Juud 1

1Juud ki̶rom mu Jesu Kristi, ɗyemni̶ghi̶n kì̵ Jemis so pe nyem ɗiipi̶pi̶rep mo, ɗi Naan puun wuri wal mmo, ki̶ mo ɗee a ɗi fufwang ndi̶ghi̶n Jesu Kristi. 2Kussuk kì̵ Naan, ki̶ riyang, ki̶ wal fi̶ri, mo sat a nwurang ndi̶ghi̶n wun ɗak. 3Wun ɗi wan wal nwun si mo, gyet wan ki̶n fes nlepan, mpeku wan ran ɗi nwun nkaa cínzeen ɗi mun ki̶ ni ashak. Amma mee pan le kun ran nwun, mpeku wan caa wun, ku wu sekiyeen ɗi ndi̶ghi̶n lek, mpee cínzeen ɗi Naan wuri kì̵ ten cín nyem fi̶ri mo, yit mi̶ndong ɓejee har mpee vit. 4Mpeeɗi pak gurum mo ɗi, ɗi ba mo man Naan kas. Moo tap j`i ɗel ndi̶ghi̶n mun a si̶sok. Nyem ɗi mo cighi̶r ki̶ po kì̵ Naan ki̶ ɗiiret fi̶ri, mpeku mo katpee c`in mbii ɗiibish mu nan mo ɗi. Ki̶ zak, moo cíipo kì̵ Daa Jesu Kristi. Ki̶ mo kwar wuri ɗi wuri a Daa funu kì̵ Nguɓam funu. Pugyet mo kì̵ ten ran ndi̶ghi̶n takarda kì̵ Naan, po nkaa kwat furu ɗi mon nlap ni a muut. 5Koo ɗi wuu ten wu man mbii ɗiisi mo jir, amma wan ki̶n riɓet le a pan nwun, kaaɗi gyet Naan wuri put ki̶ nyem Isreil mo nyil Ijip. Amma aɓwoon kì̵ mi̶ni, ɓe gyet Naan wuri twa nyem ɗi mo kwar cínzeen. 6Ki̶ zak, wu man nee, nyemlop kì̵ Naan ɗi mo aɗeng, ɗi mo kwar peetong furu, mpeku mo tang peetong ɗi ni ɗes met ɗi Naan kì̵ cín mmo, ɓe mo ɓwaghat mo shi ti̶sek ɗii ngaa-ngaa ndi̶ghi̶n peeɗi ni nkoo ɗiirap shek-shek. Naan wuri le mo a peemi̶ni, har parpuus ɗiyeel nin nj`i wul. Parɗi Naan wurin ncanɗiyeel ɗiibish ɗi mmo. 7Ni aasi zak, ɓe taji wu mander nyil nSodom ki̶ Gomora, ki̶ yil ɗi mo kus ki̶ mo kas. Gyet yil ɗiisi mo cín káa furu mo, mpee c`in ngaa ki̶ mbii ɗiibish mo. Mo lap kwat kì̵ shikbish mi̶ni mo a ndi̶ghi̶n wus ɗi ni so ngaa-ngaa. Ɗiisi ni ɗee a mbiikám ngurum mo jir. 8Ni a ndi̶ghi̶n ar ɗiisi, ɓe nyem ɗiisi mo naa sughun mo, ɗi ni le ku mo waa cighi̶r c`in shikbish nkaa sut furu mo. Mo kwar ɗiiɗes kì̵ Naan, ki̶ mo satpo ɗiibish nkaa nyem ɗiiret mo ɗi mo, ndi̶ghi̶n ɗengnaan. 9Mbii ɗi koo a Makiyel ɗi wuri a ngo ɗiiɗes mu nyemlop kì̵ Naan mo, ba wuri mak sat ni kas. Kaaɗi gyet Makiyel ki̶ Shetan mon njighi̶r nkaa kúm kì̵ Mosis, ɓe ba Makiyel mak wangpo, mpeku wuri kàss Shetan ɗi kas, amma wuri sat nee, "a Daa wurin ngwak wugha ɗak." 10Amma nyem ɗiisi mo cínkáa nkaa mbii mo jir, ɗi ba mo man shii ni kas, ki̶ mbii ɗi mo man ni shi pan mu nan. Mo a kaa long mo si. A mbii mi̶ni moo waa cighi̶r twa mo. 11Jeel mpee mo, mpeeɗi moo mwaan a ndi̶ghi̶n ar kì̵ Kein, ki̶ mpee tang li̶ɓet mu shaghal, ɓe mo cínkáa furu, ku mo mwaan ɗi ndi̶ghi̶n ar ɗi gyet Balam taa pal ɗi. Mo ɗee a nyemkáaɓál mo, nyemciishik mo, kaaɗi gyet Kora ɗee si. Mon mmurap a kaaɗi gyet Kora muut si. 12Ɗiisi mo ɗee a kaa mi̶mer ɗi nii wat shin kì̵ gurum si, ki̶ mo ɗee a kaa pee ɗiirap si ndi̶ghi̶n wun, kaaɗi wun nkaa se tong ashak fuu. Moo tap aa káa furu mo ɓejee ɗak. Mo a kaa nluu fwan ɗi kut ki̶ mang ni so ki̶ ni si, ɗi ba ni mak kyam j`i ki̶ fwan kas. Mo a kaa ting ɗi ni kwar làa-làa har tar waap j`i mang si. Ting ɗi mo kì̵ ɓwan seen ni, ki̶ ni ɗee a ɗii mumuut. 13Mo a kaa am ɗi kut ki̶ cut ni ɓal-ɓal ndi̶ghi̶n bahar si. Moo woo ti̶fil mu mbii naashoop ɗi moo c`in mo zak. Mo a kaa zar ɗi moo mwaan si. Naan wuri tap ɗak mee pee ɗiijurung, ɗiirap shek-shek, le mpee mo. 14Enok zak, ɗi wuri a dang ɗiipovul ndi̶ghi̶n cirem kì̵ Adam, wuri satpo nkaa mo nee, "Wu naa, Daa wurin nj`i ki̶ nyemlop fi̶ri ɗiiɓang mo ɗes. 15Mpeku mo canɗiyeel ɗi ngurum mo jir, ki̶ mo woo ɗi agaak jir, ɗak ɗiibish ɗi nyem ɗi ba mo ki̶ Naan ndi̶ghi̶n putughup furu mo kas; ɗi mo kì̵ ten c`in ni ndi̶ghi̶n ar ɗi ba ni a mu Naan kas. Ki̶ jir po ɗiiɗeet ɗi nyemshikbish ɗiisi ni mo kì̵ ten sat nkaa Naan." 16Nyem ɗiisi mo naa nkatpo nɗagham-nɗagham, nyemsatpo ɗiibuu nkaa gurum mo, nyemmwaan ndi̶ghi̶n kyaghar mu nan furu mo, nyemcanjagham mo shi po furu mo, nyemcaa gurum mo, ba a ndi̶ghi̶n ar ɗiiret kas, mpeku mo kat mee li̶ɓet ɗi. 17Amma wun ɗi wan wal nwun si mo, taji wu mander mbii ɗi gyet jeplop kì̵ Daa funu Jesu Kristi mo sat nwun kas. 18Mo kì̵ sat nwun nee, "Ndi̶ghi̶n teer mu peekyes ni mo, ɓe nyemɓákpee, mon nj`i put," mpeku mo nwangpo ɗi nwun. Nyem ɗi moo mwaan a ndi̶ghi̶n kyaghar mu nan furu mo, ɗi ba ni a ar mu Naan kas. 19A nyem ɗiisi mo, moo j`i ki̶ yilangpee ndi̶ghi̶n gurum mo. A mo a nyem ɗi mo kyaghar mbii ɗiibish mu yil ɗiisi shi mi̶se furu mo. Ba mo ki̶ Riin kì̵ Naan kas. 20Amma, wuwun, ɗi wan wal nwun si mo, wu ɗiksuk fuu mo ndi̶ghi̶n cínzeen fuu ɗiiɓang. Wu c`in aduwa ndi̶ghi̶n Riin Ɗiiɓang zak. 21Wu sat a nlesuk fuu mo ndi̶ghi̶n wal kì̵ Naan, kaaɗi wuu leyit nkaa Daa Jesu si, mpeku shi naajeel fi̶ri, ɓe wurin ncín seen ɗiiso ngaa-ngaa nwun. 22Wu naajeel kì̵ nyem ɗi mo ɗee mɓeetshik ki̶ wun. 23Wu ɓam pak mo. Wu put ki̶ mo aku mɓut nwus, ki̶ mpee pak mo, ɓe wu naajeel kì̵ mo shi ki̶i̶rmuut. Amma wu kwar lée furu mo, mpeeɗi lée furu ni kì̵ ten ɗee a ɗiirap shi shikbish furu mo. 24Pe wuri ɗi wuri mak fwang wun, mpeku taji wu táa wu pal kas, ki̶ wurin nj`i ki̶ wun ntoghom kì̵ ɗiiɗes mu Naan ndi̶ghi̶n retnyit, ba ki̶ mee rap kas. 25Pe Naan ɗi wuri mmi̶shin, Nguɓam funu ndi̶ghi̶n Jesu Kristi, Daa funu ɗiiɗes, Ɗiihai fi̶ri, ki̶ mulki ɗiiɗes ki̶ iiko, mo ɗee a mu wuri, pugyet ɗi yam-yam, ki̶ har yaksi, ki̶ har ngaa-ngaa. Amin.

will be added

X\