Joon 15

1Jesu wuri sat mmo nee, "Wan a ting anab ɗi azeen-nzeen, ki̶ a puun fi̶na wuri a ngutap ki̶ ting ni. 2Koo song ɗiiɗang ye ɗi ni ndi̶ghi̶n wan, ɗi ba ni làa-làa kas, ɓe wurin ncan baa ki̶ni, ki̶ koo song ɗiiɗang ye ɗi ni làa-làa, ɓe wurin ntap ɗak ni mpeku ni baa làa-làa ɗi riret zak. 3Yaksi ɓe wuu ɗee, a nyem ɗiiɓang mo, mpee kám ɗi wan ki̶n ten kám mo nwun. 4Wu tong ndi̶ghi̶n wan, ɓe wan ntong ndi̶ghi̶n wun zak. Ba mee songting mak làa-làa shikáa fi̶ra kas, see ni ɓal ashak ki̶ kukting ni, ki̶ ba wun mmak c`in mee mbii shikáa fuu kas, see ashak ki̶ wan. 5"Wan a ting anab ni, ki̶ a wun a song ni mo. Ngo ɗi wuri tong ndi̶ghi̶n wan, ki̶ wan tong ndi̶ghi̶n wuri zak, ɓe wurin nɗee a kaa songting ɗi nii nlàa-làa ɗes. Mpeeɗi katɗang ba wun ashak ki̶ wan kas, ɓe ba wu mak c`in mee mbii shikáa fuu kas. 6Ngo ɗi ba wurii tong ndi̶ghi̶n wan kas, ɓe mon ncan wuri vwet kaa songting ɗi mo canvwet si, ɓe nin nfii. Mon mmang song ɗiifii ni, mo vwet nwus, ɓe wus ncaan ni. 7Katɗang wuu tong ndi̶ghi̶n wan, ki̶ po fi̶na moo tong ndi̶ghi̶n wun zak, ɓe koo a meye ɗi wu ɗang pu puun fi̶na, ɓe wurin ncín nwun. 8Katɗang wuu cín ɗak ɗiiret mo, ɓe gurum mon ncín ɗiiɗes mpuun fi̶na, ki̶ a ndi̶ghi̶n ɗak ɗiiret ɗi wuu c`in mo, ɓe nin nkám agaak nee, wun an nyemso ndang wan mo. 9"Wan wal nwun, a kaaɗi puun wuri wal nwan si. Wu tong ndi̶ghi̶n wal fi̶na. 10Katɗang ɓe wu tap Waar fi̶na mo, ɓe wun ntong ndi̶ghi̶n wal fi̶na, a kaaɗi wan ki̶n tap Waar kì̵ puun fi̶na mo, ɓe wan ki̶n tong ndi̶ghi̶n wal fi̶ri si. 11"Wan satpo ɗiisi mo nwun a mpeku retnyit fi̶na ni tong ɗi ndi̶ghi̶n wun, ki̶ wu gam ɗi ki̶ retnyit zak. 12A Waar fi̶na ɗi wan sat nwun nɗiisi nee. Wu walnshak, kaaɗi wan wal nwun si. 13Ba mee wal waa ɗes met nɗiisi kas, ɗi gurum wuri cín seen fi̶ri mpee shaar fi̶ri mo. 14Katɗang wu c`in mbii ɗi wan sat mo nwun, ɓe a wun a shaar fi̶na mo azeen-nzeen. 15Ba wan nkuɗi ki̶n pet wun a ki̶rom mo kas, mpeeɗi ba ki̶rom mo man mbii ɗi ngulu furu wurii c`in kas. Amma wan ki̶n pet wun a shaar fi̶na mo, mpeeɗi mbii ɗi wan ki̶ling mo pe puun fi̶na ɗi, ɓe wan ki̶n ten sat a mo nwun jir. 16Ba jí a wun wu bi̶lip wan kas, amma a wan bi̶lip wun, mpeku wu ɗee ɗi a nyemfi̶na mo, ki̶ wan le ku wu so wu c`in ɗak fi̶na mo. Mpeku mbii ɗi wu kat mɓut ɗak fuu ni mo, ɓe mo ɗee a ɗiiret har vit. A mpeemi̶ni, ɓe koo a meye ɗi wu ɗang pu puun fi̶na ndi̶ghi̶n sum fi̶na, ɓe wurin ncín mo nwun. 17A Waar fi̶na ɗi wan sat nwun nɗiisi nee. Wu walnshak." 18"Katɗang ɓe gurum ɗin ndi̶ghi̶n yil ni mo kwar wun, ɓe wu man nee, jí ni kì̵ shee kwar a wan, ɗangɓe nii kwar wun. 19Katɗang ɗi wun a mu yil ni, ɓe ɗi gurum ɗii mu yil nin mon nwal wun. Amma gurum ɗii mu yil ni mo, kwar wun, a mpeeɗi wan ki̶n ten bi̶lip wun ndi̶ghi̶n yil ni, a mpeemi̶ni ɗangɓe yil nin nkaa kwar wun. 20Wu panpo ɗi wan ki̶n ten sat nwun si nee, 'Ba ki̶rom wurin mmak ɗee a ɗiiɗes met ngulu fi̶ri kas.' Katɗang jí mo lejeel nwan, ɓe mon nlejeel nwun zak. Katɗang jí mo lap kám fi̶na mo, ɓe mon nlap kám fuu mo aasi zak. 21Amma mon nc`in mbii ɗiisi mo nwun jir, a mpee sum fi̶na, mpeeɗi ba mo man ngo ɗi wuri lop wan kas. 22Katɗang jí wan ki̶n j`i nsatpo mmo kas, ɓe baa ɗi mo ki̶ shikbish kas. Amma yaksi, ɗi mo ki̶ man shikbish furu mo, ɓe ba mo ki̶ mee mbii langkáa mpee shikbish furu mo kas. 23Ngo ɗi wuri kwar wan, ɓe wuri kwar a puun fi̶na zak. 24Katɗang ba jí wan ki̶n c`in ɗak ɗiiɗes si mo nnaar furu kas, ɗi ba mee gurum ki̶ kyam c`in mo kas, ɓe ɗi ba mo ki̶ shikbish kas. Amma jí mo kì̵ naa mbii ɗi wan ki̶n c`in mo. Jir ki̶si, ɓe mo kwar wan ki̶ puun fi̶na. 25Amma ni c`in aasi, a mpeku mbii ɗi mo kì̵ ten ran ndi̶ghi̶n takarda Waar furu ni gam ni nee, mo kwar wan, ɓe ba wan c`in mee mbii mmo kas. 26"Amma katɗang Nguɓam wurin nj`i wul, ɗi wuri a Riin ɗi azeen-nzeen ɗi wan ndung lop wuri j`i nwun, ɗi wuri put a pe Daa ɗi, a wurin nj`i c`in langting fi̶na. 27Ki̶ wuwun zak, wun nc`in langting fi̶na, mpeeɗi puji ɗin nshee, ɓe wun ɗi ashak ki̶ wan.

will be added

X\