Luk 17

1Jesu wuri sat njeplop fi̶ri mo nee, "Mbii ɗi moo le ku gurum mo canshii, har mo c`in shikbish, ni a ting mon nj`i, amma jeel pee ngo ɗi a wuri le ku mo j`i. 2Ngo ɗi wuri le ku memee mi̶ndong ndi̶ghi̶n ɗiiɗween si mo c`in shikbish, ɓe ɗi ni ret met, ku mo ɗiin mee fin ɗiyees shiit ɗiitoghon ngo mi̶ni ntook, ku mo vwet wuri ndi̶ghi̶n am bahar. 3Mpeemi̶ni wu tap ki̶ mbii ɗi wuu c`in mo. Katɗang ɓe ɗyemni̶ghi̶n fugha wuri c`in shikbish nwugha, ɓe a gwak wuri. Katɗang ɓe wuri tuwap, ɓe a fwo nwuri. 4Katɗang wuri c`in shikbish nwugha yit povul puus mi̶ndong, ɗangɓe wuri waa baa cighi̶r j`i pe wugha ɗi yit povul zak, ku wuri sat ne, wuɗi tuwap, ɓe a fwo ɗi nwuri." 5Jeplop ni mo sat nDaa nee, "A cín cínzeen ɗiki̶ mmun." 6Daa wuri sat mmo nee, "Katɗang ɓe ɗi wun ki̶ cínzeen kaa aas kì̵ mustad si, ɓe ɗi wun mmak sat ntingkoon ɗiisi nee, 'A yaghal a sham a ɗar ndi̶ghi̶n am bahar si, ɓe nin nc`in mbii ɗi wu sat.' " 7"Katɗang memee ndi̶ghi̶n wun, ɗi wuri ki̶ ki̶rom, ɗi ki̶rom ni wurii sak maar, koo kiyeer tum mo ngwar ni. Ɓe katɗang ki̶rom ni wuri tong a yil j`i, ɓe wu pan nee, gwar ni wurin nsat nki̶rom ni nee, 'A so a se mbiise mugha kyen akuɗang aa cet mi̶na aa?' 8Aa koo ba wurin nsat nki̶rom ni a ne, 'A so a cet mbiise ɗi nwan nse, ku a lop lee mu cín mbiise ni, ku a j`i ki̶ mbiise ni ɗi nwan, wughan nɗar har wan se mbiise ni ki̶ shwaa akuɗang.' Aɓwoon mi̶ni, ɓe wugha so a se mugha zak kas aa? 9Wu pan nee, wurin mpi̶lang ki̶rom ɗiisi, ɗi see mo sat mbii wuri ɗang wuri c`in aa? 10Wuwun aasi zak, katɗang wu tap c`in mbii ɗi mo sat mo nwun jir. Ɓe wun nsat ne, mun a ki̶rom mo ɗi ba mun ki̶ koghop ni kas, mpeeɗi muu c`in a mbii ɗi ni ret mmun ɗak." 11Kaaɗi Jesu a ar kàa nJerusalem, ɓe wuri yaa ar ni a nnaar kì̵ Sameriya ki̶ Galili. 12Kaaɗi Jesu ɗel ndi̶ghi̶n mee laayil, ɓe wuri taa kaat ki̶ nyemloghom mo kaghapaat, moo ɗar pan jong ki̶ ar ni. 13Mo ɗiyeep ɗoo furu shiɓal mo sat nee, "Daa Jesu, a naajeel funu." 14Jesu wuri naa mo, ɓe wuri sat mmo nee, "Wu so wu kám suk fuu mpris mo." Kaaɗi mo a ar so nkám sut furu mpris ni mo, ɓe mo naa sut furu ni mo ɗee a ɗiibi̶bar. 15Memee mi̶ndong mɓut mmo, kaaɗi wuri naa shin fi̶ri ni ɗee a ɗiibi̶bar, ɓe wuri waa cighi̶r baaso pe Jesu ɗi, wuri nkaa kwoop Naan shi ɗoo ɗiiɗes. 16Wuri j`i taa ntoghom kì̵ Jesu, kì̵ wuri pi̶lang wuri. Gwar ni wuri a ngu Sameriya. 17Jesu wuri sat nee, "Ba gurum mo a kaghapaat ɗi mo ɗee a ɗiibi̶bar kas aa? Ɗiipofeer ni mo a neye? 18Ba memee mɓut mmo waa cighi̶r baaj`i, ku wuri pi̶lang Naan ɗi kas, see a mi̶zep ɗiisi mi̶ndong ɓejee aa?" 19Jesu sat wuri nee, "A yaghal a so hi̶ha, cínzeen fugha ni le ku a ɗee a ɗiibi̶bar." 20Pak nyem Farisi mo tal pu Jesu nee, "Mulki kì̵ Naan nin nj`i a pi̶rang ye?" Jesu lap mmo nee, "Parɗi mulki kì̵ Naan nin nj`i, ɓe ba gurum mon naa ni a shi yit kas. 21Ba mee gurum nsat nee, 'A naa ni mpesi,' koo nee, 'A naa ni akiyeen sí kas.' Wu naa, mulki kì̵ Naan ni ashak ki̶ wun." 22Jesu sat njeplop fi̶ri mo nee, "Pee nin ndung j`i, ɗi wun nkyaghar mpee naa puus mi̶ndong mɓut puus ɗi mo amu Làa kì̵ Gurum, amma ba wun mmak naa ni kas. 23Ɗangɓe gurum mon nsat nwun nee, 'Wu naa wuri mpesi,' koo ne, 'wuri akiyeen sí.' Ɓe taji wu so a peemi̶ni kas, ki̶ taji wu so ndang mo kas. 24Parpuus mu baaj`i kì̵ Làa kì̵ gurum, ɓe nin nɗee a kaa ɗi pee ki̶ mi̶lep aɗeng nkoghop ɗiisi, ɓe ni ɓangpee ɗel so wul nkoghop ɗiisí. 25Amma ting see wurin nshee shwaajeel mo ɗes, ki̶ nyem ɗin ny`iicinsi mon nkwar wuri akuɗang. 26Ntiit ki̶ mbii ɗi gyet ni c`in ndi̶ghi̶n ɓit kì̵ Nowa, ɓe nin nɗen aasi parpuus ɗi Làa kì̵ Gurum wurin mbaaj`i zak. 27Gyet gurum mo nkaa se, mo nkaa shwaa, mo nkaa yaghalɗik, mo nkaa lapmat mo, har parpuus ɗi Nowa ɗel ndi̶ghi̶n jirgi. Ɗangɓe am ɗiiɗes ni j`i paa mo jir. 28Ntiit ki̶ mbii ɗi gyet ni c`in ndi̶ghi̶n ɓit kì̵ Lot si zak. Gyet mo nkaa se, mo nkaa shwaa, mo nkaa si̶rep mbii mo, mo nkaa kop mbii mo, ki̶ ɗiklu mo. 29Amma parpuus ɗi Lot put yit yil nSodom, ɓe mo ɗoo wus sham aɗeng, ɗi ni lapwus shi fwat mu pus binti̶ka, har ni twa gurum mo jir. 30Nin nɗen aasi zak, parpuus ɗi Làa kì̵ Gurum wurin nj`i put agaak. 31"Parpuus mi̶ni, ɓe ngo ɗi wuri aɗenglu ɗiiɗes, kì̵ long fi̶ri mo ɗi ndi̶ghi̶n lu ni, ɓe taji wuri sham mpee hi̶r mo kas. Ngo ɗi wurin mmaar a yil, ɓe taji wuri waa baaj`i ntulu kas. 32Wu pan mat kì̵ Lot. 33Ngo ɗi wuri tang ar mpee ɓam seen fi̶ri, ɓe ba wurin mmak ɓam ni kas. Amma ngo ɗi wuri cín seen fi̶ri, ɓe a wuri ɓam ni. 34Wan sat nwun nee, parpuus mi̶ni, ɓe gurum mo vul mo nkaa saam mpar nkaa peesaam ɗiimi̶ndong, ɓe mon mmang memee, ku mo yit memee ɗee ɗi. 35Mat mo vul mo nkaa ɗiyees shiit ashak, ɓe mon mmang memee, ku mo yit memee ɗi. 36Gurum mo vul mon mmaar a yil, ɓe mon mmang memee, ku mo yit memee ɗi." 37Jeplop kì̵ Jesu mo tal pu wuri nee, "Daa, a mpee ɗiiɗang ye?" Jesu wuri lap mmo nee, "A peeɗi kúm kì̵ mbii ɗi ni kì̵ muut ɗi, ɓe vurshi moo kuur a ɗi."

will be added

X\