Afisus 5

1Kaaɗi wun a jep kì̵ Naan mo si, ɓe ni a ting ku wu kám shiimwaan kì̵ Naan. 2Ki̶ zak, wu mwaan ndi̶ghi̶n wal, kaaɗi Kristi wuri wal mmun si, har wuri c`in shin fi̶ri mpee mun kaa zughum kì̵ mbiizughum ɗi ni ɗu shang-shang nyit kì̵ Naan si. 3Amma, taji po nkaa ngaa, ki̶ mbii ɗiibish mo, ki̶ riɓet mbii mo pwat ndi̶ghi̶n po fuu mo kas. Mpeeɗi po nkaa kiyeet kì̵ mi̶ni mo, ba ni ret ku mo pwat mpo kì̵ nyem kì̵ Naan mo kas. 4Taji mee po ɗiibish mu le nashoop koo po mu mwen mo, koo po ɗiibuu mo, mo pwat ndi̶ghi̶n po fuu mo kas, amma wu yit ku a pi̶lang put mpo fuu mo. 5Taji wu mander nee, nyem ɗi moo c`in ngaa, ki̶ nyem ɗi pan furu mo a ɗiibish, koo a nguzughur, ɓe ba kiyeet kì̵ nyem mi̶ni moo mee li̶ɓet mu sekop ndi̶ghi̶n mulki kì̵ Kristi ki̶ mu Naan kas. 6Taji wu yit ku mee gurum num wun shi po ɗiibuu mo kas, mpeeɗi a mpee mbii mo kaa ɗiisi mo si, ɓe tughup kì̵ Naan nii taa nkaa nyemcíi ki̶lingpee mo. 7Mpeemi̶ni, taji wu ɓàlkáa fuu ashak ki̶ mo kas. 8Gyet yam, ɓe wun a ndi̶ghi̶n peenkoo, amma yaksi wun a ndi̶ghi̶n peeɓang, ndi̶ghi̶n Daa. Ni ret ku wu mwaan kaa nyem ɗi mo ndi̶ghi̶n peeɓang ni si. 9Ɗak kì̵ nyem ɗi mo ndi̶ghi̶n peeɓang, ni a ndi̶ghi̶n mbii ɗiiret mo, ki̶ ɗin ndi̶re mo, ki̶ zeen zak. 10Wu gung, ku wu kám mbii ɗi mon nret nNaan nyit. 11Taji wu lesar fuu mo ndi̶ghi̶n ɗak ɗi mo a mu peenkoo, ɗi ba mo ki̶ koghop ni kas, amma ni ret ku wu woo ɗak mi̶ni mo agaak. 12Ni a mbii nashoop mpee satpo nkaa mbii ɗi moo c`in mo a si̶sok. 13Amma katɗang koo a meye ɗi ni agaak, a peeɗi peeɓang ɗi, ɓe ni ɗee a ɗi gurum mo mak naa ni. Mpeeɗi jir mbii ɗi gurum mo mak naa ni, ɓe ni a ndi̶ghi̶n peeɓang. 14Ni a kaaɗi mo ki̶ ran ndi̶ghi̶n takarda ki̶ Naan si nee: "Ngusaam, a mii, a yaghal a peemúut! Mpeku Kristi wuri cín peeɓang ɗi nwugha" 15Wu tap ki̶ shiimwaan fuu mo. Taji wu mwaan kaa mwen mo si kas, amma wu mwaan kaa nyemɗiiseen mo si. 16Wu c`in ɗak ndi̶ghi̶n koo a pee ɗiiɗang ye, mpeeɗi teer ɗiiyaksi ni mo, moo gam ki̶ mbii ɗiibish mo. 17Mpeemi̶ni, ɓe taji wu ɗee a mwen mo kas, amma wu manshii kì̵ mbii ɗi Daa wuri riɓet ku wu c`in. 18Taji wu shwaa am anab har ni yughur wun kas, mpeeɗi mi̶nii mak jwaan wun, amma wu ɗee a ɗiigi̶gam shi Riin Ɗiiɓang. 19Wu katpo ki̶ shak shi kook ɗii mu kwoop mo, ki̶ kook ɗi mo a mu Riin. Wu c`in kook ɗiiret mo nNaan, kì̵ pi̶lang ndi̶ghi̶n putughup fuu mo. 20Koo pi̶rang ye ɓe wu pi̶lang Naan puun mpee mbii mo jir ndi̶ghi̶n sum kì̵ Daa funu Jesu Kristi. 21Wu sham ki̶ kaa fuu mo nder kì̵ shak, mpeku wu cín ɗiiɗes ɗin nKristi. 22Mat mo, wu sham ki̶ káa fuu mo nder kì̵ mish fuu mo, kaaɗi wuu c`in nDaa si. 23Mpeeɗi mish wuri a káa kì̵ mat, kaaɗi Kristi wuri a káa kì̵ Eki̶lisya si, shii kì̵ mi̶ni a shin fi̶ri, ki̶ wuri shikáa fi̶ri wuri a Nguɓam fi̶ra zak. 24Kaaɗi Eki̶lisya wuran nder kì̵ Kristi, ni aasi zak, wun mat mo, wu sham ki̶ káa fuu mo nder kì̵ mish fuu mo ndi̶ghi̶n mbii mo jir. 25Mish mo, wu wal mmat fuu mo, kaaɗi Kristi wuri wal Eki̶lisya ni si, har wuri cín shin fi̶ri mpee wura. 26Mpeku wuri le wura ɗee ɗi a ɗiiɓang shi vwang wura ki̶ am, ki̶ shi po kì̵ Naan. 27Mpeku wuri ɗak Eki̶lisya ni le ɗi nshin, ndi̶ghi̶n ɗiiɗes, ki̶ ɗiimen, ba ashak ki̶ mee rap, koo mee pee taakat mɓut mo kas. Mpeku mo ɗee ɗi a ɗiiɓang ba ki̶ mee rap kas. 28Ni ret ku mish mo wal mmat furu mo kaa sut furu si. Ngo ɗi wuri wal mmat fi̶ri, ɓe wuri wal a nshin fi̶ri mmi̶ni. 29Ba mee gurum kì̵ kyam kwar shin fi̶ri kas, amma wurii tap cín mbiise nni, ki̶ wuri tap ki̶ni riret, kaaɗi Kristi wurii c`in Eki̶lisya si 30Mpeeɗi mun a ɓeep mu shin fi̶ri. 31A mpeemi̶ni, ɓe gurum wurin nyit puun fi̶ri ki̶ ni̶ghi̶n fi̶ri, ku wuri ɓàlkáa ɗi ashak ki̶ mat fi̶ri, ku mo vul mo ɗee ɗi a ɗiimi̶ndong. 32Ɗiisi ni a mee mbii ɗiiɗes ɗiisi̶sok. Mbii ɗi wan ki̶n sat ni, a nkaa Kristi ki̶ Eki̶lisya. 33Koo ɗi arang ye, ɓe wu yit koo weye wuri wal mmat fi̶ri, kaa shin fi̶ri si, ki̶ mat wura cín ɗiiɗes mmish fi̶ra zak.

will be added

X\