Luk 19

1Jesu wuri ɗel ndi̶ghi̶n Jeriko. Kaaɗi wuri a ar ɗel, 2ɓe mee gwar ɗi wuri a ɗiiɗes mɓut nyemlapwap mo, ɗi sum fi̶ri a Zakkayos, wuri a ngulong. 3Wuri tangpee ɗi wurin nnaa Jesu ɗi, kyet wuri arang ye? Amma ba wuri mak kas, mpee ɗuu kì̵ gurum mo, mpeeɗi wuri a ngo ɗiidut. 4Ni aasi, ɓe wuri su so kàa ntingkoon ɗi ni a kiyeen ki̶lak, mpeku wuri katpee naa Jesu ɗi, mpeeɗi Jesu wurii so a ar mi̶ni. 5Kaaɗi Jesu j`i wul nɗer ting ni, ɓe wuri ɗiyeep yit fi̶ri kàa aɗeng, ɓe wuri sat nZakkayos nee, "Zakkayos, a sham kyen, mpeeɗi wan nteer a ntulu fugha cicinsi." 6Ɓe Zakkayos wuri sham ntingkoon ni ki̶lak, wuri lap Jesu shi retnyit zam. 7Kaaɗi kuur kì̵ gurum ni mo naa mi̶ni, ɓe mo ɗoghom katpo nɗagham-nɗagham, mo sat nee, "Gwar ɗiisi wuri so mpee teer ntulu kì̵ ngushikbish." 8Zakkayos yaghal ɗar, ɓe wuri sat nDaa nee, "Daa, a naa, wan ndung cín kaghar kì̵ long fi̶na nyemjeel mo, ki̶ katɗang jí wan ki̶n yaa mee gurum ki̶ mbii shiɓal, ɓe wan mbaa ki̶ mbii ni ɗi ngo ni yit feer." 9Jesu sat mmo nee, "Cicinsi ɓe ɓam ni kì̵ j`i wul ntulu ɗiisi, mpeeɗi gwar ɗiisi wuri a dang kì̵ Abraham azeen-nzeen zak. 10Mpeeɗi Làa kì̵ Gurum wuri j`i a mpee tang nyem ɗi mo kì̵ lagham, mpeku wuri ɓam mo ɗi zak." 11Kaaɗi gurum ni mo nkaa ki̶lingpo ɗi Jesu pu sat ni mmo, ɓe Jesu waa sat mee sumpo ɗi mmo zak, mpeeɗi wuri kus ki̶ wul nJerusalem, ki̶ mpeeɗi moo pan ne, mulki kì̵ Naan nin nj`i abet-abet. 12Mpeemi̶ni ɓe wuri sat sumpo ni mmo nee, "Mee ngo ɗiiɗes wuri so mee yil ɗiijong, mpeku wuri so lap ɗak mishkagham ku wuri baaj`i ɗi. 13Akuɗang wurii yaghal so ni, ɓe wuri pi̶rep ki̶rom fi̶ri mo kaghapaat, wuri cín daam shaghal zinariya mo kaghapaat mmo. Koo weye lap daam shaghal zinariya mi̶ndong. Wuri sat mmo nee, 'Wu c`in nwor ɗishik, har parpuus ɗi wan mbaaj`i.' 14Amma nyemyil fi̶ri ni mo kwar wuri, har mo lop-lop so mɓwoon fi̶ri nee, ba mu riɓet ku gwar ɗiisi ɗee a mishkagham nkaa mun kas! 15"Aɓwoon ɗi wuri kì̵ so lap ɗak mishkagham ni, wuri baaj`i, ɓe wuri pi̶rep ki̶rom ɗi jí wuri kì̵ cín shaghal ni mmo, mpeku wuri man li̶ɓet ɗi mo kì̵ kat ni mpee nwor ɗi mo ki̶ c`in ni. 16Gwar ɗin nshee ni wuri j`i, wuri sat nee, 'Daa, daam shaghal zinariya fugha ɗiimi̶ndong ni, ni kì̵ kat li̶ɓet daam shaghal zinariya mo ɗiki̶ kaghapaat.' 17Mishkagham ni wuri sat nki̶rom ɗin nshee ni nee, 'Ni ret zam, wugha a ki̶rom ɗiiret. Mpeeɗi kaaɗi wan mak cínzeen nwugha ndi̶ghi̶n mbii ɗiilee si, ɓe wan nle wugha ɗee a ɗiiɗes nkaa birni mo kaghapaat.' 18Ki̶rom ɗiivul ni wuri j`i sat nee, 'Daa, daam shaghal zinariya ɗiimi̶ndong ni, ni kì̵ kat li̶ɓet daam shaghal zinariya mo ɗiki̶ paat.' 19Mishkagham ni wuri sat nki̶rom ɗiivul ni nee, 'Wan nle wugha ɗee a ɗiiɗes nkaa birni mo paat zak.' 20Mee ki̶rom ni wuri j`i sat zak nee, 'Daa, a naa shaghal zinariya fugha ɗiimi̶ndong ni si! Wan ki̶n ɓwaghat ndi̶ghi̶n mee fuwaat nle nwugha si. 21Wan ki̶n ki̶i̶r wugha, mpeeɗi wugha a nguɓiyaal zam. Wugha aa mang mbii a peeɗi ba a le ɗi kas, ki̶ wugha aa ɗiip ɗiɓen a peeɗi ba jí a wugha kop kas!' 22Mishkagham ni wuri sat nki̶rom mi̶ni nee, 'Wugha a ki̶rom ɗiibish! A shi mbii ɗi ni put mpo fugha, ɓe wan ntokɗiyeel nwugha a ɗishik. Wugha man ne, wan a ngo ɗiiɓi̶yaal, ki̶ wan ki̶n mang mbii a peeɗi ba a wan le ɗi kas, wan ki̶n ɗiip ɗiɓen a peeɗi ba jí a wan kop kas. 23A me le ɗang ba jí a so a le shaghal fi̶na mbank kas ye? Ɓe kaaɗi wan j`i si, ɓe ɗi wan nlap mbi̶na ashak ki̶ li̶ɓet nkaa ni.' 24Wuri sat nyem ɗi moo ɗar ɗi a pee ni nee, 'Wu yaa wuri ki̶ daam shaghal zinariya ɗiimi̶ndong ni, wu cín ngwar ɗi wuri ki̶ daam shaghal zinariya mo kaghapaat sí!' 25Mo sat mmishkagham ni nee, 'Daa, wuri ki̶ daam shaghal zinariya ni mo kaghapaat.' 26Wan sat nwun nee, koo ngo ɗiiɗang ye ɗi wuri ki̶ mbii, ɓe mon mbaa cín ɗiki̶ nwuri zak. Amma ngo ɗi ba wuri ki̶ mee mbii kas, ɓe rep mbii ɗi wuri ki̶ni, ɓe mon nsi̶ghi̶t waa nyaa wuri ki̶ni. 27Amma nyem ɗi ba mo riɓet ku wan ɗee a mishkagham nkaa mo kas sí, wu j`i wu twa mo ntoghom fi̶na mpesi." 28Kaaɗi Jesu sat mbii ɗiisi, ɓe wuri taa mmo a ti̶leng a ar kàa nJerusalem. 29Kaaɗi wuri j`i wul kus ki̶ Betfaji ki̶ Betani, nkoghop nJwakpaat, ɓe Jesu wuri lop jep fi̶ri mo vul. 30Wuri sat mmo nee, "Wu so ndi̶ghi̶n laayil ɗi ni akiyeen fuu si, katɗang wu wul, ɓe wun nkat mee làa njaaki ɗi a ɗiɗiin, ɗi ba mee gurum kì̵ kyam lang nkaa ni kas, wu shang wu j`i ki̶ni mpesi. 31Katɗang mee gurum tal pu wun nee, A me le ɗang wuu shang njaaki ni ye? Ɓe wu sat nee, 'A Daa wurii riɓet ni.' " 32Jeplop ɗi Jesu wuri lop ni mo, ɓe mo so kat njaaki ni a kaaɗi Jesu sat mmo si. 33Kaaɗi mo nkaa shang làa njaaki ni, ɓe nyem mbii ni mo sat nee, "A me le ɗang wuu shang làa njaaki ni ye?" 34Ɓe mo lap nee, "A Daa wurii riɓet ni." 35Mo j`i ki̶ njaaki ni pe Jesu ɗi. Mo ɓwot nli̶r furu mo nkaa làa njaaki ni, ki̶ mo le Jesu lang nkaa ni. 36Kaaɗi Jesu wuri lang njaaki ni so, ɓe gurum mo paa ar ni shi nli̶r furu mo. 37Kaaɗi Jesu kus ki̶ j`i wul a pee shisham nJwakpaat, ɓe kuur kì̵ nyemso ndang wuri ni mo ɗoghom c`in retnyit, ki̶ mo kwoop Naan shi ɗoo ɗiiɗes mpee mbii ɗi mo kì̵ naa mo jir. 38Mo sat nee: "Naan le ɗiiret nkaa mishkagham ɗi wuri j`i ndi̶ghi̶n sum kì̵ Daa. Riyang ndi̶ghi̶n ɗengnaan, ki̶ Ɗiihai, pe Naan ɗi zak." 39Pak nyem Farisi ɗi mo mɓut nkuur ni, mo sat nJesu nee, "Ngukám, a gwak nyemso ndang wugha ɗiisi ni mo!" 40Jesu lap mmo nee, "Wan sat nwun nee, koo ɗi nyem ɗiisi mo ɗok titik, ɓe jwak mon nle or." 41Kaaɗi Jesu wuri j`i wul kus kì̵ Jerusalem, wuri naa birni ni, ɓe wuri wal mpee wura. 42Wuri sat nee, "Katɗang ɓe ɗi cicinsi wu man mbii ɗi nii j`i ki̶ tongriyang, amma cicinsi ni, ɓe ni a si̶sok pe wun ɗi. 43Mpeeɗi teer ni mon nj`i, ɗi shaarlek fuu mon nneer wun cighi̶rkaat shi fwang, ki̶ mon nɗurap ar nwun koo a nkoghop ɗiiɗang ye. 44Ɗangɓe mon mpyan birni fuu ni sham nyil, ki̶ mon ntwa wun ki̶ nyem ɗi mo ɗi ndi̶ghi̶n birni ni. Ba mon nyit mee nhi̶k mo nki̶shak ndi̶ghi̶n birni fuu ni kas, mpeeɗi ba j`i wu man parpuus ɗi jí Naan wuri j`i mpee ɓam wun ni kas." 45Kaaɗi Jesu ɗel ndi̶ghi̶n Lu kì̵ Naan ɗiiɗes, ɓe wuri ceen nyemnwor mo. 46Wuri sat mmo nee, "Mo kì̵ ten ran ndi̶ghi̶n takarda kì̵ Naan nee, 'mon mpet lu fi̶na a lu aduwa.' Amma wun kì̵ cighi̶r ki̶ ni, ku ni ɗee a 'goghot mu wat mo.' " 47Koo puus ɗiiɗang ye, ɓe Jesu kámpo kì̵ Naan ngurum mo ndi̶ghi̶n Lu kì̵ Naan ɗiiɗes. Amma pris ɗiinan mo, ki̶ nyemkám Waar kì̵ Mosis mo, ki̶ nyemti̶leng mu gurum ni mo, mo tang ar ɗi mon ntu Jesu ɗi. 48Amma ba mo kat ar ni kas, mpeeɗi gurum ni mo jir mo yaa kám kì̵ Jesu ni riret.

will be added

X\