Hiburu 1

1Gyet yam, ɓe Naan katpo mpuunkaam funu mo yit ɗes, ki̶ ndi̶ghi̶n ar mo shini-shini, a shi nyemsatpo fi̶ri mo. 2Amma ndi̶ghi̶n teer ɗii mu kyes ni si mo, ɓe Naan wuri katpo mmun a shi Làa fi̶ri, ɗi wuri bi̶lip wuri, mpeku wuri sekop mu mbii mo ɗi jir. A ndi̶ghi̶n wuri, ɓe Naan leyil ni. 3A ndi̶ghi̶n Làa ni, ɓe mu naa mi̶lep kì̵ ɗiiɗes mu Naan, ki̶ Làa ni a muriin mu tong kì̵ Naan. A shi po ɗi ni put mpo ɗi ni ɓal, ɓe wuri kì̵ fwang yil ni jir. Aɓwoon ɗi wuri vwang shikbish kì̵ gurum mo ɓang-ɓang, ɓe wuri kàa tong nsarse kì̵ Naan ndi̶ghi̶n ɗengnaan. Naan ɗi wuri kì̵ se mulki nkaa mbii mo jir. 4Naan le ku Jesu ɗee a ɗiiɗes met nyemlop fi̶ri mo, kaaɗi sum ɗi Naan kì̵ cín nJesu, ni met sum kì̵ nyemlop kì̵ Naan ni mo si. 5Ba Naan kì̵ kyam sat mmee ngulop fi̶ri nee: "Wugha a làa fi̶na, cicinsi ɓe wan ki̶n ɗee a puun fugha kas, ki̶ zak, ba Naan ki̶ kyam sat ni mmee ngulop fi̶ri ne wuɗin nɗee a puun ki̶ ngulop ni, ki̶ ngulop ni ɗee a làa fi̶ri kas." 6Kaaɗi Naan wuri ɗoghom lop Làa fi̶ri ɗin nshee sham ndi̶ghi̶n yil ni, ɓe wuri sat nee: "Jir nyemlop fi̶ri mo seyil nwuri." 7A mbii ɗi Naan sat nkaa nyemlop fi̶ri mo nɗiisi nee: "Naan wurii le cáap nyemlop fi̶ri mo a riin mo, ki̶ wurii le nyemɗak fi̶ri mo a mbi̶lem wus mo." 8Amma nkaa Làa fi̶ri, ɓe wuri sat nee: "Mbiitong fugha ɗi ni a mu mulki ni, ni a mu ɗii har ngaa-ngaa. Wughan nse mulki fugha ni a shi kám ɗii ni a mu zeen-zeen. 9Wugha wal mbii ɗin ndi̶re, ki̶ a kwar mbii ɗiibish, mpeemi̶ni, ɓe Naan, Naan fugha wuri bi̶lip wugha le akiyeen ki̶ niyee fugha mo. Wuri bi̶lip wugha, ku wuri ɗoo mwoor ɗii mu retnyit nkaa wugha." 10Naan wuri waa sat zak nee: "A shee, ɓe wugha Daa, a lekuk kì̵ yil, ki̶ ɗengnaan mo. A ɗak mo a shi sar fugha zak. 11Mon nlagham jir, amma ba wughan nlagham kas. Mon nyaghal ɗee a ɗiisi̶ghi̶r mo kaa goklee si. 12Wughan nciɓet mo kaa ti̶barna si, ki̶ wughan ncighi̶r ki̶ mo [kaa lée si]. Amma ba mee mbii nkyam cighi̶r ki̶ wugha kas, ki̶ ba ɓit fugha mon nkyam kyes kas, koo ɗiɓen." 13Ba Naan kì̵ kyam sat mmee ngulop fi̶ri nee: "A tong si, nsarse fi̶na, har parɗi wan le shaarlek fugha mo ɗee nder shii fugha kaa mbiile shii si kas." 14A we mo a nyemlop kì̵ Naan mo ye? Mo a riin ɗi moo c`in ɗak nNaan, ki̶ wurii lop mo mpeku mo ɓam nyem ɗi mo lap ɓam ni ɗi.

will be added

X\