Hiburu 10

1Waar ni a muriin kì̵ mbii ɗiiret, ɗi mon ndung j`i. Ba a mbii ni mo shikáa furu kas. Moo wus mbiizughum mo ɗiki̶-ɗiki̶ har ngaa-ngaa shiɓit-shiɓit. Ɓe cirang ɗang Waar shi wus mbiizughum ɗiisi mo, mo mak le nyem ɗi mo j`i kus kì̵ Naan mon nɗee a ɗin ndi̶re mo ye? 2Katɗang ɗi nyem ɗi mon nseyil nNaan, mo ɗee a nyem ɗi mo vwang mo ɓang-ɓang mɓut shikbish furu mo, ɓe ɗi ba mo kuɗi ki̶ kat wat putughup mpee shikbish furu mo kas, ɓe ɗi moo nook wus mbiizughum mo jir. 3Amma wus mbiizughum ɗi moo wus ni mo shiɓit-shiɓit, ɓe mo ɗee a mbii lepan mmo, nkaa shikbish shiɓit-shiɓit. 4Mpeeɗi ba ni mak kyam c`in, ku toghom mu randong mo, ki̶ toghom mu hi̶i̶ mo, mmak mang shikbish baa ki̶ni kas. 5Mpeemi̶ni, ɓe kaaɗi Kristi sham ndi̶ghi̶n yil ɗiisi, ɓe wuri sat nee: "Ba ɗyen nwugha mbii wus mbiizughum mo, ki̶ zughum mo kas, amma wugha kì̵ ten ɗak mee san a le nwan. 6Mbiizughum ɗi mo wus mpee shikbish, ki̶ mbiizughum ɗi mo cín mpee shikbish, ɓe ba ni shang nwugha nyit kas. 7Ɗangɓe wan sat nee, 'A naa wan si, mpeeɗi wan kì̵ ten j`i mpee c`in ɗyen fugha Daa Naan, ntiit ki̶ mbii ɗi mo kì̵ ran nkaa wan ndi̶ghi̶n takarda ni.' " 8Ɗin nshee ni, ɓe wuri sat nee, "Ba wugha ki̶ riɓet mbiizughum ɗi wuwus, ki̶ cín mbiizughum, koo wus mbiizughum mpee shikbish kas." Koo ɗi Waar ni sat nee, ni ret ku gurum cín mbiizughum mi̶ni mo. 9Ɗangɓe wuri sat nee, "A naa wan si, mpeeɗi wan ki̶n ten j`i mpee c`in ɗyen fugha." Wuri baa ki̶ ɗinshee ni aku wuri le ɗiivul ɗi shi cín mbiizughum. 10Ɗi ni a shin mu Jesu Kristi, ɗi mo kì̵ vwang mun ɗishik yit mi̶ndong, mpee mun jir. 11Koo a pris ɗiiɗang ye, ɓe wurii ɗar mpee c`in ɗak fi̶ri shidaar-shidaar, ba mee nookɗi kas. Wurii wus mbiizughum mo ɗiki̶-ɗiki̶ shidaar-shidaar, mbiizughum ɗi ba mo mak mang shikbish kas, koo ɗiɓen. 12Amma kaaɗi Kristi wuri kì̵ cín shin fi̶ri kaa mbiizughum si, yit mi̶ndong mpee shikbish funu mo jir, ɓe wuri kàa tong nsarse kì̵ Naan. 13Yaghal mpuus mi̶ni har cicinsi, ɓe wurii gongpee, har parpuus ɗi Naan le shaarlek fi̶ri mo ɗee a pee le shii fi̶ri. 14Shi cín mbii wus mbiizughum yit mi̶ndong, ɓe Kristi wuri le nyem ɗi mo vwang mo mɓut shikbish, mo ɗee a nyem ɗin ndi̶re-ndi̶re mo har ngaa-ngaa. 15Riin kì̵ Naan wuri c`in langting mmun nee, ɗin nshee ni, ɓe wuri sat nee: 16"A ɗiisi ni a ɓi̶lemcuk shi toghom, ɗi wan c`in ki̶ mo, aɓwoon kì̵ teer mi̶ni mo. Daa wuri sat aasi. Wan nle Waar fi̶na mo ndi̶ghi̶n putughup furu mo, ki̶ wan nran Waar ni mo nkaa pan furu mo zak." 17Wuri waa baa sat ɗiki̶ zak nee, "Wan mmander nshikbish furu mo, ki̶ mbii ɗi mo ɗel ɗiki̶ jir." 18Katɗang mo kì̵ ten fwo shikbish ɗiisi ni mmo, ɓe ba ni kuɗi ki̶ mee koghop ni, ku mo cín mbiizughum mpee mang shikbish zak kas. 19Mpeemi̶ni, ɗyemnaa mo. Yaksi, mun ki̶ pee hakyeng, mpee ɗel ndi̶ghi̶n pee ɗiiɓang met jir ni, shi toghom kì̵ Jesu. 20Wuri kì̵ ten wang ar mmun, mu seen ɗiipoo ndi̶ghi̶n fuwaat ni, shi shin fi̶ri. 21Mun ki̶ pris ɗiiɗes, ɗi a wurii tap ki̶ tulu kì̵ Naan. 22Wu yit ku mu j`i kus ki̶ Naan, shi putughup ɗi mo vwang mo ndi̶ghi̶n pan mu shikbish, ki̶ sun funu ɗi mo vwang shi am ɗiiɓang-ɓang. 23Wu yit ku mu ɗar ɓal-ɓal nkaa cínzeen funu, ɗi muu sat ni, mpeeɗi mu cínzeen nee, Naan wuri ɗar nkaa ɓi̶lemcuk ɗi wuri kì̵ ten sat ni. 24Wu yit ku mu panshak, mpeku mu ɓamshak ɗi, ki̶ mu kám wal ɗin nshak, ki̶ c`in mbii ɗiiret mo. 25Taji mu mander nkaat ashak, kaaɗi pak mo c`in si kas, amma ni ret ku mu cínɓal nshak hakyeng, mpeeɗi wu naa puus kì̵ Daa nii j`i wul kus. 26Aɓwoon ɗi muu ten mu lap zeen ni, ɓe ba mee wus mbiizughum ɗi nin nkuɗi kì̵ mak mang shikbish kas, katɗang muu sat a c`in shikbish nyang-nyang ɗak. 27Amma mbii ɗi ni ɗee ku mu c`in ni yaksi, ɓe ni a gongpee shi ki̶i̶rmuut, mpee puus tokɗiyeel shi wus ɗiiɗes, ɗi nin ntwa nyem ɗi mo kwar Naan. 28Koo a weye, ɗi wuri kwar Waar kì̵ Mosis, ɓe mon ntu gwar ni, ba ki̶ mee yit naajeel kas, katɗang gurum mo kun mo c`in langting nkaa zeen ki̶ kwar Waar kì̵ Mosis ni. 29Katɗang ni aasi, ɓe a me nc`in gwar ɗi wuri ɓàk Làa kì̵ Naan ye? Gwar ɗi wuri ti̶reng ɓi̶lemcuk shi toghom mu Naan, ɗi ni vwang gwar mi̶ni ndi̶ghi̶n shikbish ye? Gwar ɗi wuri fulup Riin mu naajeel ye? Azeen-nzeen, gwar mi̶nin nlap kwat ɗiishwal hakyeng. 30Mpeeɗi mu man ngo ɗi wuri sat nee, "Maapláa ni a mi̶ɗi." A wuɗin nkwat mo. Wuri waa baa sat zak nee, "Daa wurin ntokɗiyeel nyem fi̶ri mo." 31Ni a mbii ki̶i̶r zam, mpeku gurum taa nsar kì̵ Naan ɗiiseen. 32Taji wu mander mbii ɗin nshee si mo kas, kaaɗi gyet wu nshee lap peeɓang ni, ɓe gyet wu ɗar ɓal-ɓal nkaa zeen fuu ni, ɓe wun nkaa shwaajeel. 33mMee naar mo, ɓe gyet mo le wu ɗee a mbii shwar ngurum mo nki̶kàam, ki̶ mo cínjeel nwun nkàam zak. Ki̶ zak, jí mmee naar si mo, ɓe har wu lekáa fuu mo, ku wu ɗee ɗi a kaa nyem ɗi mo ki̶ cínjeel mmo nkàam si. 34Gyet wu naajeel kì̵ nyem ɗi mo a ɓuɓwaghat mo. Har gyet wu lap Jesu shi retnyit, kaaɗi mo j`i hi̶r long fuu mo shiɓal si, mpeeɗi wuu ten wu man nee, wun shikáa fuu, wun ki̶ long ɗiiret met, ɗiiso ngaa-ngaa mo. 35Mpeemi̶ni ɓe, wu gung. Taji kwak fuu mo waam kas, mpeeɗi wun nkat li̶ɓet ɗiiɗes zam. 36Ni ret ku wu gung, mpeku wu c`in ɗyen kì̵ Naan ɗi, ki̶ mpeku wu lap mbii ɗi wuri kì̵ ten tuwoor ni ɗi. 37Kaaɗi mo kì̵ ran ndi̶ghi̶n takarda kì̵ Naan si nee: "Ɗee pee ni ɗi a lee ɗak. Gwar ɗi wurin ndung j`i si, ɓe wurin nj`i. Ba wurin mɓees ki̶ j`i ni kas. 38Amma nyem fi̶na ɗin ndi̶re mo, mon nkat seen a mpee cínzeen. Amma katɗang mee ngo baa mɓwoon, ɓe ba nin nshang nwan nyit ki̶ gwar mi̶ni kas." 39Amma ba mun a nyem ɗi mu baa mɓwoon, ku mu ɗee ɗi a ɗii li̶lagham kas. Mun a mɓut nyem ɗi mo cínzeen Nguɓam, ki̶ mu kat ɓam mpee seen funu mo.

will be added

X\