibish kas." 42Gwar ɗin nsarse kì̵ Jesu wuri sat nee, "Jesu a pan wan parɗi a j`i ndi̶ghi̶n mulki fugha." 43Jesu lap ngwar ni nee, "Azeen-nzeen ki̶n sat nwugha cicinsi ɓe nwugha ɗi ashak ki̶ wan ndi̶ghi̶n Paradayis," (ɗi shii kì̵ mi̶ni a pee ɗiiret, mpee nook, ɗi Naan ɗi). 44Kaaɗi karfe kaghapaat baavul mu puus ni wul, ɓe pee ni rii ndi̶ghi̶n yil ni jir, har so wul karfe kun. 45Ba puus ni yaa pee kas. Fuwaat ɗi ni ndi̶ghi̶n Lu kì̵ Naan ɗiiɗes ni tee sham a naar har ni ɓàk vul. 46Ɓe Jesu wuri petpee shi ɗoo ɗiiɓal, wuri sat nee, "Daa, wan le riin fi̶na a ndi̶ghi̶n sar fugha." Aɓwoon ɗi wuri satpo mi̶ni, ɓe wuri shang nookmuut ɗak. 47Kaaɗi ngo ɗiiɗes nkaa sooja mo wuri naa mbii ɗi mo kì̵ c`in si mo, ɓe wuri kwoop Naan, wuri sat nee, "Azeen-nzeen ba gwar ɗiisi wuri ki̶ c`in mee mbii ɗiibish kas!" 48Kaaɗi kuur kì̵ gurum ni mo naa mbii ɗi ni c`in jir a pee ni, ɓe mo baa waa. Mo nkaa nas tughur furu mo. 49Amma nyem ɗi mo man Jesu jir, ki̶ mat ɗi mo pwat nGalili mo j`i ndang wuri, mo pan ɗar jong-jong, mpee naa mbii ɗiisi mo jir. 50Mee gwar wuri ɗi, ɗi sum fi̶ri a Josep, ngu Arimafiya, ɗi ni a mee birni ndi̶ghi̶n yil mu nyem Yahudi mo. Wuri a memee mɓut nyemɓeetpo mu nyem Yahudi mo, ki̶ wuri a mee ngo ɗin ndi̶re. 51Ba jí wurin mɓwoon ki̶ po ɗi mo ɓeet ni, ki̶ ɗak ɗi mo c`in ni kas zak. Wuri a mee ngo ɗi wurin ndung gong j`i kì̵ mulki kì̵ Naan. 52Josep wuri so pe Pailet ɗi, mpeku wuri ɗang kúm kì̵ Jesu ɗi. 53Wuri sham ki̶ kúm kì̵ Jesu ni, ɓe wuri ɓwaghat ni shi fuwaat wum, ɓe wuri so le ni ndi̶ghi̶n ki̶cir ɗi mo ki̶ sul ni mɓut njwak, ɗi ba mo kì̵ kyam wum mee gurum ɗiɓut kas. 54Parmi̶ni a parpuus ɗak mbii mo, mpeeɗi daɗaar ni, ɓe ni a puus Nookɗi. 55Mat ɗi mo pwat nGalili j`i ashak ki̶ Jesu si, mo so ndang Josep mpee wum Jesu. Mo so naa ki̶cir ni, ki̶ kaaɗi mo gan kúm kì̵ Jesu ndi̶ghi̶n ki̶cir ni si. 56Aɓwoon mi̶ni, ɓe mo waa baaso waa ki̶ mo ɗak pak mbii ɗiiɗu shang-shang mo, ki̶ mwoor pwos ɗiiɗu shang-shang mo. Parpuus Nookɗi, ɓe mo nookɗi, kaaɗi Waar kì̵ Mosis sat si.

will be added

X\