Luk 20

1Parmeeci ɓe Jesu nkaa kámpo Naan, ki̶ satpo ɗiiret ngurum mo ndi̶ghi̶n Lu kì̵ Naan ɗiiɗes, ɓe pris ɗiinan mo, ki̶ nyemkám Waar kì̵ Mosis mo, ki̶ nyemti̶leng kì̵ gurum ni mo, mo j`i pe Jesu ɗi. 2Ɓe mo sat nwuri nee, "A sat mmun, aa c`in mbii ɗiisi mo a shi iiko ɗiiɗang ye? A we cín iiko ɗiisi ni nwugha ye?" 3Jesu lap mmo nee, "Wan riɓet tal mee mbii pu wun zak. Wu sat nwan. 4Kyet baptisma kì̵ Joon ni tong a pe Naan sham ɗi wa? Aa koo ni put a pu gurum mo ɗi ye?" 5Mo ɓeet ki̶ sut nee, "Katɗang ɓe mu lap ne, ni put a pe Naan sham ɗi, ɓe wurin ntal pu mun nee, 'A me le ɗang ba gyet wu cínzeen nwuri kas ye?' 6Amma katɗang mu sat nee, ni put a pe gurum ɗi, ɓe kuur kì̵ gurum si mo jir, mon ncar mun shi ndi̶ng, 'mpeeɗi gurum ni mo cínzeen nee, Joon wuri a ngusatpo kì̵ Naan.' " 7Ɗangɓe mo lap nJesu nee, "Ba mu man peeɗi ni put ɗi kas." 8Jesu sat mmo nee, "Ba wan nsat nwun, ngo ɗi cín iiko nwan mpee c`in mbii aapo ɗiisi mo kas zak." 9Jesu sat sumpo ɗiisi ngurum mo nee, "Gyet mee ngulu wuri kop anab mo mbong fi̶ri, ɓe wuri le ni nsar ki̶ mee nyemnaa bong mo, mpeku wuri so ɗi mmee yil ɗiijong, ɓe wuri so pan tong ɗi. 10Kaaɗi tar nung kì̵ làa ki̶ anab ni c`in, ɓe wuri lop mee ki̶rom fi̶ri, so pe nyemnaa bong anab ni mo ɗi, mpeku mo cín pak làa kì̵ anab ni ɗi nwuri. Amma nyemnaa bong ni mo ni̶ram ki̶rom ni, mo ceen wuri baa waa shi sar ɗin nfii. 11Ngulu ni wuri waa baa lop mee ki̶rom ni so ɗi zak, ɓe nyemnaa bong ni mo ni̶ram wuri zak, mo lejeel nwuri, mo ceen wuri baa shi nsar ɗin nfii zak. 12Wuri waa baa lop ki̶rom ɗiikun so pe mo ɗi zak, ɓe nyemnaa bong ni mo le láa nwuri, mo ceen wuri. 13Ɗangɓe ngubong ni wuri sat nee, 'Wan nc`in a meye? Wan nlop làa fi̶na ɗiimi̶ndong, ɗi wan wal nwuri si, meeɓe mon nnaa ɗiiɗes kì̵ làa fi̶na.' 14Amma kaaɗi nyemnaa bong ni mo naa làa nii j`i, ɓe mo ɓeet ki̶ shak nee, 'A làa ɗi wurin nyaghal hi̶r kop kì̵ ngubong nin nɗiisi. Mu tu wuri, mpeku kop ni ɗee ɗi a munu.' 15Mo mang làa ni vwet cighi̶r aɓwoon bong ni, har mo tu wuri. Wu pan nee, ngubong ni wurin nc`in a me ki̶ nyemnaa bong ɗiisi ni mo ye? 16Wurin nj`i twa nyemnaa bong ɗiisi ni mo, ku wuri cín ɗin mee nyemnaa bong ɗiici mo." Kaaɗi mo ki̶ling mi̶ni, ɓe mo sat nee, "Naan daam mi̶ni." 17Jesu lyap mmo, ɓe wuri sat nee, "A me a shii kì̵ po ɗi mo kì̵ ten ran ndi̶ghi̶n takarda kì̵ Naan si ye? Ɗi ni sat nee: 'Jwak ɗi nyem ɗiklu mo kwar ni, a ni ɗee a ɗiiret met jir mpee le nkwang kì̵ lu ni si ye?' 18Ngo ɗi wuri taa nkaa jwak ɗiisi ni, ɓe wurin mpyan kash-kash. Ki̶ ngo ɗi jwak ɗiisi ni taa nkaa wuri, ɓe nin nɗiyees wuri kaa aas si!" 19Kaaɗi nyemkám Waar kì̵ Mosis mo, ki̶ pris ɗiinan mo, mo man nee, Jesu sat sumpo ɗiisi ni a nkaa mo, ɓe mo tang ar ɗi mon nyaa wuri ɗi ki̶lak-ki̶lak, amma moo ki̶i̶r gurum mo. 20Mpeemi̶ni, ɓe mo leyit nkaa wuri, ki̶ mo lop nyemcoghol mo so pe wuri ɗi, ɗi mo lesut kaa nyem ɗin ndi̶re mo si. Moo tang mee mbii langkáa ɗi nin mput mpo fi̶ri, mpeku mo yaa wuri cín ɗi nsar kì̵ ngutokɗiyeel shi iiko mu Gofna. 21Mo tal pu Jesu nee, "Ngukám, mu man ne, mbii ɗi wugha ki̶ sat mo, ki̶ mbii ɗi wugha ki̶ kám mo, mo a ndi̶re. Ba wugha aa shangyit mmee gurum kas, amma wugha aa kám ar kì̵ Naan ngurum mo azeen-nzeen. 22Kyet nin ndi̶re ku mu kwatwap nSiza aa, koo mu nook ye?" 23Mpeeɗi Jesu man pan ɗiibish mu putughup furu mo, ɓe wuri lap mmo nee, 24"Wu j`i ki̶ mee shaghal nwan naa," Kaaɗi mo j`i ki̶ ni, ɓe wuri tal nee, "A foto mukáa kì̵ we, ki̶ a sum kì̵ we a riran nkaa shaghal ni ye?" Mo lap nee, "a mu Siza." 25Jesu sat mmo nee, "Wu cín nSiza, mbii ɗi mo a mu Siza, ki̶ wu cín nNaan, mbii ɗi mo a mu Naan zak." 26Ba mo kat mee mbii ɗi ni put mpo kì̵ Jesu, ɗi nin mmak le ku mo yaa wuri nyit kì̵ gurum mo kas. Kaaɗi mo ki̶ling lappo mi̶ni, ɓe ni aapo mmo, har mo ɗok titik. 27Pak nyem Saddusi, ɗi moo sat ne, ba mee yaghal a peemúut ɗi kas, mo j`i pe Jesu ɗi. 28Mo tal pu wuri nee, "Ngukám, Mosis wuri ki̶ ran mmun nee, katɗang ɓe mee gurum muut yit mat fi̶ri ɗi, ɗi ba wuraa làa kas, ɓe mee ɗyemni̶ghi̶n fi̶ri lap matkáa ni, mpeku wura làa-làa mo ɗi nɗyemni̶ghi̶n fi̶ri ɗi wuri kì̵ ten muut ni. 29Gyet mee ɗyemni̶ghi̶nshak mo ɗi povul, gwar ɗinshee ni wuri lap mat, ɓe wuri muut ɓe ba wuri yit mee kop kas. 30Gwar ɗiivul ni aasi zak. 31Gwar ɗiikun ni wuri lap wura zak. Har mo povul, mo lap mat ni wura, ki̶ mo j`i murap jir, ba memee yit mee kop ɗi kas. 32Kyes ki̶ni, ɓe mat ni wura yaghal muut aɓwoon kì̵ mo ni zak. 33To, katɗang parpuus ɗi mon nyaghal a peemúut, ɓe wuran nɗee a mat ki̶ we ndi̶ghi̶n mo povul ni ye? Mpeeɗi mo jir, mo kì̵ lap wuran mmat ye?" 34Jesu wuri lap mmo nee, "Gurum ɗin ny`iicinsi moo lapmat, ki̶ moo soɗik zak. 35Amma nyem ɗi Naan wuri naa mon ndi̶re mpee ɗel ndi̶ghi̶n seen ɗi nin ndung j`i si, ki̶ mpee yaghal a peemúut zak. Ba mon nlapmat, koo soɗik kas. 36Mon nɗee a kaa nyemlop kì̵ Naan mo si, ki̶ ba mon nwaa baa muut ɗi kas. Naan wurin nle ku mo ɗee a jep fi̶ri mo, mpeeɗi mo kì̵ ten yaghal a peemúut. 37Amma nyem ɗi mo kì̵ ten murap, mon nyaghal a peemúut ki̶ seen, kaaɗi gyet Mosis wuri kì̵ ten satpo nkaa ni, parɗi wuri naa wus ki̶ se làa li̶ghi̶t si. A mpeemi̶ni, ɓe Mosis satpo nkaa Daa, nee, 'Naan kì̵ Abraham, ki̶ Naan kì̵ Aizik, ki̶ Naan kì̵ Jekop. 38Ba wuri a Naan mu nyem mumuut mo kas, amma a mu nyemɗiiseen mo, mpeeɗi moo kat seen jir a mpee wuri.' " 39Ɗangɓe pak mo mɓut nyemkám Waar kì̵ Mosis mo, mo sat nee, "Ngukám, po ɗi a sat ni a ndi̶re." 40Yaghal mmi̶ni, ɓe ba mo mak kat ɓal mputughup ɗi mon nwaa ba tal mee mbii ɗi pu Jesu zak kas. 41Jesu tal pu mo nee, "Cirang ɗangɓe gurum moo sat ne, 'Kristi wuri a làa kì̵ Devid ye?' 42Mpeeɗi Devid shikáa fi̶ri wuri sat mɓut Zabura nee: 'Daa wuri sat nDaa fi̶na nee, A tong nsarse fi̶na, 43har parɗi wan le shaarlek fugha mo tong nɗer shii fugha.' 44Devid pet wuri a Daa fi̶ri, ɓe cirang ɗang Kristi wuri waa ɗee a làa kì̵ Devid ye?" 45Ɗangɓe Jesu wuri sat njeplop fi̶ri mo ki̶ gurum ni mo jir nee, 46"Wu tap ki̶ kám mu nyemkám Waar kì̵ Mosis mo. Mo a nyem ɗi moo jwal nli̶r ɗiishwal-shwal mo, ki̶ moo mwaan mpeku gurum mo naa mo ɗi. Moo riɓet ku gurum mo tok kì̵ mo ndi̶ghi̶n kasuwa, ki̶ moo riɓet peetong mu nyemnan-nan mo ndi̶ghi̶n lu kì̵ Naan mo, ki̶ peetong ɗiiret met jir mo a peeseriɓet mo. 47A moo yak matkáa mo ki̶ lee furu mo ku mo se, ki̶ moo c`in aduwa mo shwal-shwal shi nyang, mpeku gurum mo kwoop mo ɗi. Mon nlap kwat ɗi ni shwal met jir."

will be added

X\