Luk 15

1Parmeeci si ɓe nyemlapwap mo, ki̶ nyemshikbish mo jir, mo gyes so pu Jesu ɗi, mpeku mo ki̶ling mbii ɗi wuri sat ɗi. 2Amma nyem Farisi mo, ki̶ nyemkám Waar kì̵ Mosis mo, mo kyakpo nɗagham-nɗagham, mo sat nee, "Gwar ɗiisi wurii lap nyemshikbish mo, ki̶ wurii sese ashak ki̶ mo." 3Jesu sat sumpo ɗiisi mmo nee, 4"Katɗang memee ndi̶ghi̶n wun, wuri ki̶ tum mo ɗari, ɗang memee mi̶ndong lagham. Ɓe ba wurin nyit ɗii laapofeer baapofeer si mo a shitughur jwak, ku wuri so tang ɗi ni kì̵ lagham ni ɗi, har wuri kat ni kas aa? 5Katɗang wuri kat tum ɗiilagham ni, ɓe wuri mang ni le a took fi̶ri shi retnyit. 6Ki̶ katɗang wuri j`i wul ntulu, ɓe wuri pi̶rep shaar fi̶ri mo, ki̶ nyem ɗi wurii tong kus ki̶ mo, wurin nkuur mo ashak. Ɓe wuri sat nee, 'Wu c`in retnyit ashak ki̶ wan, mpeeɗi wan ki̶n kat tum fi̶na ɗi ni kì̵ lagham ni.' 7Wan sat nwun nee, ni aasi zak, mon nkat retnyit ɗes ndi̶ghi̶n ɗengnaan, mpee mee ngushikbish mi̶ndong ɗi wuri tuwap, met nyem ɗii laapofeer baapofeer ɗi mo a ɗin ndi̶re, ɗi mo kì̵ ten tuwap." 8"Katɗang ɓe mee mat wura ki̶ shaghal azurfa mo kaghapaat, ɗang memee mi̶ndong ni lagham, ɓe ba wuran nlewus nfitila, ku wura fet lu ni ɗi riret, har wura tang ni kas aa? 9"Katɗang wura kat shaghal ɗiilagham ni, ɓe wuran mpi̶rep shaar fi̶ra mo, ki̶ nyem ɗi wuraa tong kus ki̶ mo, wuran nkuur mo ashak. Ɓe wura sat mmo nee, 'Wu c`in retnyit ashak ki̶ wan, mpeeɗi wan ki̶n kat shaghal fi̶na ɗi ni ki̶ lagham ni' 10Wan sat nwun nee, ni aasi zak, nyemlop kì̵ Naan mon nkat retnyit ɗes, mpee mee ngushikbish mi̶ndong ɗi wuri tuwap." 11Jesu waa sat mee sumpo mmo zak nee, "Mee gwar wuri ki̶ jepzi̶lang mo vul. 12Gwar ɗiilee ni wuri sat mpuun furu nee, 'Daa, a cín kop kì̵ long fugha ɗi nin nyaghal ɗee a mi̶na ni nwan yaksi.' Ɓe puun furu wuri ɓàk long fi̶ri ni mmo. 13Aɓwoon kì̵ shiiteer mo kong, ɓe gwar ɗiilee ni wuri kyak long ɗi mo a mi̶ri ni mo le ashak jir. Ɓe wuri yaghal yaa ar so mee yil ɗiijong-jong. Kaaɗi wuri so wul, ɓe wuri selong fi̶ri ni mo jir, ndi̶ghi̶n ar ɗiibuu, har wuri ɗee a ɗiiwuwat nyil mi̶ni. 14Kaaɗi wuri selong ni mo kyes jir, ɓe mee neen ɗiinaat ni taa ɗi ndi̶ghi̶n yil mi̶ni. Ɗyem ni wuri ɗoghom taa mɓut njeel. 15Ɓe wuri so tang ɗak pu mee nguyil ni ɗi. Ɓe gwar ni lop ɗyem ni so naa tughus fi̶ri mo a yil. 16Wurii riɓet sepak mbiise ɗi moo le ntughus ni mo, amma ba wuri kat kas. 17"Amma kaaɗi pan fi̶ri ni baaj`i ɗi nwuri, ɓe wuri pan ndi̶ghi̶n putughup fi̶ri nee, 'Nyemɗak mu puun fi̶na mo ɗes, ɓe moo kat mbiise ɗi ni mak mo, har moo se, ki̶ pak baa, amma wan ndung muut ki̶ neen mpesi. 18Wan nyaghal, wan mbaaso waa pe puun fi̶na ɗi, ku wan sat ɗi nwuri nee, Daa, wan ki̶n c`in shikbish nNaan, ki̶ wan ki̶n c`in shikbish nwugha zak. 19Ba wan kuɗii koghop ni, mpeku mo baa pet wan ɗi a làa fugha zak kas. A le wan ɗee kaa memee mɓut nyemɗak fugha mo si' 20Ɓe wuri yaghal baaso waa pe puun fi̶ri ɗi. Amma kaaɗi wuri kuɗi jong-jong, ɓe puun fi̶ri naa wurii j`i sí. Ɓe puun ni naajeel kì̵ ɗyem fi̶ri ni, wuri yaghal su so taa nkaa took kì̵ ɗyem ni, har wuri ɗwas ɗyem ni shi mi̶shpoo. 21Làa ni sat nee, 'Daa, wan ki̶n c`in shikbish nNaan, ki̶ wan ki̶n c`in shikbish nwugha zak. Ba wan kuɗii koghop ni, mpeku mo baa pet wan ɗi a làa fugha zak kas.' 22Amma puun ni wuri sat nki̶rom fi̶ri mo nee, 'Wu put ki̶ nli̶r ɗiiret met jir nkyen. Wu lop nwuri, ki̶ wu lop kawan wurin nni̶kongsar, ki̶ wu lop kwaghazak mo nshii fi̶ri zak. 23Wu so wu yaa mee làa kus ning ɗiimwaghal, wu fet, wu cet mmun se, mpeku mu c`in retnyit ɗi. 24Mpeeɗi jí làa fi̶na ɗiisi wuri kì̵ ɗee a kaa ɗiimumuut si, amma yaksi wuri kì̵ baa kat seen. Jí wuri kì̵ ɗee a ɗiili̶lagham, amma yaksi ɓe muu baa mu kat wuri zak. Mpeemi̶ni, ɓe mo c`in retnyit.' 25"Kaaɗi mo nkaa c`in retnyit ni, ɓe ɗyem fi̶ri ɗin nshee wuri ɗee a yil. Kaaɗi wuri a ar baaj`i, ɓe wuri j`i wul kus ki̶ tulu, ɓe wuri ki̶ling gì̵ ng ki̶ kook. 26Wuri pet memee mɓut ki̶rom kì̵ puun fi̶ri mo, wuri tal shii kì̵ gì̵ ng ki̶ kook ni. 27Ɓe ki̶rom ni sat nwuri nee, 'A ɗyemni̶ghi̶n fugha wuri kì̵ baaj`i, ɗangɓe puun fugha wuri fet mee làa kus ning ɗiimwaghal, mpeeɗi wuri kaat ɗyemni̶ghi̶n fugha ɗi shi retnyit. Ba mee mbii kas.' 28Amma ɗyemni̶ghi̶n ɗiiɗes ni wuri langtughup. Wuri kwar ɗel nlu. Ɓe puun fi̶ri ɗang pu wuri, ku wuri ɗel ɗi nlu. 29Amma ɗyem ɗiiɗes ni wuri lap mpuun fi̶ri nee, 'A naa wan ki̶n c`in ɗak nwugha mpee ɓit mo ɗes, ki̶ ba wan ki̶n kyam ɗel aki̶ po fugha mo kas. Jir ki̶si, ɓe ba wugha kì̵ kyam cín koo a rep mee nkwak nwan tu, mpeku wan c`in retnyit ɗi ashak ki̶ shaar fi̶na mo kas. 30Amma kaaɗi làa fugha ɗiisi, ɗi wuri so watlong fugha kyes ashak ki̶ mat ngaa mo, wuri baaj`i, ɓe wugha fet làa kus ning ɗiimwaghal mpee wuri' 31Puun ni wuri sat nɗyem fi̶ri ɗin nshee ni nee, 'Làa fi̶na, wugha ɗi ashak ki̶ wan shidaar-shidaar, mpeemi̶ni, ɓe long fi̶na mo jir mo a mugha. 32Mpeemi̶ni ɓe ni ret ku mu c`in retnyit, mpeeɗi jí ɗyemni̶ghi̶n fugha ɗiisi wuri kì̵ ɗee a kaa ɗiimumuut si, amma yaksi, wuri kì̵ baa kat seen. Jí wuri kì̵ ɗee a ɗiili̶lagham, amma yaksi muu baa mu kat wuri.' "

will be added

X\