Hiburu 6

1Mpeemi̶ni, ɓe mu yit rep kám ɗin nshee si mo nkaa Kristi, ku mu sekiyeen ɗi kaa nyemnan mo si. Taji mu ba mu ɗee nkám kuk mu tuwap mɓut ɗak ɗi moo so ki̶ mun a peemúut kas, amma mu cínzeen nNaan. 2Ki̶ ba mun nwaa mu shee yaa yakshii nwun nkaa kám mu vwang mbii mo, ki̶ nkaa lesar nkaa gurum mo, ki̶ nkaa yaghal a peemúut mu nyem ɗi mo kì̵ murap mo, ki̶ nkaa tokɗiyeel ɗiiso ngaa-ngaa kas. 3Wu yit, ku mu sekiyeen, katɗang Naan wuri riɓet. 4Ba nin nkyam c`in kas, pe nyem ɗi mo kyam naa peeɓang kì̵ Naan, har mo kyam shang kì̵ zughum mu ɗengnaan, ki̶ mo lap koghop muɗu ndi̶ghi̶n Riin Ɗiiɓang ni kas. 5Nyem ɗi mo kyam shang kì̵ ɗiiret mu po kì̵ Naan, ki̶ iiko mu ɓit ɗin ndung j`i akiyeen. 6Katɗang mo taa pal, ɓe ba nin nkyam c`in, mpeku mo baaj`i ku mo tuwap ɗi zak kas mpeeɗi mo a nkaa pwas Làa kì̵ Naan nkaa shiyeepyoghom ɗiki̶ zak, ki̶ mo fes le wuri a mbii shwar ngurum mo. 7A Naan wurii le ɗiiret nkaa yil ɗi nii shwaa fwan ɗi ni taa nkaa ni, har ni le ku mbii moo kàa, ɗi mo ki̶ koghop ni, mpee nyem ɗi moo sak yil ni mpee mo. 8Amma katɗang yil ni tap le a hi̶r mo, ki̶ ɗem mo kàa ɓejee ɗak, ɓe ba ni ki̶ koghop ni kas, ki̶ pee ni wul ɗi yak Naan wurin nfulup ni. A peekyes ni ɓe mon ncaan ni. 9Shaar fi̶na mo, koo ɗi muu katpo ki̶si, ɓe muu ki̶kkáa funu mo azeen-nzeen nkaa wun nee, wun mmwaan a ar ɗiiret ni, mpeku wu kat bar ɗi. 10Naan cín mbii ɗiiret nkoo a weye. Mpeemi̶ni ɓe, ba wuri mander nɗak fuu, ki̶ wal fuu mpee wuri kas, kaaɗi gyet wu ɓam nyem fi̶ri mo, ki̶ ɗi wun nkaa ɓam mo si. 11Muu riɓet ku koo a weye ndi̶ghi̶n wun, ɓe wuri sekiyeen ki̶ gung ndi̶ghi̶n mi̶se mi̶ni, har so wul peekyes kì̵ ni, mpeku wu le canciin fuu ni ɗee ɗi azeen-nzeen. 12Ba mu riɓet ku wu ɗee a seer mo kas, amma wu mwaan ndi̶ghi̶n shiimwaan kì̵ das ɗi gyet a mpee cínzeen furu, ki̶ gung furu, ɓe mo sekop kì̵ mbii ɗi Naan wuri kì̵ ten tuwoor ni. 13Gyet kaaɗi, Naan tuwoorpo Abraham, ɓe ba gyet mee ngo waa ɗes met nwuri, ɗi gyet wurin ɓi̶lemcuk ɗishik kas. Mpeemi̶ni ɓe gyet wuri bi̶lemcuk ni a nkaa káa fi̶ri. 14Naan sat nee, "Azeen-nzeen, wan nle ɗiiret nkaa wugha, ki̶ wan ncín dang mo nwugha ɗes." 15Aɓwoon ɗi Abraham gung shi gongpee, ɓe wuri yaghal lap mbii ɗi Naan wuri kì̵ ten tuwoor ni. 16Gurum moo ɓi̶lemcuk a ndi̶ghi̶n sum ki̶ mee ngo ɗiiɗes met mo, ki̶ ɓi̶lemcuk nii ɓák ɓeetshik nnaar kì̵ gurum mo. 17Gyet Naan riɓet le ni ɗee agaak, mpee nyem ɗi gyet mo lap mbii ɗi wuri kì̵ ten tuwoor ni, nee, ba wuɗin nkyam cighi̶r po, mpee mbii ɗi wuɗi kì̵ sat ni kas. Mpeemi̶ni ɓe, gyet wuri le waa ɓi̶lemcuk ɗiki̶ nkaa po ɗi wuri kì̵ tuwoor ni. 18Mbii mo ɗi vul, ɗi ba mo mak sheeɗi kas. Ba Naan nkyam c`in ɗung kas. Mun ɗi muu su so kat peesok sun pe wuri ɗi, mpeku mu yaa canciin ɗi wuri cín mun ɗi ɓal-ɓal. 19Mpeku mu ɗee ɗi, ɗiicicaa hakyeng. Mun ki̶ canciin ɗiisi, ni yaa mun ɓal-ɓal kaa angko ɗi nii yaa seen funu mo si. A mpee canciin ɗiisi ni, ɓe mun nɗel ndi̶ghi̶n peeɗi Naan wuri ɗi. Muu ɗel fuwaat ɗi nii paapee, ndi̶ghi̶n Lu kì̵ Naan ɗiiɓang ni. 20A Jesu shee ɗel ndi̶ghi̶n peemi̶ni akiyeen funu, ki̶ wuri ɗel mpee mi̶ni a koppee funu. Jesu ɗee a Pris ɗiiɗes met jir har ngaa-ngaa ndangshii kì̵ Malkizaɗek si.

will be added

X\