Hiburu 2

1Mpeemi̶ni ɓe, mu leɗyen hakyeng, nkaa mbii ɗi muu ten mu ki̶ling, mpeku taji ar ni lagham mun. 2Katɗang po ɗi gyet nyemlop kì̵ Naan mo sat ni azeen-nzeen, ki̶ katɗang gyet mee gurum tep memee, ɓe gwar mi̶ni nlap kwat ɗi ni ntiit ki̶ Waar ɗi gwar mi̶ni tep ni. 3Ɓe cirang ɗang mun nkat seen ɗi ye? Katɗang mu toklong mɓam ɗiiɗes niye? A Daa wuri shikáa fi̶ri, wuri shee satpo ni mmun, ɗangɓe nyem ɗi gyet mo ki̶ling wuri, mo c`in langting nee, ni azeen-nzeen. 4Naan wuri shikáa fi̶ri, wuri c`in langting nkaa po ni shi alama mo, ki̶ mbii aapo mo shini-shini, ki̶ shi zughum mu Riin Ɗiiɓang, ɗi wuri cín ngurum mo ntiit-ntiit ki̶ ɗyen fi̶ri. 5Ba gyet Naan le a nyemlop fi̶ri mo, mpeku mo se mulki ɗi nkaa yil ɗi nin ndung j`i kas. Mbii ɗi mun nkaa katpo nkaa ni si. 6Amma ni a kaaɗi mee gurum kì̵ cín langting ndi̶ghi̶n takarda kì̵ Naan si nee: "Gurum a meye, har ɗi wugha mpan wuri ye? Koo làa kì̵ gurum a meye, har ɗi wugha nfwang wuri ye? 7Wugha le nyemlop fugha mo met nwuri a mpee rep pee lee ɗak. Wugha cín ɗiiɗes nwuri ki̶ ɗiihai. 8Ki̶ wugha le mbii mo jir a nder fi̶ri. Ba mee mbii ɗi, ɗi Naan nook le ni nder fi̶ri kas." Amma jir ki̶si, yaksi, ɓe ba muu naa mbii mo jir, nder fi̶ri kas. 9Amma yaksi, ɓe muu naa Jesu Kristi, ɗi gyet Naan le nyemlop fi̶ri mo met nwuri mpee rep pee lee ɗak si. Yaksi mo cín ɗiiɗes nwuri ki̶ ɗiihai. Mpeeɗi gyet wuri shwaajeel mu muut, mpeku ndi̶ghi̶n yit naajeel kì̵ Naan, ɓe wuri kyam muut ɗi mpee gurum mo jir. 10Ni a ndi̶re, mpeku Naan ɗi wuri le mbii mo ɗi jir, ki̶ ɗi wurii tap ki̶ mo jir, wuri le Jesu Kristi ɗee a Nguti̶leng mu ɓam funu, shi shwaajeel, mpeku wuri j`i ki̶ gurum mo ɗes ndi̶ghi̶n ɗiiɗes fi̶ri. 11A wurii le gurum mo ɗee a ɗiiɓang nyit kì̵ Naan ki̶ nyem ɗi wuri le mo ɗee a ɗiiɓang ni, ki̶ peeput ni a mi̶ndong. A mpeemi̶ni, ɓe ba naashoop yaa wuri mpee pet mo a ɗyemni̶ghi̶n fi̶ri mo kas. 12Wuri sat nee: "Wan sat sum fugha nɗyemni̶ghi̶n fi̶na mo, ndi̶ghi̶n kuur kì̵ nyem fugha mo, ɓe wan c`in kook mu kwoop wugha." 13Ki̶ zak nee: "Wan cínzeen a ndi̶ghi̶n wugha." Wuri sat zak nee: "A naa wan si, ashak ki̶ nyem ɗi Naan wuri kì̵ cín mo nwan." 14Kaaɗi jep ni mo ki̶ nan ki̶ toghom, ɓe wuri shikáa fi̶ri, wuri sham kì̵ kaa fi̶ri kaa mo si, mpeku shi muut fi̶ri, ɓe wuri tu gwar ɗi wurii iiko mu muut ɗi, shii kì̵ mi̶ni nee, ku wuri tu Shetan ɗi. 15Mpeku wuri fwoon nyem ɗi pugyet ndi̶ghi̶n seen furu, ɓe mo ɗee a ki̶rom mo, mpee ki̶i̶rmuut mu muut. 16Azeen-nzeen ba a nyemlop kì̵ Naan mo, a nyem ɗi wurii ɓam mo kas, amma wuri ɓam a dang mu Abraham mo. 17A mpeemi̶ni, ɓe mo le wuri ɗee kaa ɗyemni̶ghi̶n fi̶ri mo si, ndi̶ghi̶n koo a ar ɗiiɗang ye, mpeku wuri ɗee ɗi a ngu naajeel, ki̶ a wuri a pris ɗiiɗes azeen-nzeen ndi̶ghi̶n ɗak kì̵ Naan. Ki̶ zak, mpeku wuri cín mbiizughum ɗi ni a mu fwo shikbish kì̵ gurum mo ɗi. 18Wuri shikáa fi̶ri, gyet wuri shwaajeel. Kaaɗi gyet mo kyam wuri si, ɓe yaksi wurii mak ɓam nyem ɗi moo kyam mo mɓut njwaan zak.

will be added

X\