Hiburu 5

1Koo a pris ɗiiɗes ɗiiɗang ye, ɓe moo bi̶lip wuri a mɓut ngurum mo, ki̶ moo le wuri ɗee a nguar furu nkaa mbii ɗi mo ɓàl gurum kì̵ Naan, kaa cín mbiizughum, ki̶ wus mbiizughum mo mpee shikbish kì̵ gurum ni mo. 2Wuri mak fwang nyem ɗi ba mo man mee mbii kas, ɗi mo nkaa so a ar lagham, ki̶ put ndi̶ghi̶n ɗyen, mpeeɗi wuri a ɗiiki̶kat ndi̶ghi̶n koo a ar ɗiiɗang ye si. 3A mpeemi̶ni, ɓe wuri ki̶ wus mbiizughum mpee shikbish fi̶ri, ki̶ mpee shikbish kì̵ gurum mo. 4Ba mee ngo mak bi̶lip shin mpee lap ɗiiɗes mu ɗak ɗiisi ni kas, amma a Naan ki̶ pet gurum mpee ɗak ɗiisi, kaaɗi gyet wuri pet Eron si. 5Ni aasi zak, ba gyet Kristi wuri ɗiyeepkáa fi̶ri mpee lap ɗiiɗes mu ɗee a Pris ɗiiɗes ni kas, amma a Naan bi̶lip wuri, ɗi wuri sat nee: "Wugha a Làa fi̶na, cicinsi ɓe wan ki̶n ɗee a puun fugha." 6Wuri waa baa sat mmeepee zak nee: "Wugha a Pris har ngaa-ngaa ndangshii kì̵ Malkizaɗek si." 7Kaaɗi, gyet Jesu wuri kuɗi ndi̶ghi̶n yil ɗiisi, ɓe gyet wuri kì̵ c`in aduwa ki̶ ɗang mo, shi ɗoo ɗiiɓal, ki̶ yitmwaan pe Naan ɗi, ku Naan ɓam wuri ɗi nsar kì̵ muut. Mpeeɗi gyet wuri sham ki̶ káa fi̶ri, ki̶ cín shin, shi putughup ɗiimi̶ndong, ɓe gyet Naan ki̶ling wuri. 8Koo ɗi gyet wuri a Làa kì̵ Naan, ɓe gyet wuri kám cín ɗyen, a ndi̶ghi̶n shwaajeel. 9A ɓwoon ɗi mo le wuri ɗee a ɗin ndi̶re-ndi̶re, ɓe wuri ɗee a kuk mu ɓam ɗiiso ngaa-ngaa mpee nyem ɗi mo c`in mbii ɗi wuri sat mmo. 10A Naan pet wuri, ku wuri ɗee a Pris ɗiiɗes ndangshii kì̵ Malkizaɗek si. 11Mun ki̶ mbii mo ɗes mpee sat nkaa po ɗiisi ni, amma ni luk, mpeku mu yakshii ni nwun, mpeeɗi wun ki̶ mpee manshii kì̵ mbii zam. 12Katɗang ɗi a mbii, ɓe ɗi wuu ɗee a nyemkám mo yaksi. Amma har yaksi, ɓe wuu riɓet ku mee gurum baa kám nwun rep kám ɗin nshee mo, nkaa shii kì̵ zeen mu po kì̵ Naan ni zak. Katɗang ɗi a mbii, ɓe ɗi wuu se a gwom yaksi, ba ɗi wu kuɗi wuu shwaa a wur kas. 13Koo a weye, ɗi wurii shwaa a wur ɓejee ɗak, ɓe gwar mi̶ni kuɗi aa laanjuu. Ba gwar mi̶ni kì̵ manshii mu kám nkaa mbii ɗiiret ki̶ ɗiiɓish kas. 14Amma gwom ni a mpee nyemnan mo, nyem ɗi moo kar ɗyen furu mo shidaar-shidaar, shi mbii ɗi moo c`in mo, har mo mak ɓàk yit mbii ɗiiret ki̶ ɗiibish.

will be added

X\