Galati 5

1Mbii ɗi ni le, ɗangɓe Kristi wuri pwat ki̶ mun nder kì̵ Waar kì̵ nyem Yahudi ni mo, a mpeku mu ɗee ɗi a mu nangkáa sun azeen-nzeen. Mpeemi̶ni, ɓe wan ki̶n sat nwun nee, wu ɗar ɓal-ɓal kaa nyem ɗi mo a mu nangkáa sut si. Taji wu baa wu c`in káa fuu mmee ngo, mpeku wu baa wu ɗee ɗi a ki̶rom mmo kas. 2Wan Pool, wan nkaa sat ni wun nee, katɗang wu yit mmee gurum can wun, ɓe ni ɗee agaak nee, mbii ɗi Kristi ki̶ c`in mpee wun, ɓe ni ɗee a buu mi̶ni. 3Wan ki̶n riɓet ku koo a weye man azeen-nzeen nee, katɗang mee gurum waa riɓet ku mo can wuri, ɓe ni ɗee a ting ku wuri gam kaghar waar ni mo jir. 4Wun nyem ɗi wuu pan nee, wuu ɗee a ɗin ndi̶re nyit kì̵ Naan, mpeeɗi wuu tap ki̶ waar ni mo, ɓe wu pwat ki̶ káa fuu mo aku ndi̶ghi̶n Kristi. Wuu ɗee a ɗiipi̶pal ndi̶ghi̶n ɗiiret ɗi Kristi kì̵ ten c`in mo mpee wun. 5Amma mun nyem ɗi ba muu leyit a nkaa can kas, ɓe ndi̶ghi̶n Riin shi cínzeen ɓe, muu tong a shi gongpee shi canciin mu ɗin ndi̶re mu Naan. 6Katɗang mu ɗee a ɗiimi̶ndong ki̶ Kristi Jesu, ɓe ba ni kuɗi mee koghop ni kas, koo ɗi mo can gurum, ki̶ koo ɗi ba mo can gurum kas, amma mbii ɗi nii koghop ni a cínzeen ɗi nii kám sat ndi̶ghi̶n wal. 7Jí yam, ɓe wun nkaa sekiyeen ndi̶ghi̶n po ɗiiret ni hakyeng, amma yaksi, ɓe a me le ɗang ba wu kuɗi wuu mwaan ndi̶ghi̶n zeen ni kas ye? 8Ba a Naan ɗi wuri pi̶rep wun, a wurii cíi sekiyeen nwun kas. 9"A rep yist lee nii le ku bred wup." 10Amma mpeeɗi mun a ɗiimi̶ndong ndi̶ghi̶n Daa funu, ɓe wan cínzeen nee, ba pan fuu mo waa ɗen ɗik, ki̶ mi̶na kas. Wan cínzeen nee, ngo ɗi wurii num wun si, koo ɗi wuri a weye, ɓe Naan nc`in kar nwuri. 11Amma ɗyemnaa mo, katɗang wan ki̶n sat a nsatpo nee, can ni a ting, ɓe a me le ɗang wan ki̶n sat a nshwaajeel ɗak ye? Katɗang ni aasi, ɓe mo shang mbii ɗi ni le canshii ngurum mo ndi̶ghi̶n shiyeepyoghom kì̵ Kristi. 12Nyem ɗi mo daampee nookɗi nwun si, wan fes nriɓet ku mo so pun sut ku mo ɗee ɗi a miyeermuut mo. 13Ɗyemnaa mo, Naan wuri pi̶rep wun, mpeku taji wu ɗee a ki̶rom mo nder kì̵ waar mu nyem Yahudi mo kas, amma, taji wu le ku katpee fuu ni, ni ɗee a ar ɗi wun nc`in mbii ɗiibish mu nan mo ɗi kas. Amma ni ret ku wu walnshak ki̶ ɓamshak zak. 14Mo gam waar ni mo jir a ndi̶ghi̶n po ɗiisi nee, "A wal ngi̶nang kaa sak fugha si." 15Katɗang wu nɗee a kaa luwayil ɗi moo seshak si, ɓe wu tap taji wu twa shak kyes ki̶n ndi̶ng-ndi̶ng. 16Wan ki̶n sat nwun nee, wu mwaan ndi̶ghi̶n Riin, mpeku taji wu gam ɗyen mu nan ni kas. 17Mpeeɗi mbii ɗi nan nii riɓet, ɓe ba mo a ntiit ki̶ mbii ɗi Riin nii riɓet kas. Ki̶ zak, mbii ɗi Riin nii riɓet ɓe ba mo a ntiit ki̶ mbii ɗi nan nii riɓet kas. Mbii ɗiivul si mo ba moo riɓet shak kas. Ɗiisi ni ɗee nee, ba wu mak c`in mbii ɗi wuu riɓet kas. 18Amma katɗang wuu mwaan a ndi̶ghi̶n Riin kì̵ Naan, ɓe ba wu kuɗi a nder kì̵ Waar ni kas. 19Ɗak ɗi gurum moo c`in ndi̶ghi̶n mi̶se kì̵ gurum, ni agaak. Kiyeet kì̵ ɗak mi̶ni mo, a kaa cín ngaa, ɗak ɗiibish mo, c`in mbii ɗiibish nɗin yitluwaan. 20Seyil nk`um, ɗak soghot, kwarshak, jighi̶r, zughur, tughup, riɓetkáa, ɓákshak, mi̶se ɗi ni a mu yilangpee. 21Zughur ɗiibish, shwaayughur, kuur ashak ɗiibish mo, ki̶ mbii ɗiibish mo ɗi shini-shini. Wan ki̶n satpo nwun shiɓal, kaaɗi gyet wan ki̶n sat nwun si nee; nyem ɗi moo c`in mbii ɗiisi mo jir, ɓe ba mon nkyam ɗel ndi̶ghi̶n mulki kì̵ Naan kas, koo diɓen. 22Amma ɗak ɗi gurum moo c`in ndi̶ghi̶n Riin kì̵ Naan mo a, walnshak, ki̶ retnyit, tongriyang, gung mbii mo, naajeel nshak, c`in mbii ɗiiret mo, cínzeen, 23sham ki̶ káa, yaasuk. Mbii ɗiisi mo jir, ba mee Waar ɗi nkaa mo kas. 24Nyem ɗi mo a mu Kristi Jesu, mo kì̵ ten pwas nan furu mo nkaa shiyeep ashak ki̶ kyaghar kì̵ ni. 25Katɗang muu tong a ndi̶ghi̶n Riin, ɓe ni ret ku mu mwaan ndi̶ghi̶n Riin ni zak. 26Taji mu ɗiyeepkáa kas, ki̶ taji mu le tughup nshak kas. Taji mu c`in zughur ki̶ shak kas zak.

will be added

X\