Hiburu 13

1Wu sekiyeen ki̶ wal nshak, kaa ɗyemni̶ghi̶n mo si. 2Taji wu nook c`in ɗiiret mmi̶zep mo kas. A mpee c`in ɗiiret mmi̶zep mo, ɓe gyet pak mo kì̵ lap nyemlop kì̵ Naan mo le nlu furu mo, nɗin mman. 3Taji wu mander nyem ɗi mon ndi̶ghi̶n lushaghat mo kas, amma wu pan mo, kaa a wuwun ɗi nlushaghat ni si. Wu pan nyem ɗi mo nkaa shwaajeel, kaa a wuwun nkaa shwaajeel ni si. 4Koo a weye, ɓe wuri cín ɗiiɗes nɗik. Mat mo ki̶ mish mo, ɓe ni ret ku mo ɗee a nyemsat zeen nshak. Naan wurin ntokɗiyeel nyemɗiibish mo, ki̶ nyem c`in ngaa mo. 5Taji tong fuu ni fes ɗee a mu wal nshaghal kas. Wu c`in retnyit ki̶ mbii ɗi wun ki̶ni. Mpeeɗi Naan wuri kì̵ ten sat nee, "Ba wan nkyam yit wun kas, ki̶ ba wan nkyam vwet wun kas zak." 6Mpeemi̶ni, ɓe wu yit ku mu kat ɓal mputughup, ku mu sat nee: "Daa wuri a nguɓam fi̶na, ba ki̶i̶rmuut nyaa wan kas, ki̶ gurum mak c`in a me wan ye?" 7Wu pan nyem ti̶leng fuu ɗiiyam mo, ɗi gyet mo satpo Naan nwun. Wu naa peekyes kì̵ tong furu, ɓe ni ret ku wu kám shiimwaan furu mo, ki̶ cínzeen furu ni zak. 8Jesu Kristi wuri a ɗiimi̶ndong, doghon-doghon, ki̶ cicín, ki̶ daɗaar, ki̶ har ngaa-ngaa. 9Taji wu le ku kám ɗiibuu-buu mo mang wun so ki̶ ni a ar ɗiibish kas. Ni ret ku mu caa putughup funu mo, a shi ɗiiret kì̵ Naan. Ba a shi tang waar mo nkaa mbiise mo kas. Nyem ɗi moo tap ki̶ waar ɗiisi ni mo, ɓe ba waar ni mon mmak ɓam mo kas, koo ɗiɓen. 10Mun ki̶ peewus mbiizughum ni ɗi, ɗi nyem ɗi moo c`in ɗak ndi̶ghi̶n tent ni, ɓe ba mo mak se mbiise ɗi kas. 11Pris ɗiiɗes met ni, wurii mang a toghom ki̶ long ni mo ɗel ki̶ni ndi̶ghi̶n pee ɗiiɓang met jir ni, kaa mbiizughum mu shikbish si, amma moo wus luwa mu long ni mɓwoon kì̵ tent ni. 12A mpeemi̶ni, ɓe Jesu shwaajeel a mɓwoon ki̶ ki̶pang mu fwang ki̶ yil ni, mpeku wuri vwang nyem fi̶ri mo ɗee ɗi a ɗiiɓang shi toghom fi̶ri. 13Mpeemi̶ni, wu yit ku mu so pe wuri ɗi mɓwoon tent ni, ku mu shwaa pak jeel ɗi wuri shwaa ni ɗi. 14Ba mun ki̶ mee birni, ɗi nin ntong ɗi vit ndi̶ghi̶n yil ɗiisi kas, amma muu leyit a nkaa tulu ɗi ni ndung j`i. 15Wu yit ku koo a pi̶rang ye, ɓe mu kwoop Naan kaa mbiizughum ɗi muu cín nwuri ndi̶ghi̶n Jesu. Ɗiisi ni a zughum ɗi muu cín nwuri shi po funu mo, ɗi mun nsat nee, a wuri a Daa. 16Taji wu mander c`in mbii ɗiiret mo, ki̶ ɓamshak kas, mpeeɗi zughum mi̶ni moo shang nNaan nyit zam. 17Wu ki̶lingpo kì̵ nyemti̶leng fuu mo, ki̶ wu c`in mbii ɗi mo sat ne, wu c`in ni mo. Mpeeɗi moo tap ki̶ seen fuu mo, ki̶ zak, ni a ting ku mu sat mbii ɗi mo kì̵ ten c`in mo ntoghom kì̵ Naan. Katɗang wu ki̶lingpo furu, ɓe mon nc`in ɗak furu ni shi retnyit. Katɗang ba aasi kas, ɓe mon nc`in ni a shi kyakpo, ɓe ba mi̶ni ɗee ki̶ mee koghop ni pe wun ɗi kas. 18Wu c`in aduwa mpee mun shidaar-shidaar. Mu man azeen-nzeen nee, ba mee mbii ɗiibish ndi̶ghi̶n pan funu mo kas, mpeeɗi muu riɓet c`in a mbii ɗiiret koo pi̶rang ye. 19Wan ki̶n ɗang pe wun, ku wu c`in aduwa mpee wan, mpeku Naan lop wan baaso pe wun ɗi. 20Yaksi Naan ɗi wurii j`i ki̶ tongriyang, ɗi wuri baa yaghal ki̶ Daa Jesu a peemúut, ɗi a wuri a ngukiyeer tum ɗiiɗes si, ki̶ shi ɓi̶lemcuk shi toghom ɗiiso ngaa-ngaa si. 21Wuri gam wun ki̶ koo a ɗak ɗiiret ɗiiɗang ye, mpeku wu c`in ɗyen fi̶ri ɗi ndi̶ghi̶n tong fuu mo, ndi̶ghi̶n sum kì̵ Jesu Kristi. Ɗiiɗes a mu wuri har ngaa-ngaa. Amin. 22Ɗyemnaa mo, wan ki̶n ɗang pe wun, ku wu gung, ku wu ki̶lingpo ɗii mu caapee si ɗi, mpeeɗi wasika ɗi wan ran nwun ɗiisi ni, ba ni a mee ɗiishwal kas. 23Wan ki̶n riɓet ku wu man nee, mo kì̵ ɓwot ɗyemni̶ghi̶n funu Timoti. Mun nnaa wun ashak ki̶ wuri, katɗang wurin nj`i ki̶lak. 24Wu tok ki̶ nyemti̶leng fuu mo jir, ki̶ nyem kì̵ Naan mo jir zak. Nyem kì̵ Naan ɗi mo nyil Itali moo lop tokshik furu nwun zak. 25Ɗiiret mu yit naajeel kì̵ Naan tong ashak ki̶ wun jir. Amin.

will be added

X\