Luk 12

1Ɗangɓe kaaɗi gurum mo duɓu ɗes mo kuur, har moo ti̶reng shii nshak, ɓe Jesu wuri shee sat njeplop fi̶ri mo nee, "Wu tap ki̶ yist mu nyem Farisi mo." Wurii sat a c`in mbii shi putughup vul-vul kì̵ mo ni mmi̶ni. 2"Ba mee mbii ɗi a ɗiipi̶paa ɗi nin nnook put agaak kas, ki̶ ba mee mbii ɗi a ɗiisi̶sok ɗi gurum mon nnook man ni kas. 3Mpeemi̶ni, koo mbii ɗiiɗang ye ɗi wu sat mpar, ɓe mon nki̶ling nin mpuus. Mbii ɗi wu sat nshak nkom caghat ndi̶ghi̶n lu ɗi ni a shishaghat, ɓe mon nɗar aɗeng lu mo, ku mo sat ni ɗi agaak." 4"Shaar fi̶na mo, wan sat nwun nee, taji wu ki̶i̶r nyem ɗi moo tu nan kì̵ gurum kas, mpeeɗi aɓwoon mi̶ni, ɓe ba mo mak ba c`in mee mbii ɗi ni met mmi̶ni zak kas. 5Amma wan sat nwun, ngo ɗi ni ret ku wun nki̶i̶r. Wu ki̶i̶r a Naan ɗi aɓwoon ɗi wuri kì̵ tu gurum, ɓe wuri ki̶ iiko ɗi wurin nvwet seen ni ndi̶ghi̶n aawus ɗi wuri ki̶ ɗak ni le mpee Shetan. Azeen-nzeen wan sat nwun nee. Ni ret ku wu ki̶i̶r a Naan. 6Ba moo seet ny`er kushing mo paat a nkaa koɓo vul kas aa? Jir ki̶si, ɓe ba Naan wurii mander memee koo mi̶ndong ndi̶ghi̶n mo kas. 7Koo a shoopkáa fuu mo, ɓe mo kì̵ tang mo jir. Taji ki̶i̶rmuut yaa wun kas, mpeeɗi wun ki̶ koghop ni ɗes met ny`er kushing mo." 8"Wan sat nwun zak nee. Koo ngo ɗiiɗang ye ɗi wuri satpo agaak ntoghom kì̵ gurum mo ne wuɗi a mi̶na, ɓe Làa kì̵ Gurum, wurin nsatpo nkaa ngo mi̶ni agaak ntoghom kì̵ nyemlop kì̵ Naan mo zak nee gwar mi̶nin a mi̶na zak. 9Amma ngo ɗi wuri cíipo fi̶na ntoghom kì̵ gurum mo, ɓe wan nciipo ki̶ ngo mi̶ni ntoghom kì̵ nyemlop kì̵ Naan mo zak. 10Jir ngo ɗi wuri satpo ɗiibish nkaa Làa kì̵ Gurum, ɓe mon nfwo ni nwuri, amma ngo ɗi wuri satpo ɗiibish nkaa Riin Ɗiiɓang, ɓe ba mon nfwo mi̶ni ngo ni kas. 11"Katɗang mo so ki̶ wun ntoghom kì̵ nyemnan lu kì̵ Naan mo, ki̶ ntoghom kì̵ mishkagham mo, ki̶ nyem iiko mo, ɓe taji wu ansuk ndi̶ghi̶n putughup fuu mo mpee mbii ɗi wun nlap, koo mbii ɗi wun nsat kas. 12Mpeeɗi Riin kì̵ Naan wurin nkám nwun, mbii ɗi wun nsat ntiit ki̶ peemi̶ni." 13Mee gwar wuri ɗi mɓut nkuur kì̵ gurum ni mo, wuri sat nJesu nee, "Ngukám a sat nɗyemni̶ghi̶n fi̶na ku wuri ɓàk kop ɗi puun funu yit ni mmun." 14Amma Jesu lap nwuri nee, "Ngo fi̶na, a we le a ngutokɗiyeel koo nguɓàk kop wun ye?" 15Jesu waa baa sat mmo jir zak nee, "Wu tap kì̵ káa fuu mo, ki̶ wu baa ki̶ suk fuu mo aku mɓut riɓet mbii mo, ki̶ kyaghar mo jir, mpeeɗi ba gurum wurii kat seen a mpee ɗes kì̵ long ɗi wuri ki̶ni kas." 16Jesu sat mee sumpo mmo nee, "Gyet mee ngulong wuri ɗi, ɗi maar fi̶ri mo fes ret ɗiɓen zam. 17Ɗangɓe wuri ɗoghom pan ndi̶ghi̶n putughup fi̶ri, nee, 'Ba wan ki̶ peeɗi wan nle ɗiɓen fi̶na ni ɗi jir kas. Wan nc`in a me nɗiisi ye?' 18Wuri waa sat nshin zak nee, 'A mbii ɗi wan nc`in nɗiisi. Wan nshirip ɗiyaar fi̶na ni mo jir, ku wan ɗik ɗiinan-nan mo ɗi, a peeɗi wan nsok ɗiɓen fi̶na mo ɗi jir mmi̶ni, ki̶ long fi̶na mo jir.' 19Ɗang wan nsat nsan fi̶na nee, 'San fi̶na, wugha ki̶ long mo ɗes-ɗes, ɗi mo a mpeku a kat retnyit fugha ɗi.' 20Amma Naan sat nwuri nee, 'Wugha mwen! Mpar ɗiicicinsi, ɓe mon mmang seen fugha ni. Ɗangɓe mbii ɗi a le si mo jir mon, nɗee a mu weye?' " 21Ɗangɓe Jesu wuri kyes po ni nee, "Nyem ɗi mo ak long ɗii mu yil ɗiisi nsut, ɓe mo a nyemjeel mo pe Naan ɗi, kaa ngulong ɗiimwen ɗiisi si." 22Jesu wuri sat njeplop fi̶ri mo nee, "Mpeemi̶ni, ɓe taji wu ansuk mpee seen fuu mo kas, koo a mpee mbii ɗi wun nse, koo mpee lee ɗi wun nlop mo kas. 23Mpeeɗi seen ki̶ koghop ni met mbiise, ki̶ suk fuu mo met nleelop mo zak. 24Wu naa ngoroo mo! Ba moo kop mee mbii, koo moo ɗiip mee mbii kas, ki̶ ba moo peesok, koo ɗiyaar kas, amma Naan ki̶ cín mbiise mmo. Wun ki̶ koghop ni met ny`er mi̶ni mo jir. 25A we ndi̶ghi̶n wun, ɗi wurii daampee nshin nkaa seen fi̶ri, ɓe wuri mak le rep teer mo ɗiki̶ nseen fi̶ri ni ye? 26Katɗang ɓe ba wun mmak c`in rep mbii ɗiilee kaa mi̶ni si kas, ɓe a me le ɗang wuu daampee nsuk ki̶ pan nkaa kaghar mbii ni mo ye? 27Wu naa, pel ɗi moo kàa a ti̶leng mo, ba moo c`in mee ɗak koo ráa mee lee mon nsut kas. Amma jir ki̶si, wan sat nwun nee, koo gyet a Solomon ndi̶ghi̶n ɗiiɗes fi̶ri jir, ɓe ba gyet wuri mak jwal, leejwat ɗi mo ret yaa memee mi̶ndong mɓut mpel ɗiisi mo kas. 28Katɗang ɓe Naan wurii tap ɗak ɗem ɗi a yil mo riret, ɗi moo mi̶lep cicinsi, amma daɗaar ɓe mon nfwo mo nwus, ɗang j`iɗee a wun aa? Cínzeen fuu ni mo a lee ɗak! 29"Mpeemi̶ni, taji wu ansuk mpee mbii ɗi nwun se, ki̶ mbii ɗi wun nshwaa kas. Taji wu leputughup fuu mo nkaa mbiise ki̶ mbii shwaa kas. 30Mpeeɗi gurum ɗin ndi̶ghi̶n yil si mo jir, moo tang mbii ɗiisi mo. Puun fuu wuri man nee, ni ret ku wu kat mbii ɗiisi mo. 31Amma ni ret ku wu shee tang a mulki kì̵ Naan, ɗangɓe mo cín mbii ɗiisi mo ɗiki̶ nwun jir. 32"Wun nyem ɗi wu cínzeen wan. Wun a rep kuur tum mo. Taji ki̶i̶rmuut yaa wun kas, mpeeɗi ni ret puun fuu nyit, mpeku wuri cín mulki ni ɗi nwun. 33Wu si̶rep long fuu mo, mpeku wu cín zughum ɗi nyemjeel mo. Wu taan daam ɗiiret mon nsuk, ɗi ba mo mak ɗee a ɗiisi̶ghi̶r kas, ki̶ wu sok long fuu mo aɗeng, a peeɗi ba nin mmak ɗee a ɗiiwuwat kas, mpeeɗi ba mee wat mmak so ɗi kas, ki̶ ba mee ndukup mmak wat ni kas. 34Peeɗi wu sok long fuu mo ɗi, ɓe pan mu putughup fuu mo ɗee a mpeemi̶ni zak." 35"Wu lop nli̶r ɗak fuu mo, ku wu ɗar ɗi ɓal-ɓal mpee c`in ɗak, ki̶ wu le fitila fuu mo lap zak. 36Wu ɗee kaa nyem ɗi mon ndung gong baaj`i kì̵ ngulu furu ɗi wuri waa a pee seriɓet mu lap mat si. Mpeku katɗang wuri j`i ɓwap polu, ɓe mo wang ni ɗi nwuri ki̶lak-ki̶lak. 37Ki̶rom ɗiisi mon nkat retnyit katɗang ngulu furu wuri baaj`i kat mo nkaa gongpee. Azeen-nzeen wan sat wun nee. Wurin mɓwaghat nli̶r fi̶ri riret, ɗangɓe wurin nle ku mo tong a peese mbiise, ku wuri cín mbiise ni ɗi mmo. 38Katɗang wuri teerj`i a nnaarpar, koo a puɓit, ɗang wuri kat mo nkaa gongpee, ɓe ki̶rom ɗiisi mon nkat retnyit. 39Amma wu man nee, katɗang ɓe ɗi ngulu wuri man parpuus ɗi wat ki̶ j`i ɗi, ɓe ɗi wurin ntong shi gongpee, ɓe ba wurin mmak yit ku mo sul lu fi̶ri kas. 40Ni a ting ku wu tong shi gongpee aasi zak. Mpeeɗi Làa kì̵ Gurum wurin nj`i a parpuus ɗi ba wu le mee pan mpee j`i kì̵ wuri ni kas." 41Pita sat nJesu nee, "Daa, aa sat sumpo ɗiisi a mmun aa? Koo a mpee gurum mo jir ye?" 42Daa wuri lap nee, "A we a nguɗak ɗi gurum mo cínzeen nwuri, ɗi wuri ki̶ seen ki̶ ɗyen ye? Ɗi ngulu fi̶ri le wuri mpee tap ki̶ mbii ɗi mon ndi̶ghi̶n lu fi̶ri jir, ɗi wurin ki̶i̶ naa ntap ɓàk mbiise nɗyemni̶ghi̶n fi̶ri ki̶rom mo, ɗi mo ɗi nlu ni shidaar-shidaar. 43Ki̶rom ɗiisi wurin nkat retnyit, katɗang ngulu fi̶ri wurin nj`i kat wurii c`in ɗak fi̶ri ndi̶re-ndi̶re. 44Azeen-nzeen wan sat nwun nee. Ngulu kì̵ ki̶rom ɗiisi nin nle wuri mpee naa long fi̶ri mo jir. 45Amma katɗang ki̶rom ni wuri pan ndi̶ghi̶n putughup fi̶ri nee, 'Ba ngulu fi̶na wurin nj`i ki̶lak kas!' ɓe wuri yaa ni̶ram niyee fi̶ri ki̶rom ɗiimish mo, ki̶ ɗiimat ni mo, ki̶ wuri ɗoghom se ki̶ shwaa, har ni yughur wuri. 46Ɗangɓe ngulu kì̵ ki̶rom ɗiisi wurin nj`i parpuus ɗi ba ki̶rom ni wuri le mee pan mpee j`i fi̶ri ni kas, ɓe wurin nsaa wuri shi ngwam. Ɗangɓe ngulu nin nle wuri ashak ki̶ nyemɗiibish mo, ɗi ba gurum mo mak cínzeen mmo kas. 47Ki̶rom ɗi wuri man mbii ɗi ngulu fi̶ri ki̶ riɓet ku wuri c`in, ɗangɓe ba wuri ɗakshin fi̶ri mpee c`in ni ntiit ki̶ pan kì̵ ngulu fi̶ri ni kas, ɓe mon nni̶ram wuri ɗes hakyeng. 48Amma ki̶rom ɗi ba wuri man mbii ɗi ngulu fi̶ri ki̶ riɓet ku wuri c`in kas, ɗang wuri c`in mee mbii ɗiibish ɗi ni mak ku mo ni̶ram wuri, ɓe mon nnas wuri a lee ɗak. Ngo ɗi mo kì̵ le mbii mo ɗes nsar fi̶ri, ɓe mon ntang mbii mo ɗes a nsar fi̶ri zak. Ngo ɗi gurum mo le mbii mo nsar fi̶ri ɗes, ɓe mon ntang mbii mo nsar kì̵ gwar mi̶ni ɗes zak." 49"Wan j`i a mpee ɓwot wus nkaa yil ɗiisi. Ɗi wan riɓet ne, wus nii ɗee a ɗiili̶lap. 50Wan ki̶ mee baptisma ɗi mon nc`in ni wan, nii daampee nwan zam, see mon nc`in baptisma ni ɗel akuɗang wan nookɗi. 51Wu pan nee, wan j`i aa tongriyang nkaa yil ni me? Wan sat nwun nee, waash, ba a tongriyang kas, see a ɓàkshak. 52Mpeeɗi aɓwoon ɗiisi, ɓe mon nkat gurum mo paat ndi̶ghi̶n mee lu ɗiimi̶ndong, ɓe mon mɓàkshak vul. Kun mon nlek aki̶ vul mo, ɗiivul mon nlek aki̶ ɗiikun mo. 53Har gurum mon mɓàkshak a kaa ɗiisi si. Ɗi puun wurin nlek ki̶ làa fi̶ri. Làa wurin nlek kì̵ puun fi̶ri, ki̶ ni̶ghi̶n wuran nlek ki̶ jep fi̶ra mo. Reep wuran nlek ki̶ ni̶ghi̶n fi̶ra, ki̶ ni̶ghi̶nkaam wuran nlek ki̶ ni̶wel fi̶ra, ni̶wel wuran nlek ki̶ noghonkaam fi̶ra zak." 54Jesu sat nkuur kì̵ gurum mo nee, "Katɗang wu naa nluu ni yaghal nkoghop puusru, ɓe abet wu sat nee, fwan nyaghal j`i, ɓe nii c`in aasi ni. 55Katɗang wu naa kut nii cut pee nkoghop ngween, ɓe wuu sat nee, pee nin nyaghal tal ɗes. Ɓe nii c`in aasi. 56Wun nyemso ndang Naan shi putughup vul-vul mo. Wuu mak manshii kì̵ pi̶ring kì̵ yil ni, ki̶ naarpee ɗii aɗeng, amma a me le ɗang ba wu mak manshii kì̵ mbii ɗin nshiiteer ɗiisi mo kas ye?" 57"A me le ɗang ba wun mmak ɓàkyit mbii ɗin ndi̶re shikáa fuu kas ye? 58Katɗang mee ngo riɓet so ki̶ wugha nluɗiyeel, ɓe wu ɗakpo ni aku, akuɗang wurii so ki̶ po ni nluɗiyeel, mpeku taji shaarpo fugha ni wuri so ki̶ wugha nluɗiyeel kas. Kasɓe nguɗiyeel wurin nle ku laakám mo mang wugha so shaghat. 59Azeen-nzeen wan sat nwugha nee, ba a mmak put nlushaghat ni kas, see a kwat mbii ɗi wugha ki̶ni jir, ki̶ har ba mee koɓo ɗee ɗi kas, akuɗang mo ɓwot wugha."

will be added

X\