Jemis 4

1A me moo j`i ki̶ lek, ki̶ jighi̶r nwun ye? Wuu lek ki̶ shak, a mpeeɗi kyaghar ɗiibish mo nkaa lek ndi̶ghi̶n putughup fuu mo. 2Wuu kyaghar mbii mo, amma ba wuu kat kas, mpeemi̶ni, ɓe wuu tukáa. Wuu c`in zughur kì̵ mbii mo, amma ba wu kat kas, mpeemi̶ni ɓe wuu jighi̶r ki̶ shak. Wuu lek ki̶ shak zak. Ba wu kat mbii ɗiisi mo kas, a mpeeɗi ba wu ɗang mo pe Naan ɗi kas. 3Mmee naar ɓe wuu ɗang pe Naan ɗi, amma ba wu kat kas, a mpeeɗi wuu ɗang mo a ndi̶ghi̶n ar ɗiibish. Wuu ɗang mo a mpeku wu tu ɗi ndi̶ghi̶n ar ɗin nkan, ɗi mo a mu kyaghar kì̵ nan fuu mo. 4Wun a kaa mat ɗi moo c`in ngaa si. Wu man nee, katɗang gurum ki̶ riɓet ɗee a shaar mu yil ɗiisi, ɓe ngo mi̶ni ki̶ riɓet ɗee a shaarlek kì̵ Naan. Mpeemi̶ni, koo a weye, ɗi wuri riɓet ɗee a shaar mu yil ɗiisi, ɓe wuri leshin ɗee a shaarlek kì̵ Naan mmi̶ni. 5Wu pan nee, po ɗi mo kì̵ ten ran ni ndi̶ghi̶n takarda kì̵ Naan, nin nɗee a buu aa? Ɗi mo ran nee: "Riin ɗi Naan wuri le ndi̶ghi̶n putughup fuu mo, ni gam ki̶ zughur hakyeng." 6Amma ɗiiret ɗi Naan wuri cín mmun, ni ɓal met kyaghar ɗiibish ɗi mo ndi̶ghi̶n putughup funu mo. Ni a kaaɗi mo kì̵ ten ran ndi̶ghi̶n takarda kì̵ Naan si nee: "Naan wuri kwar nyemroghop mo, amma wuri c`in ɗiiret nyem ɗi mo sham ki̶ káa furu mo." 7Mpeemi̶ni, wan ki̶n sat nwun nee, wu sham ki̶ káa fuu mo ntoghom kí̵ Naan. Wu kwar Shetan, ɓe wurin nsu yit wun ɗi. 8Wu j`i kus ki̶ Naan, ɓe Naan wurin nj`i kus ki̶ wun zak. Wu vwang sar fuu mo, wun nyemshikbish mo. Wun nyem ɗi wun ki̶ putughup mo vul-vul, wu pwat ki̶ mbii ɗiibish ɗi mo ndi̶ghi̶n putughup fuu mo, ku wu ɗee ɗi a ɗiiɓang. 9Ni ret ku wu kat putughup ɗiiwuwat, ki̶ wu wal mpee shikbish ɗi wuu ten wu c`in mo. Wu yit ku shwar fuu mo cighi̶r ɗee a maap, ki̶ retnyit fuu mo ɗee a mbii wat putughup. 10Wu sham ki̶ káa fuu mo ntoghom kì̵ Naan, ɓe wurin nɗiyeep wun zak. 11Ɗyemnaa fi̶na mo, taji wu katpo ɗiibish nkaa shak kas, koo a weye ɗi wurii katpo ɗiibish nkaa ɗyemni̶ghi̶n fi̶ri, koo tokɗiyeel nwuri, ɓe gwar mi̶nii kat po ɗiibish a nkaa waar ni. Ki̶ wurii ɗee a ngutokɗiyeel nkaa nwaar ni zak. Amma katɗang mee gurum tokɗiyeel waar ni, ɓe ba gwar mi̶ni c`in mbii ɗi waar ni sat kas, amma wuri leshin a ngutokɗiyeel mmi̶ni. 12A Naan mmi̶shin, ɗi wuri cín waar ngurum, ki̶ a wuri mmi̶shin, ɗi wurin ntokɗiyeel ngurum mo jir. A wuri a ɗi wuri ki̶ ɓal mpee ɓam gurum mo, ki̶ wuri ki̶ ɓál mpee le ku gurum mo muut zak. Wugha a weye ɗi aa tokɗiyeel ɗyemni̶ghi̶n fugha ye? 13Wu ki̶lingpo fi̶na, wun nyem ɗi wuu sat nee, "Daɗaar, koo ɓitsi, ɓe mun nyaghal mɓít-mɓít ku mu so ndi̶ghi̶n birni ɗiisí, ku mu hos ɓit ɗi, ku mu c`in nwor, ku mu kat shaghal ɗi." 14Amma wun shikáa fuu, ba wu man mbii ɗi nin nc`in daɗaar kas. Seen fuu ni a kaa me si ye? Seen fuu ni mo a kaa vuun si, ɗi ni j`i put, amma ndi̶ghi̶n rep pee lee, ɓe ni ɗel so lagham. 15Amma ni ret ku wu sat a nee, katɗang Naan riɓet ki̶, katɗang ɓe mun ɗi ki̶ seen, ɓe mun nc`in mbii ɗiisi, koo ɗiisí. 16Har yaksi, wuu sat a ɗiyeepkáa ɗak, ki̶ wuu sat a canjagham ɗak. Kiyeet kì̵ canjagham ɗiisi, ba ni ret kas koo diɓen. 17Koo a weye ɗi wuri man mbii ɗi ni ret ku wuri c`in, ɗang ba wuri c`in kas, ɓe ngo mi̶ni c`in a shikbish mmi̶ni.

will be added

X\