Jemis 3

1Ɗyemnaa mo, taji gurum mo ɗes mo ɗee a nyemkám mo kas. Wu man nee, ɗiyeel ɗi Naan wurin ntok ni mmun nyemkám mo, nin ntoghon met mu kaghar gurum mo. 2Mun jir muu ɗel ɗiki̶. Katɗang ba mee ngo ɗi wuri ɗel ɗiki̶ ndi̶ghi̶n katpo kas, ɓe gwar mi̶ni a ɗin ndi̶re, wuri mak yaashin ndi̶ghi̶n mbii mo jir. 3Wu pan shaghal bi̶ring ɗi muu lop ni mbi̶ring mo mpo. Katɗang mu riɓet ku mo c`in mbii ɗi muu riɓet, mu mak ɗul teng shaghal bi̶ring ni, mu so ki̶ ni mpee ɗi muu riɓet ku bi̶ring ni so ɗi. 4Wu naa jirgi am mo, koo ɗi mo ɗes zam, ɓe kut ɗiiɗes mak mang mo so ki̶ ni, amma jir ki̶si, ɓe ngutung ni wurii cighi̶r ki̶ ni a shi rep mee làa sitiyari so nkoghop ɗi wurii riɓet so ɗi. 5Ni aasi zak, liis ni a rep memee ndi̶ghi̶n ɓeep ɗi ni ndi̶ghi̶n sun funu mo, (ni ki̶ ɓal ndi̶ghi̶n seen kì̵ gurum) nii canjagham ɗiiɗes nkaa mbii mo. Wu man nee, a rep wus ɗiidiɓen ki̶ caan li̶ghi̶t ɗiiɗes. 6Liis funu ni a kaa wus si. Mbii ɗiibish moo tong a ɗi, mbii ɗiibish ɗiisi ni mo, mo mak mwaan so koo a pee ɗiiɗang ye ndi̶ghi̶n ɓeep funu mo, har ni wat gurum. Liis ni mak lewus lap, ɗi nin ncaan seen kì̵ gurum hakyeng. Yaghal nkaaɗi gurum ɗi a làa, har parmuut fi̶ri, har so nluwus ɗi Naan kì̵ ɗak ni mpee nyemshikbish mo. 7Gurum ki̶ mak yaa koo a luwayil ɗiiɗang ye, ku ni j`i ɗee kaa longlu si, har koo a ny`er mo, ki̶ luwa ɗi moo mwaan shii ɓut mo, ki̶ luwa ɗi mo ndi̶ghi̶n am mo. Luwa mo jir, ɓe gurum kì̵ ten le mo ɗee nder fi̶ri. 8Amma ba mee gurum ki̶ kyam fwang liis kas. Ni a mee mbii ɗiibish ɗi pi̶der cíi yaa nyil ni. Ni gam ki̶ yen ɗi ni a mu muut. 9Muu c`in ɗak ki̶ liis, mpeku mu kwoop Naan ɗi wuri a Daa, ki̶ puun funu, ki̶ zak muu waa mu cighi̶r mu satpo ɗiibuu nkaa gurum mo kaa mun si a shii liis. Gurum ɗi Naan wuri le mo kaa shin fi̶ri si. 10Po mu kwoop, ki̶ po mu kàss, moo pwat a ndi̶ghi̶n po ɗiimi̶ndong. Ɗyemnaa mo, mbii kaa ɗiisi si, ba ni ret kas. 11Ba am ɗiiɗeet ki̶ ɗiishang mon mmak put a mɓut tuɓut ɗiimi̶ndong kas. 12Ɗyemnaa mo, ba tingkoon nkyam làa-làa kì̵ paat kas, ki̶ zak, ba nin mmak c`in ku mo kat am ɗiiret ndi̶ghi̶n tughun ɗiimi̶ndong ashak ki̶ am ɗiibish kas. 13A we a ngo ɗi wuri ki̶ seen, ki̶ wuri man mbii mo ndi̶ghi̶n wun ye? Ɓe ni ret ku wuri kám ni agaak shi mwaan fi̶ri ɗiiret, ki̶ shi ɗak fi̶ri ɗiiret mo, ɗi wuri c`in mo ndi̶ghi̶n seen, ki̶ sham ki̶ káa fi̶ri zak. 14Amma katɗang putughup fuu mo gam aa zughur ɗiiɗeet, ki̶ riɓetkáa, ɓe ba ni ret ku wu canjagham, ki̶ wu c`in ɗung nkaa zeen ni kas. 15Kiyeet kì̵ seen ɗi nii c`in mbii ɗiisi mo, ɓe ba ni tong a pe Naan sham ɗi kas, amma ni amu yil ɗiisi. Ba Riin kì̵ Naan ɗi ndi̶ghi̶n ni kas, amma ni put a pu Shetan j`i ɗi. 16Koo a pee ɗiiɗang ye, ɗi zughur, ki̶ riɓetkáa mo ɗi, ɓe ɓwanbish, ki̶ watpee, ki̶ mbii ɗiibish mo jir moo tong a mpeemi̶ni. 17Amma gwar ɗi wuri ki̶ seen ɗi ni tong a pe Naan sham ɗi, ɗin nshee ni, ɓe gwar ni a ɗin ndi̶re, ki̶ nii j`i ki̶ tongriyang, nii le ku gurum mo c`in mbii ndi̶ghi̶n ɗyen ɗiiret, ba nii le gurum mo ɗee a nyemciishik mo kas. Nii le gwar mi̶ni ɗee a ngu tap kì̵ niyee mo, ki̶ shidaar-shidaar ɓe wurii naa nc`in ɗak ɗiiret mo, nniyee mo. Putughup kì̵ ngo mi̶ni, ba nin nkyam cighi̶r kas, ki̶ zak, ba wurii c`in ɗung ngurum mo kas. 18Ɗiiret, a ni a mbii ɗi nyem ɗi moo kop cirem mu tongriyang ndi̶ghi̶n putughup kì̵ gurum mo, mon nɗiip ni.

will be added

X\