Afisus 6

1Jep mo, wu lappo kì̵ puun fuu mo ndi̶ghi̶n Daa, mpeeɗi mi̶ni a mbii ɗin ndi̶re. 2"A cín ɗiiɗes mpuun fugha a ki̶ ni̶ghi̶n fugha mo," ɗiisi ni a Waar ɗin nshee ɗi mo kì̵ ten le, 3"mpeku a tong ɗi riyang, ki̶ mpeku a kat teer mo ɗi ɗes ndi̶ghi̶n yil ni." 4Puun mo, taji wu le ku putughup kì̵ jep fuu mo wat, har ni le ku mo c`in tughup kas, amma wu kiyeer mo, ki̶ wu kar mo ndi̶ghi̶n kám ɗi mo a mu Daa Naan. 5Ki̶rom mo, wu lappo kì̵ nyem ɗi moo ɗyel wun nsar furu mo. Ki̶n sat a puun fuu ɗi mo a mu yil ɗiisi ni. Wu lappo furu mo ndi̶ghi̶n ki̶i̶r ki̶ ɗaar shi putughup mi̶ndong, kaaɗi wuu c`in nKristi si. 6Taji wu c`in ɗak a yit kì̵ gurum mo ɓejee, ku mo kwoop wun ɗi kas, amma wu c`in ɗak kaa ki̶rom mu Kristi mo si. Wu c`in ɗyen kì̵ Naan ndi̶ghi̶n putughup fuu mo. 7Wu c`in ɗak shi putughup ɗiiret, mpeeɗi wuu c`in a nDaa Naan, ba a mmee gurum kas. 8Taji wu mander kas nee, ɗak ɗiiret ɗi gurum ki̶ c`in mo, ɓe wurin nwaa lap a kwat kì̵ ni pe Daa ɗi, koo ɗi wuri a ki̶rom, koo ɗi wuri a laalu. 9Wun nyem ɗi wun ki̶ ki̶rom mo wu c`in mbii ɗiiret mmo zak. Taji wu wuk mo kas, mpeeɗi wu man nee, Daa furu ki̶ muu, wuri a ndi̶ghi̶n ɗengnaan, ba wurii shwatyit kas. 10Peekyes ni, wu ɗar ɓal-ɓal ndi̶ghi̶n Daa ki̶ ndi̶ghi̶n iiko mu ɗiiɗes fi̶ri. 11Wu jwal leelek ɗi Naan wuri cín mo nwun jir, mpeku wu mak ɗar ɗi ɓal-ɓal nkaa Shetan ki̶ numpee fi̶ri. 12Mpeeɗi ba muu c`in lek ni a nkaa gurum mo, ɗi moo nan ki̶ toghom kas, amma ni a nkaa mulki, ki̶ nyem iiko ɗi mo a mu Shetan mo, ki̶ nkaa mulki ki̶ nyem peenkoo ɗin ndi̶ghi̶n ɗengnaan mo. 13Mpeemi̶ni, ɓe wu jwal leelek ɗi Naan wuri ncín wun, mpeku wu ɗar ɗi ɓal-ɓal ndi̶ghi̶n teer ɗiibish mo. Mpeku taji Shetan wuri se koghorong nkaa wun kas. 14Wu ɗar ɓal-ɓal shi ɗak suk, ki̶ ɓwaghat ɓwoon fuu mo shi zeen, ki̶ c`in mbii ɗin ndi̶re mo, kaa kawung ɗi nii fwang tughur ngurum si. 15Wu jwal kwaghazak nshii fuu mo, mpee satpo ɗiiret, ɗi nii j`i ki̶ tongriyang. 16Koo pi̶rang ye, ɓe wu mang kawung ɗi ni a cínzeen ashak ki̶ wun, mpee fwang pas mu wus ɗi gwar ɗiibish ni wurin mpwas j`i nkaa wun. 17Wu mang ɓam ɗi Naan wuri c`in nwun, kaa mbiikáa shaghal ɗi nyemlek moo lop mpeku ni fwang káa ɗi mmo si. Ki̶ wu ɗyel po kì̵ Naan ni, kaa kwai ɗii Riin Ɗiiɓang wuri cín nwun si. 18Wu c`in aduwa, ki̶ ɗang mpee mbii ɗiisi mo shidaar-shidaar ndi̶ghi̶n Riin. Wu tong shi gongpee, ki̶ zak, wu gung ndi̶ghi̶n mbii mo jir. Wu c`in aduwa mpee nyem kì̵ Naan mo jir. 19Wu c`in aduwa mpee wan zak, mpeku Naan wuri c`in mbii ɗi wan nsat mo ɗi, ki̶ mpeku wan sat mbii ɗiisi̶sok mu po ɗiiret ni mo, ɗi shiɓal ba a shi ki̶i̶rmuut kas. 20A mpee po ɗiiret ni, ɗang mo lop wan mpeku wan sat ni ɗi. Ɓe wan a shishaghat shi ti̶sek mu shaghal yaksi. Koo ɗi wan a shishaghat, ɓe wu c`in aduwa nNaan, mpeku wuri cínɓal ɗi nwan, kun satpo ɗiiret ni ɗi shiɓal, kaaɗi ni ret kun c`in si. 21Tikikus ɗyemni̶ghi̶n funu ɗi muu wal nwuri, ɗi wuri a ki̶rom kì̵ Daa azeen-nzeen, wurin nsat mbii mo nwun jir, nkaa ɗak ɗi wan nkaa c`in ni. 22Wan ki̶n ten nlop wuri so pe wun ɗi, a mpeku wuri satpo ɗi nwun nkaa wan, ki̶ mpeku wu man tong funu ɗi, ku ni ɓam putughup fuu mo ɗi zak. 23Naan puun, ki̶ Daa funu Jesu Kristi mo cín tongriyang, ki̶ wal, ki̶ cínzeen nɗyemni̶ghi̶n funu mo jir. 24Ɗiiret kì̵ Naan ni ɗee ashak ki̶ nyem ɗi mo wal nDaa funu Jesu Kristi, shi wal ɗi ba nii peekyes kas har ngaa-ngaa.

will be added

X\