Luk 2

1Gyet ndi̶ghi̶n teer mmi̶ni mo, ɓe po ni put nsar kì̵ Siza Agustus ne, mo ran ɗuu kì̵ gurum ɗi moo tong ndi̶ghi̶n yil ɗi mo nder mu mulki kì̵ Rom. 2(Ɗiisi ni a tang ɗuu kì̵ gurum mo, ɗi mo tang mo ndi̶ghi̶n ɓit ɗi Kuriniyus wuri a Gofna mu yil nSiriya.) 3Gurum mo jir, ɓe koo weye wuri so nyil fi̶ri mpeku mo ran wuri ɗi. 4Josep wuri yaghal nyil nGalili ɗi ni ndi̶ghi̶n nyil nNazaret, ku wuri so nJudiya ɗi ni a birni mu Devid ɗi moo pet ni a Betlehem, mpeeɗi wuri a dang mu Devid. 5Wuri so ashak ki̶ matshee fi̶ri Meeri ɗi wura ki̶ aak, mpeku mo ran mo ɗi. 6Kaaɗi mo kuɗi mBetlehem ni, ɓe aak fi̶ra ni mak làa. 7Wura làa-làa fi̶ra ɗin nshee ni a ɗiimish, ɓe wura paa wuri shi fuwaat mo. Wura gan wuri a peeɗi moo leshit ɗi nlong mo, mpeeɗi ba mo kat mee lu teer ndi̶ghi̶n lu mi̶zep ni mo kas. 8Gyet nkoghop yil mmi̶ni, ɓe pak nyemkiyeer tum moo teer a ti̶leng, mpee tap tum furu mo mpar. 9Ɗangɓe mee ngulop kì̵ Naan j`i ɗar pe mo ɗi, ɓe ɗiiɗes kì̵ Daa ni ɓangpee ɗi mo ɗi, har ni le ku ki̶i̶rmuut yaa mo ɗes hakyeng. 10Ngulop ni wuri sat mmo nee, "Taji ki̶i̶rmuut yaa wun kas. Wu naa, wan j`i aa mee po ɗiiret mu retnyit ɗiiɗes wun, ki̶ ni a mpee gurum mo jir. 11Mpeeɗi cicinsi ndi̶ghi̶n birni mu Devid, ɓe mo kì̵ làa mee Nguɓam nwun, ɗi wuri a Daa Kristi. 12Katɗang wu so, ɓe alama ɗi wun nnaa ni nɗiisi. Wun nkat làa ni a pi̶paa shi fuwaat mo, mo gan wuri nyil nlu ɗi moo leshit ɗi nlong mo." 13Nɗin mman, ɓe kuur kì̵ nyemlop kì̵ Naan ɗii aɗeng mo baaj`i ashak ki̶ ngulop Naan ni, mo nkaa kwoop Naan ashak nee: 14"Ɗiiɗes ɗee a mu Naan ndi̶ghi̶n ɗengnaan ɗi aɗeng met jir. Riyang nkaa yil ni, mpee nyem ɗi mo c`in mbii ɗi ni ret Naan nyit hakyeng." 15Kaaɗi nyemlop ni mo ɓàkshak ki̶ nyemkiyeer tum ni mo, ɓe mo baakàa aɗeng. Aɓwoon mmi̶ni, ɓe nyemkiyeer tum ni mo sat nshak nee, "Wu j`i, mmun so mBetlehem, ku mu naa mbii ɗi ni kì̵ c`in ɗi, ɗi Daa wuri kì̵ sat ni mmun si." 16Ɗangɓe mo so mBetlehem ki̶lak-ki̶lak, ɓe mo so kat Meeri ki̶ Josep, ki̶ làa nii gan mpee ɗi moo leshit ɗi nlong mo. 17Kaaɗi mo naa làa ni, ɓe mo sat mbii ɗi ngulop kì̵ Naan sat mmo jir, nkaa làa ni. 18Nyem ɗi mo ki̶lingpo ɗi nyemkiyeer tum mmo sat, ɓe ni aapo mo. 19Amma Meeri wura panpo ɗiisi mo jir, ki̶ wura bi̶lip shii kì̵ ni ndi̶ghi̶n putughup fi̶ra. 20Nyemkiyeer tum ni mo baaso ɗi a yil, a peekiyeer tum furu mo. Mo nkaa cín ɗiiɗes nNaan, ki̶ mo nkaa kwoop wuri, mpee mbii ɗi mo ki̶ ki̶ling ni jir, ki̶ mpee mbii ɗi mo ki̶ naa ni zak, kaaɗi ngulop kì̵ Naan wuri kì̵ sat mmo si. 21Kaaɗi teer mo wul pokun, mpeku mo can làa ni ɗi, ɓe mo lesum fi̶ri a Jesu, ntiit ki̶ sum ɗi jí ngulop kì̵ Naan wuri kì̵ ten sat ne, mon nle nwuri akuɗang moo kat aak fi̶ri si. 22Kaaɗi shiiteer ni mo gam, ɓe Josep ki̶ Meeri, mo kàa nJerusalem, mpeku mo le mo ɗee ɗi a ɗiiɓang, kaaɗi Waar kì̵ Mosis ni sat si. Ɓe mo mang làa ni pan, mpeku mo cín wuri ɗi ntoghom kì̵ Naan, 23(kaaɗi mo kì̵ ten ran mɓut waar kì̵ Daa si nee, "Koo làa ɗin nshee ɗiimish ɗiiɗang ye ɗi wuri wang ɓut kì̵ ni̶ghi̶n fi̶ri, ɓe mo le wuri ɗee a mu Naan.") 24Ki̶ mo so, a mpeku mo cín mbiizughum mo ɗin nNaan, kaaɗi mo kì̵ ten ran mɓut waar kì̵ Daa si nee, "Mo cín mɓul mo vul, koo jep mɓul mo vul." 25Mee gwar wuri ɗi ndi̶ghi̶n Jerusalem, ɗi sum fi̶ri a Simiyon, wuri a ngo ɗin ndi̶re, ɗi wurii seyil nNaan riret, ɗi Riin kì̵ Naan ndi̶ghi̶n wuri. Wurii leyit mpee gong Nguɓam kì̵ nyem Isreil mo. 26Riin kì̵ Naan kì̵ ten kám nwuri nee, ba wurin mmuut kas, see wuri naa Daa Kristi akuɗang. 27Riin kì̵ Naan le ku Simiyon ɗel ndi̶ghi̶n Lu kì̵ Naan ɗiiɗes ni. Kaaɗi puun kì̵ Jesu mo ɗel kì̵ Jesu ndi̶ghi̶n Lu kì̵ Naan ɗiiɗes ni, ku mo cín mbii mo ɗi mpee wuri, kaaɗi waar ni sat ne mo c`in si. 28Ɗangɓe Simiyon lap Jesu yaa nsar fi̶ri, ki̶ wuri pi̶lang Naan nee: 29"Daa, wugha kì̵ gampo ɗi aa sat ni nki̶rom fugha, yaksi, a yit ku ki̶rom fugha so riyang, kaaɗi wugha kì̵ ten tuwoor si. 30Mpeeɗi yit fi̶na mo kì̵ naa Nguɓam ɗi wugha kì̵ lop j`i mpee nyem Isreil mo. 31Ɗi wugha kì̵ ten ɗak ni a le ntoghom kì̵ gurum mo jir. 32Peeɓang mpee woo ɗyen fugha nyem ɗi ba mo a nyem Yahudi mo kas. ki̶ mpee cín ɗiiɗes nyem fugha Isreil mo zak." 33Mbii ni aapo mpuun ki̶ ni̶ghi̶n kì̵ Jesu mo, mpee po ɗi Simiyon sat nkaa Jesu. 34Ɗangɓe Simiyon le ɗiiret nkaa mo, ki̶ wuri sat Meeri ni̶ghi̶n kì̵ Jesu nee: "Yi naa, Naan wuri bi̶lip làa ɗiisi, a mpee pal kì̵ pak gurum mo, ki̶ yaghal kì̵ pak gurum mo ɗes ndi̶ghi̶n nyem Isreil mo. Wurin nɗee a langting pu Naan ɗi, ɗi gurum mo ɗes mon nkwar wuri. 35Ni aasi ɓe pan ɗi mo a si̶sok ndi̶ghi̶n putughup kì̵ gurum mo ɗes mon nɗee agaak. Ki̶ wii zak, wat putughup nin mɓiyang seen fii kaa kwai si zak." 36Mee mat satpo kì̵ Naan ɗi wura kì̵ kun ɗes, wura ɗi nLu kì̵ Naan ɗiiɗes ni zak, ɗi sum fi̶ra a Anna, ɗi wura a reep kì̵ Fanuwel, mɓut saghan mu Asher. Ɓit ɗi wura yaghal ɗik, ɓe wura c`in a ɓit mo povul ashak ki̶ mish fi̶ra ɓejee. 37Kaaɗi mish fi̶ra muut, ɓe wura ɗee a matkáa; ɓit làa fi̶ra laarpokun baafeer. Ba wura kì̵ kyam yit Lu kì̵ Naan ɗiiɗes ni kas, amma mpar ki̶ puus, ɓe wura nkaa kwoop Naan, ki̶ tong ki̶ neen, ki̶ c`in aduwa. 38Ntiit ki̶ peemi̶ni, ɓe wura j`i pi̶lang Naan, ki̶ wura satpo nkaa làa ni, mpee nyem ɗi moo leyit mpee naa parpuus ɗi Naan wurin ang Jerusalem ɗi. 39Kaaɗi Josep ki̶ Meeri mo kyes c`in mbii ɗi waar kì̵ Daa ni sat ne mo c`in jir, ɓe mo baa waa nNazaret, ɗi ni nyil nGalili. 40Làa ni wuri wurang, ki̶ wuri kat ɓal, ki̶ wuri gam ki̶ seen, ki̶ ɗiiret kì̵ Naan ni nkaa wuri zak. 41Koo ɓit ɗiiɗang ye, ɓe puun kì̵ Jesu moo naa nso nJerusalem, mpee c`in retnyit mu Canɗel. 42Kaaɗi Jesu gam ɓit mo kaghapaat baavul, ɓe mo kàa nJerusalem, mpee c`in retnyit mu Canɗel ni, kaaɗi moo loghot ki̶ c`in ni shiɓit-shiɓit si. 43Kaaɗi mo kyes retnyit ni, mo a ar baa waa, ɓe Jesu ɗee ɗi mɓwoon ndi̶ghi̶n Jerusalem ni, ɓe ba puun fi̶ri mo man kas. 44Mo pan ne, wuri ɗi a nnaar kì̵ kuur gurum ni mo. Mpeemi̶ni ɓe mo wet mmwaan puus mi̶ndong a ar so waa ni. Ɗangɓe mo ɗoghom tang wuri mɓut nyem furu mo, ki̶ shaar furu mo. 45Ɓe kaaɗi ba mo kat wuri kas, ɓe mo waa baaso ɗi nJerusalem ni mpee tang wuri. 46Kaaɗi mo c`in teer kun nkaa tang wuri, ɓe mo j`i kat wurii tong ndi̶ghi̶n Lu kì̵ Naan ɗiiɗes, ashak ki̶ nyemkám mu nyem Yahudi mo. Wuri nkaa ki̶ling mo, ki̶ tal po pu mo zak. 47Ni aapo nyem ɗi moo ki̶ling wuri jir, mpee man fi̶ri, ki̶ po ɗi wurii lap ni mmo. 48Kaaɗi puun ki̶ ni̶ghi̶n fi̶ri mo naa wuri, ɓe ni aapo mo, har ni̶ghi̶n fi̶ri wura sat nwuri nee, "làa fi̶na, a me le ɗang a cín jeel mmun ki̶si ye? A naa puun fugha ki̶ wan, ni daampee mmun zam, har mu nyem pu tang wugha." 49Jesu wuri lap mmo nee, "Wuu tang wan a mpee meye? Ba wu man nee, ni a ting ku wan c`in mbii ɗi mo a mu puun fi̶na kas aa?" 50Amma ba mo manshii kì̵ po ɗi wuri sat ni mmo kas. 51Jesu wuri yaghal so waa ashak ki̶ mo nNazaret, ɓe wurii lappo furu. Ni̶ghi̶n fi̶ri Meeri wura tap panpo ɗiisi mo jir ndi̶ghi̶n putughup fi̶ra. 52Jesu wurii wurang ndi̶ghi̶n seen, ki̶ wuri kat sum ɗiiret pe Naan ɗi, ki̶ pe gurum mo jir zak.

will be added

X\