Joon 21

1Aɓwoon ɗiisi, ɓe Jesu wuri waa baa kámshin ɗi nyemso ndang wuri mo mpo am bahar mu Tiberiyas. Wuri kámshin a nyem ɗiisi mo. 2Simon Pita, ki̶ Tomas ɗi moo pet wuri a jan, ki̶ Nataniyel ɗi wuri a ngu Kana mu yil nGalili, ki̶ jep kì̵ Zabadi mo, ki̶ memee mo vul ndi̶ghi̶n jeplop fi̶ri mo, ɗi mo ɗi ashak. 3Simon Pita wuri sat nkaghar jeplop ni mo nee, "Wan ndung so nyak pupwap." Mo sat nwuri nee, "Mun nso ashak ki̶ wugha zak." Mo pwat mo so ɗel ndi̶ghi̶n jirgi am. Amma ba mo teer yaa mee pupwap mparmi̶ni kas. 4Amma kaaɗi ɓit ni kus ki̶ mang, ɓe Jesu wuri j`i ɗar mpo am bahar ni, ɓe ba jeplop ni mo man ne, a Jesu kas. 5Wuri tal pu mo nee, "Jepzi̶lang mo, ba wuu yaa mee pupwap kas aa?" Mo lap nwuri nee, "Waash, ba mu yaa mee mbii kas." 6Wuri sat mmo nee, "Wu ɓwot shang ni nkoghop nsarse kì̵ jirgi ni, ɓe wun nyak pak mo." Kaaɗi mo ɓwot shang ni, ɓe ba mo mak dul ni kas, mpee ɗes kì̵ pupwap ni mo. 7Ɗangɓe nguso ndang Jesu, ɗi Jesu wal nwuri si, wuri sat mPita nee, "A Daa". Kaaɗi Simon Pita wuri ki̶ling ne a Daa, ɓe wuri ɓwaghat nli̶r fi̶ri mɓwoon, mpeeɗi wuri kì̵ ten shwat nli̶r fi̶ri mo, ɓe wuri taa mɓut am bahar ni. 8Amma kaghar jeplop ni mo j`i ndi̶ghi̶n jirgi ni. Mo dul shang ni gam ki̶ pupwap ni mo, mpeeɗi ba mo jong ki̶ ɗi̶ghi̶r kas, ni a kaa kám kì̵ shiimwaan mo ɗari mi̶ndong si ɓejee. 9Kaaɗi mo kàa pwat a poɗi̶ghi̶r, ɓe mo naa ɗirep wus, ki̶ pupwap mmo nkaa ni, ki̶ bred zak. 10Jesu sat mo nee, "Wu j`i ki̶ pak pupwap ɗi wu yak mo si." 11Simon Pita wuri baa sham ɗel ɗi ndi̶ghi̶n jirgi ni, wuri dul shang ni kàa ki̶ ni a ɗi̶ghi̶r, ni gam ki̶ pupwap ɗiinan-nan mo ɗari mi̶ndong ki̶ laarpaat baakun. Jir ki̶ ɗes kì̵ mo ni, ɓe ba shang ni tee kas. 12Jesu sat mmo nee, "Wu j`i wu se mbiise." Ba memee ndi̶ghi̶n jeplop fi̶ri mo, wuri kat ɓal mputughup ɗi wurin ntal ɗi pu Jesu nee, "Wugha a weye kas," mpeeɗi mo man ne, a Daa. 13Jesu j`i mang bred ni cín mmo, ki̶ wuri mang pupwap ni cín mmo zak. 14Jesu wuri kámshin jeplop fi̶ri mo, a yit ɗiikun nɗiisi, aɓwoon ɗi wuri kì̵ yaghal a peemúut. 15Aɓwoon ɗi mo kì̵ sese ni, ɓe Jesu wuri sat nSimon Pita nee, "Simon làa kì̵ Joon, wugha wal nwan met ndas ɗiisi mo me?" Pita lap nee, "Ii, Daa wugha man nee, wan wal nwugha." Ɓe Jesu sat nwuri nee, "A kiyeer tum fi̶na mo." 16Jesu wuri waa baa sat ɗi mPita zak nee, "Simon làa kì̵ Joon, wugha wal nwan me?" Pita wuri lap nee, "Daa, wugha man mbii mo jir. Wugha man nee, wan wal nwugha." Jesu sat nwuri nee, "A tap kì̵ tum fi̶na mo." 17Jesu waa baa sat ɗi mPita yitkun nee, Simon làa kì̵ Joon, wugha wal nwan me? Ni wat putughup mPita, mpeeɗi Jesu sat nwuri yitkun nee, a wal nwan me? Wuri sat nee, "Daa wugha man mbii mo jir, wugha man ne wan wal nwugha." Jesu sat nwuri nee, "A kiyeer tum fi̶na mo. 18Azeen-nzeen ki̶n sat nwugha, gyet wugha kuɗi a làa, ɓe wugha ki̶ jwallée mo shikáa fugha, ku a so ɗi mpee ɗi aa riɓet, amma katɗang wughan nkun, ɓe wughan nzan sar fugha mo, ku mee gurum jwallée mo ɗi nwugha. Wurin nso ki̶ wugha a peeɗi ba wugha riɓet so ɗi kas." 19Jesu sat mi̶ni, a mpeku wuri kámshii kì̵ muut ɗi Pita wurin nyaghal muut ɗi, ɗi nin nj`i ki̶ ɗiiɗes nNaan. Ɗangɓe Jesu sat nwuri nee, "A j`i ndang wan." 20Pita wuri cighi̶r naa nguso ɗang Jesu, ɗi Jesu wal nwuri si, wurii j`i ndang mo. A gwar ɗi j`i wurii tong kus-kus ki̶ Jesu, kaaɗi jí mo nkaa sese si. Jí a wuri sat zak nee, "Daa, a we a ngo ɗi wurin nyaghal seet wugha ni ye?" 21Kaaɗi Pita naa wuri, ɓe wuri tal pu Jesu nee, "Daa, gwar ɗiisi wuri ee?" 22Jesu lap nwuri nee, "Katɗang ɓe wan riɓet ku wuri tong ɗi ki̶ seen har wan baaj`i, ɓe a me a mugha ɗiɓut ye? A j`i ndang wan." 23Po ni so wul pe jeplop kì̵ Jesu mo ɗi ne, Jesu sat nee, gwar ɗi Jesu wal wuri si, ba wurin mmuut kas. Amma ba Jesu sat aasi kas, Jesu wuri sat a nee, "Katɗang ɓe wan riɓet ku wuri tong ɗi ki̶ seen har wan baaj`i, ɓe a me a mugha ɗiɓut ye?" 24A wuri a nguso ndang Jesu, ɗi wuri sat mbii ɗiisi mo, ki̶ a wuri ran mo zak, ki̶ mu man nee, mbii ɗi wuri sat ni mo azeen. 25Pak mbii aapo mo ɗi ɗes, ɗi Jesu wuri c`in mo. Katɗang ɗi mo ran mo jir shimi̶ndong-shimi̶ndong, ɓe wan pan nee, ba ɗi yil ni jir, nin mmak mpee le takarda ɗi mon nran ni mo kas.

will be added

X\