Hiburu 3

1Mpeemi̶ni, ɗyemnaa ɗiiɓang mo, ɗi Naan wuri kì̵ pi̶rep wun shi petpee ɗi ni a mu ɗengnaan. Wu lepan fuu mo nkaa Jesu Ngulop, kì̵ Pris ɗiiɗes ɗi Naan wuri lop, ɗi muu cínzeen nwuri. 2Gyet Jesu c`in ɗak mu Naan ɗi wuri bi̶lip wuri ndi̶re-ndi̶re kaa gyet Mosis c`in ɗak ndi̶re-ndi̶re ndi̶ghi̶n Lu kì̵ Naan jir si. 3Gyet mo kat Jesu wuri ki̶ koghop mu mak lap ɗiiɗes met Mosis. Kaaɗi nguɗik lu ki̶ koghop mu mak lap ɗiiɗes met nlu ni si. 4Koo a lu ɗiiɗang ye, ɓe a mee gurum ɗik ni, amma a Naan wuri ɗik mbii mo jir. 5Gyet Mosis c`in ɗak ndi̶re-ndi̶re kaa ki̶rom si, ndi̶ghi̶n Lu kì̵ Naan jir. Ɗak kì̵ Mosis ni ɗee a langting kì̵ mbii ɗi Naan kì̵ ten sat ne mon nc`in akiyeen. 6Amma Kristi wuri c`in ɗak ndi̶re-ndi̶re kaa laalu ɗiimish si, nkaa Lu kì̵ Naan jir. Mun a jeplu fi̶ri mo, katɗang muu gung, ki̶ mu ki̶kkáa funu mo, ki̶ muu canciin nkaa mbii ɗi muu leyit ɗiki̶. 7Mpeemi̶ni, kaaɗi Riin Ɗiiɓang wuri sat si nee: "Katɗang wu ki̶ling ɗoo kì̵ Naan cicinsi, 8ɓe taji wu shaghat putughup fuu mo, kaaɗi gyet wu c`in tawai a naar yil, ntiit ki̶ ɗi gyet mo kyam wun a naar yil ni si kas. 9Mpeeɗi gyet puun fuu mo naa nkyam wan, gyet mpee ɓit mo laarfeer, ɓe wu naa ɗak fi̶na mo. 10A mpeemi̶ni, ɓe gyet wan cín tughup ki̶ gàngkàa mi̶ni mo, ki̶ gyet wan sat nee, putughup furu ni moo mwaan a ar ɗin nkan, ki̶ ba mo man ar fi̶na ni kas. 11Mpeemi̶ni, ɓe gyet wan tuwoorpo ndi̶ghi̶n wat kì̵ putughup fi̶na nee, ba mon nkyam ɗel ndi̶ghi̶n pee nookɗi fi̶na kas." 12Wu tap! Ɗyemnaa mo, mpeku taji mee fuu c`in mee mbii ɗiibish, koo putughup ɗi ni kwar cínzeen, ɗi ni le ku, wu taa wu mer a ar kì̵ Naan ɗi wuri ki̶ seen kas. 13Amma wu ɓamshak shidaar-shidaar, har katɗang mo pet puus ɗiisi a cicinsi, mpeku taji numpee kì̵ shikbish ni le ku memee fuu shaghat putughup fi̶ri kas. 14Mpeeɗi mu ɗee a ɗiimi̶ndong kì̵ Kristi ndi̶ghi̶n mbii ɗi mo amu wuri, katɗang mu yaa ɓal-ɓal har a peekyes ni, peeki̶k funu ɗi mun ki̶ ni nshee si. 15Mo kì̵ sat nee: "Katɗang wu ki̶ling ɗoo kì̵ Naan cicinsi, ɓe taji wu shaghat putughup fuu mo kas, kaaɗi gyet wu c`in tawai si." 16Gyet a we mo ki̶lingpo kì̵ Naan ɗang mo c`in tawai ye. Ba gyet a nyem ɗi Mosis pwat ki̶ mo nyil Ijip kas aa? 17Gyet Naan langtughup aa we mo, mpee ɓit mo laarfeer ye? Ba gyet a nyem ɗi, gyet mo c`in shikbish, ki̶ mo murap a naar yil si kas aa? 18Gyet Naan tuwoorpo shi toghom a mpee nyem ɗi gyet mo kwar c`in ɗyen fi̶ri ne, "Ba mon nkyam ɗel ndi̶ghi̶n pee nookɗi fi̶ri kas." 19Mpeemi̶ni, ɓe mu naa nee, gyet ba mo mak ɗel ndi̶ghi̶n pee nookɗi ni kas, a mpeeɗi ba gyet mo cínzeen kas.

will be added

X\