Hiburu 7

1Gyet Malkizaɗek wuri a mishkagham mu yil nSalem. Pris mu Naan Ɗiihai. Gyet wuri taakáat kì̵ Abraham, aɓwoon ɗi Abraham kì̵ waa ntwa mishkagham mo. Gyet wuri le ɗiiret nkaa Abraham. 2Ki̶ zak, gyet Abraham cín mMalkizaɗek, mi̶ndong mɓut kaghapaat mu mbii mo jir, ɗi wuri kì̵ se mo a peelek ni. Malkizaɗek, shii kì̵ sum fi̶ri ɗin nshee ni a mishkagham ɗin ndi̶re-ndi̶re, ki̶ zak, shii kì̵ mishkagham Salem ni a mishkagham tongriyang. 3Ba wuri ki̶ puun koo ni̶ghi̶n kas. Ba wuri ki̶ peeput kas, ki̶ ba wuri ki̶ puuslàa kas, koo parpuus ɗi wuri muut ɗi kas, wuri a kaa Làa kì̵ Naan ɗi wuri ɗee a Pris har ngaa-ngaa si. 4Kai! Wu naa ɗiiɗes fi̶ri ni, har gyet Abraham puun kì̵ puun funu mo, wuri cín mi̶ndong mɓut kaghapaat kì̵ mbii ɗi gyet wuri se mo a peelek ni mMalkizaɗek. 5Dang kì̵ Livai ɗi moo ɗee a pris mo, ɓe Waar ni sat nee, mo mak kyak mi̶ndong mɓut kaghapaat mu long kì̵ nyem Isreil mo, koo ɗi ɗyemni̶ghi̶n furu ni mo a jep mu dang kì̵ Abraham. 6Amma gwar ɗiisi, ba wuri a dang kì̵ Livai kas, amma jir ki̶si, ɓe gyet wuri lap mi̶ndong mɓut kaghapaat pu Abraham ki̶ har wuri le ɗiiret nkaa Abraham, ɗi gyet Naan kì̵ ten tuwoorpo nwuri. 7Ba nii mee kyetwa kas, mpeeɗi a gwar ɗiiɗes ki̶ le ɗiiret nkaa gwar ɗiilee. 8Amma mmee koghop, ɓe gyet a gurum wurii lap mi̶ndong mɓut kaghapaat ni, a wuri a gwar ɗi mo kì̵ ten c`in langting nee, wuri a ɗiiseen. 9Gurum mak sat nee, koo a Livai wuri shikáa fi̶ri, ɗi wurii kyak mi̶ndong mɓut kaghapaat, ɓe gyet wuri kwat mi̶ndong mɓut kaghapaat ndi̶ghi̶n Abraham. 10Mpeeɗi, kaaɗi Malkizaɗek kaat kì̵ Abraham si, ɓe ba gyet mo kì̵ làa Livai kas. 11Katɗang ɗi gurum mak ɗee a ɗin ndi̶re-ndi̶re ndi̶ghi̶n ɗak kì̵ pris mu Livai mo, mpeeɗi gyet a mpeemi̶ni, ɗangɓe Naan cín Waar nin ngurum mo, ɓe ɗi ba ni ki̶ mee koghop ni kas, ku mee pris kaa Malkizaɗek si waa baaj`i ɗi ɗik zak kas. Ɓe ɗi pris wurin nj`i a kaa Eron si. 12Katɗang mo cighi̶r ki̶ Waar ni, ɓe ni a ting ku mo cighi̶r ki̶ dang kì̵ pris ni mo zak. 13Gwar ɗi mo sat mbii ɗiisi mo nkaa wuri, wuri a mu dang ɗiiɗik ki̶ mu pris ni mo, ki̶ ba mee gurum ndi̶ghi̶n dang mi̶ni, kì̵ kyam c`in ɗak a pee wus mbiizughum kas. 14Ni a mbii ɗiimi̶man ngurum mo jir, nee, Daa funu wuri sham a ndi̶ghi̶n dang kì̵ Juda. Ba Mosis sat mee mbii nkaa pris mo ndi̶ghi̶n dang ɗiisi kas. 15Mbii ɗi mu sat ni fes ɗee agaak ki̶n ndi̶ng-ndi̶ng, kaaɗi mee pris kaa Malkizaɗek si j`i put. 16Wuri ɗee a pris, ba ne, a mpee Waar mu dang mu peeput fi̶ri kaa gurum si kas, amma wuri ɗee a pris a ndi̶ghi̶n ɓal ki̶ iiko mu seen ɗi ba gurum mak tu ni kas. 17Mo kì̵ c`in langting nkaa wuri nee, "Wugha ɗee a Pris har ngaa-ngaa, ndangshii kì̵ Malkizaɗek si." 18mMee koghop ɓe, moo baa ki̶ Waar ɗiisi̶ghi̶r aku, mpeeɗi ba ni kuɗi ki̶ mee ɓal, koo koghop ni kas. 19Ki̶ zak, ba Waar ni kyam le mee mbii ɗee a ɗin ndi̶re-ndi̶re kas. Amma yaksi, ɓe mo j`i put ki̶ mee canciin ɗiiret met, a shi canciin ɗiisi ni, ɓe muu baaj`i kus ki̶ Naan. 20Ba ni j`i put a nɗin pose Naan shee ɓi̶lemcuk kas. Ba gyet Naan ɓi̶lemcuk akuɗang pak mo ɗee a pris kas. 21Amma Jesu ɗee a Pris shi tuwoorpo ɗi Naan sat nwuri nee: "Daa wuri kì̵ ɓi̶lemcuk ki̶ ba wurin nkyam cighi̶r ki̶ pan fi̶ri kas, wugha ɗee a Pris har ngaa-ngaa." 22A mpee ɓi̶lemcuk ɗiisi, ɓe Jesu ɗar a kaa langting mu ɓi̶lemcuk shi toghom ɗiiret met si. 23Pris ɗi gyet yam ni mo ɗes, amma mpee muut, ɓe ba gyet mo mak sekiyeen ki̶ ɗak ni kas. 24Amma Jesu wurii c`in ɗak mu Pris ni har vit, mpeeɗi wuri ki̶ seen har ngaa-ngaa. 25Mpeemi̶ni, ɓe wurii mak ɓam nyem ɗi moo j`i pe Naan ɗi ndi̶ghi̶n wuri, mpeeɗi wuri ɗi koo pi̶rang ye, mpeku wuri ɗang ɗi pu Naan mpee mo. 26Ni a ndi̶re, Jesu wuri a Pris funu ɗiiɗes, ɗi wuri mak ɓam mun. A wuri a ɗiiɓang, ki̶ ba wuri ki̶ mee shikbish kas. Wuri a ngo ɗin ndi̶re. Ngo ɗi mo ɓàk wuri ki̶ nyem shikbish mo. Mo ɗiyeep wuri kàa, met nyem ɗin ndi̶ghi̶n ɗengnaan mo jir. 27Ba nii mee koghop ni, ku wuri wus mbiizughum nshee mpee shin shidaar-shidaar kaa pris ɗiiyam mo si kas, ki̶ ba nii koghop ni, ku wuri wus mbiizughum shidaar-shidaar, mpee shikbish kì̵ gurum mo kas. Wuri kì̵ ten cín mbiizughum ni mpee shikbish ni yit mi̶ndong mpee gurum mo jir, kaaɗi wuri cín shin kaa mbiizughum si. 28Waar kì̵ Mosis ni bi̶lip a gurum ɗi ba mo a ɗin ndi̶re-ndi̶re ki̶n ndi̶ng-ndi̶ng kas, mpeku mo ɗee ɗi a pris ɗiiɗes mo, amma po ɗi Naan kì̵ ten tuwoor ni, ki̶ ɓi̶lemcuk fi̶ri ɗi ni j`i aɓwoon kì̵ Waar ni, ni bi̶lip Làa kì̵ Naan ɗi mo kì̵ ten le wuri ɗee a ɗin ndi̶re-ndi̶re har ngaa-ngaa.

will be added

X\