Galati 2

1Aɓwoon ki̶ ɓit mo kaghapaat baafeer, ɓe wan baakàa nJerusalem, ashak ki̶ Barnabas. Gyet wan mang Titus mpan ɗiki̶. 2Wan kàa nJerusalem ni, a mpeeɗi Naan wuri woo nwan ne, wan kàa ɗi. Gyet ntiit ki̶ mi̶ni, ɓe wan kaat ki̶ nyem ɗiinan-nan ni mo a si̶sok, mpeku wan sat ɗi mmo, po nkaa po ɗiiret ɗi wan nkaa sat ni nyem ɗi ba mo a nyem Yahudi mo kas. Mpeku taji, ɗak ɗi gyet wan c`in ni ki̶ ɗi wan nkaa c`in ni yaghal ɗee a buu kas. 3Amma Titus, ɗi wuri ashak ki̶ wan, koo ɗi wuri a ngu Heleni, ɓe ba gyet mo leting nwuri, ku mo can wuri ɗi kas. 4Amma pak nyemso ndang Kristi ɗi mu ɗung si mo, mo tap j`i ɗel ndi̶ghi̶n mun, kaa nyemcoghol mo si, mpeku mo tap goghol mun, ku mo katpee ɗi mɓut mmun, ɗi mun ndi̶ghi̶n Kristi Jesu, mpeku mo le mu ɗee ɗi a ki̶rom furu mo. 5Ba gyet mu cínpee mmo kas koo diɓen, mpeku mu tap ɗii zeen mu po ɗiiret ni ɗi mpee wun. 6Amma mpee nyem ɗi mo lekáa furu mo a kaa mee mbii si, koo ɗi mo a we mo ye, ɓe ba ni daampee nwan kas. Ba Naan wurii shwatyit mmee gurum kas. Nyem ɗi wan ki̶n sat ni mmo, koo ɗi gyet mo a nyem ɗiinan-nan mo, amma ɓe jir ki̶si, ɓe ba gyet mo le mee mbii ɗik nkaa po fi̶na ni kas. 7Kaaɗi mo naa nee, Naan wuri cín ɗak mu satpo ɗiiret ni nyem ɗi ba mo a nyem Yahudi mo kas nsar fi̶na, kaaɗi wuri cín ɗak mu satpo ɗiiret ni mPita mpee nyem Yahudi mo si. 8Ɓe mo naa nee, Naan ɗi wuri cínɓal mPita, mpeku wuri ɗee ɗi a ngusatpo ɗiiret ni nyem Yahudi mo, a wuri cínɓal nwan zak, mpekun ɗee ɗi a ngusatpo ɗiiret ni nyem ɗi ba mo a nyem Yahudi mo kas. 9Kaaɗi mo naa ɗiiret ɗi Naan wuri cín nwan, ɓe Kefas, ki̶ Pita, ki̶ Joon, ɗi gyet mo a nyemnan-nan mu nyemso ndang Naan ni mo, Eki̶lisya ni, mo cín sarse furu ɗii mu shaarshak nwan, ki̶ Barnabas. Mo sat nee, mun mu so mu satpo Naan ni nyem ɗi ba mo a nyem Yahudi mo kas, ku wuɗun, so ɗi pee nyem Yahudi mo. 10Mo sat mmun nee, taji mu mander nyemjeel ɗi mon ndi̶ghi̶n mo kas, a mbii ɗi gyet wan ki̶n fes le putughup fi̶na mpee c`in ni mmi̶ni. 11Amma kaaɗi Pita gyet kàa nAntiyok, ɓe wan selsar wuri nyit, mpeeɗi mbii ɗi gyet wuri c`in ni ba ni nkaa ar kas. 12Akuɗang pak gurum mo tong pe Jemis j`i ɗi, ɓe wurii sese ashak ki̶ nyem ɗi ba mo a nyem Yahudi mo kas, amma kaaɗi das ɗiisi ni mo j`i wul, ɓe wuri kwar sese ashak ki̶ nyem ɗi ba mo a nyem Yahudi mo kas, mpeeɗi wurii ki̶i̶r nyem Yahudi mo. 13Ashak ki̶ wuri, ɓe kaghar nyem Yahudi ɗi mo a nyemso ndang Jesu mo, ba mo ɗar nkaa zeen kas, kaa wuri si, har ki̶ Barnabas zak, wurin mɓwoon ki̶ mo ndi̶ghi̶n mwaan furu ki̶ putughup ɗiivul-vul ni. 14Amma kaaɗi wan naa nee, ba moo ɗar a ndi̶re-ndi̶re nkaa zeen mu po ɗiiret ni kas, ɓe wan sat mPita, nnaar furu nee, "Katɗang wugha ɗi wugha a ngu Yahudi aa tong a kaa ngo ɗi ba wuri a ngu Yahudi kas, ɓe cirang ɗangɓe wughan nle ting nyem ɗi baa mo a nyem Yahudi mo kas, ku mo tong kaa nyem Yahudi mo si ye?" 15Mun shikáa funu, mo làa mun a nyem Yahudi mo, ba a nyem shikbish kaa kaghar gurum mo si kas. 16Amma mu man nee, ba gurum ki̶ ɗee a ɗiiɓang nyit kì̵ Naan, a shi ɗak ɗi wuri c`in ni ndi̶ghi̶n Waar mo kas, amma gurum kì̵ ɗee a ɗiiɓang, a mpee cínzeen ndi̶ghi̶n Jesu Kristi. Har mun, mu cínzeen ndi̶ghi̶n Kristi, mpeku wu ɗee ɗi a ɗiiɓang shi cínzeen nKristi, ba a shi mee ɗak ɗi muu c`in ni ndi̶ghi̶n Waar ni kas. Mpeeɗi, shi ɗak ɗi gurum c`in ni ndi̶ghi̶n Waar ni, ɓe ba gurum nkyam ɗee a ɗiiɓang nyit kì̵ Naan kas. 17Amma muu gung ku mu ɗee ɗi a ɗiiɓang ndi̶ghi̶n Kristi. Katɗang mo waa kat a mumun a nyemshikbish mo, ɓe ni kám nee, Kristi wuri a mee ngulop mu shikbish shing? Waash ba aasi kas koo ɗiɓen! 18Amma katɗang wan ki̶n ɗik, a nkaa mbii ɗi wan ki̶n ten nshirip mo, ɓe wan ki̶n kám káa fi̶na agaak nee, wan a ngushikbish. 19Wan ki̶n ɗee a ɗiimumuut ndi̶ghi̶n Waar ni, mpeku wan tong ɗiiseen pe Naan ɗi. 20Mo pwas wan ashak ki̶ Kristi. Ba a wan ki̶n tong ndi̶ghi̶n seen ɗiisi kas, amma a Kristi wurii tong ndi̶ghi̶n wan. Ki̶ seen ɗi wan ki̶ ni yaksi ndi̶ghi̶n nan ɗiisi, wan ki̶n tong a shi cínzeen ndi̶ghi̶n làa kì̵ Naan, ɗi wuri wal nwan, har wuri c`in shin fi̶ri mpee wan. 21Ba wan kwar ɗiiret kì̵ Naan kas, mpeeɗi katɗang gurum ki̶ ɗee a ɗiiɓang nyit kì̵ Naan, a shi Waar mo, ɓe muut ɗi Kristi wuri muut ni, ni ɗee a buu mi̶ni ki̶ ba nii mee koghop ni kas.

will be added

X\