Jemis 5

1Wu ki̶ling wan yaksi, wun nyemlong mo. Ni ret ku wu wal ki̶ maap mpee jeel ɗi mon nɗung j`i nkaa wun. 2Long fuu ni mon nɗee a ɗiiwam, ki̶ ndukup mon nse nli̶r fuu ɗiiret ni mo. 3Azurfa, ki̶ zinariya ki̶ shaghal fuu ni mon nnaatnjileng. Naatnjileng kì̵ shaghal fuu ɗiisi ni mo, mo ɗee a mbiikám nee, kaaɗi shaghal fuu ɗiisi ni mon nnaatnjileng si, ɓe nan fuu mon ncaan a kaaɗi wus ki̶ caan mbii mo si zak. Wuu sok long fuu mo yaksi, ntiit ki̶ ɗi yil ni kus ki̶ kyes. 4Wuu c`in ɗung nyem ɗi moo c`in ɗak ndi̶ghi̶n maar fuu mo, wu kwar kwat mo ntiit-ntiit ki̶ ɗak ɗi mo c`in nwun. Mpeemi̶ni, ɓe moo wal pe Daa Naan ɗi, mpeku wuri ɓam mo ɗi. Yaksi, wal furu ni kì̵ wul nkom kì̵ Naan ɗi a wuri ki̶ mbii mo jir nsar fi̶ri. 5Wuu ten wu tong ndi̶ghi̶n long mu yil ɗiisi, ki̶ wuu ten wu c`in mbii ɗi wu naa ni ret nwun nyit. Wuu ɗak suk, ki̶ wu mwaghal kaa randong ɗi moo gong parpuus ɗi mon nfet mo si. 6Wuu tokɗiyeel ɗiibish nkaa nyem ɗi ba mo c`in mee mbii ɗiibish kas. Wuu twa nyem ɗi ba jí mo mak ɓam sut kas. 7Mpeemi̶ni, ɗyemnaa mo, wan ki̶n sat nwun nee, wu gung har parɗi Daa Jesu Kristi wurin mbaaj`i ndi̶ghi̶n yil ɗiisi. Wu pan nyemmaar mo, wu naa kaaɗi moo gung ɗi si, moo gongpee, ki̶ moo tap ki̶ maar furu mo, har parɗi fwan j`i wul, ki̶ har parɗi ɗiip ɗiɓen ni j`i wul zak. 8Ni ret ku wun, wu gung kaa nyemmaar mo si. Wu ɗak putughup fuu mo, ki̶ wu ɗar ɓal-ɓal, mpeeɗi puus ɗi Jesu Kristi wurin mbaaj`i ni wul kus. 9Ɗyemnaa mo, taji wu katpo nɗagham-nɗagham nkaa shak kas, mpeku taji mo tokɗiyeel nwun kas. Wu naa, ngutokɗiyeel ni wurii ɗar kus. 10Ɗyemnaa mo, wu pan nyemsatpo kì̵ Naan ɗi gyet yam si mo. Gyet mo satpo ndi̶ghi̶n sum kì̵ Naan, har mo shwaajeel, amma jir ki̶si, ɓe gyet mo gung ndi̶ghi̶n shwaajeel ni. Ni ret ku wun, wu gung ndi̶ghi̶n jeel ni kaaɗi gyet mo gung si. 11Muu sat nee, mo a nyem ɗi mo kat retnyit, mpeeɗi gyet mo gung har peekyes ni. Wu man po nkaa gung kì̵ Joob, kaaɗi gyet kyam ni j`i taa nkaa wuri si. Wu man zak nee, gyet Naan le ku shwaajeel kì̵ Joob ni waa j`i ki̶ ɗiiret nwuri. Azeen-nzeen Naan wuri kì̵ putughup ɗiiret mpee mun jir, ki̶ wurii naajeel kì̵ nyem fi̶ri mo zak. 12Amma mee mbii ɗi ni met kaghar ni mo jir, ɗyemnaa mo. Taji wu ɓi̶lemcuk shi ɗengnaan, koo shi yil ɗiisi kas. Taji wu c`in tuwoorpo, koo shi sum ki̶ mee mbii kas. Amma wu yit ku ii, fuu mo ɗee a ii, ki̶ waash, fuu mo ɗee a waash, ɓejee ɗak, mpeku taji mo tokɗiyeel ɗiibish nwun kas. 13Katɗang memee ndi̶ghi̶n wun nkaa shwaajeel, ɓe ni ret ku wuri c`in aduwa nNaan. Katɗang memee ndi̶ghi̶n wun kat retnyit, ɓe wu yit ku wuri kwoop Naan. 14Katɗang memee ndi̶ghi̶n wun, ɗi ba wurin nkagham kas, ɓe wu yit ku wuri pet nyemnan mu (Eki̶lisya) nyemso ndang Naan mo, mpeku mo c`in aduwa ɗin nNaan mpee wuri. Katɗang mo ɗoghom c`in aduwa ni, ɓe mo pwos mwoor nkaa wuri ndi̶ghi̶n sum kì̵ Daa. 15Aduwa ɗi gurum moo c`in ni a shi zeen azeen-nzeen, ɓe nin nle ku ngugok ni wuri bar. Naan wurin nle ku ngugok ni kat kagham hakyeng; ki̶ katɗang ngugok ni wuri ki̶ c`in shikbish, ɓe Naan wurin nfwo shikbish ni mo nwuri zak. 16Mpeemi̶ni, wan ki̶n sat nwun nee, wu woo shikbish fuu mo nshak, ki̶ wu c`in aduwa mpee shak zak. Mpeku wu kat kagham ɗi ndi̶ghi̶n shwal fuu mo. 17Gyet, Ilaija wuri a gurum kaa mun si, ɓe wuri c`in aduwa azeen-nzeen, mpeku taji fwan j`i kas. Ɓe aduwa ɗi gyet wuri c`in ni, ɓe mpee ɓit kun ki̶ kaghar, ɓe ba fwan j`i kas. 18Mɓwoon mi̶ni, ɓe wuri waa c`in aduwa zak, mpeku fwan j`i ɗi, ɓe Naan le ku fwan ni j`i, yil ni lok, har mbii mo yaa kàa. 19Ɗyemnaa mo, katɗang memee ndi̶ghi̶n wun taa mer ndi̶ghi̶n ar ɗi ni a mu zeen ni, ɓe ni ret ku memee fuu mo fwang wuri baaj`i ki̶ wuri ɗi, ndi̶ghi̶n ar ɗi ni a mu zeen ni. 20Ni ret ku wu man nee, koo a weye, ɗi wuri baaj`i ki̶ mee ngushikbish ndi̶ghi̶n ar ni, ɓe ngo mi̶ni ɓam seen kì̵ ngushikbish ni ndi̶ghi̶n muut, ki̶ zak, ɓe ngo mi̶ni le ku Naan wurin nfwo shikbish ɗi mo ɗes ngwar ni.

will be added

X\