Afisus 3

1A mpee ɗiisi, ɓe wan Pool, wan a shishaghat mpee Kristi Jesu, mpee wun nyem ɗi ba wun a nyem Yahudi mo kas. 2Azeen-nzeen wu man nee, ndi̶ghi̶n ɗiiret kì̵ Naan, ɓe wuri cín ɗak ɗiisi ni nwan, mpeku wan c`in ni ɗi mpee wun. 3Naan wuri woo mbii ɗiisi̶sok mo nwan ɗi wuri kì̵ ten sat nee wuɗin nc`in nwan. Wan ki̶n ran po nwun lee nkaa ni. 4Katɗang wu tang mbii ɗi wan ki̶n ran ni, ɓe wun mmanshii kì̵ man fi̶na, nkaa mbii ɗiisi̶sok mu Kristi. 5Gyet yam, ɓe ba mo woo mbii ɗiisi̶sok ni mo ngurum mo kas, amma yaksi ɓe Naan wuri kì̵ woo ni agaak pee jeplop kì̵ Jesu Kristi mo, ki̶ nyemsatpo Naan ɗiiɓang mo, shi Riin fi̶ri ɗiiɓang. 6Mbii ɗiisi̶sok ni a nee, nyem ɗi ba mo a nyem Yahudi mo kas, yaksi ndi̶ghi̶n po ɗiiret ni, ɓe mo kat ɗiiret mu Naan ashak ki̶ nyem Yahudi ni mo. Ki̶ zak yaksi, ɓe nyem ɗi ba mo a nyem Yahudi mo kas, mo ɗee a mbii ɗiimi̶ndong. Mo mak sekop ndi̶ghi̶n mbii ɗi Naan wuri kì̵ ten tuwoor ni, ɗi wuri gam ni ndi̶ghi̶n Kristi. 7A mpee po ɗiiret ɗiisi, ɓe Naan wuri le ku wan ɗee a nguc`in ɗak fi̶ri, ntiit ki̶ zughum ɗiiret mu yit naajeel fi̶ri ɗi wuri kì̵ cín ni nwan, ɗi ni nkaa c`in ɗak ndi̶ghi̶n ɓal fi̶ri. 8Koo ɗi wan a ɗiitaakat met jir ndi̶ghi̶n nyem kì̵ Naan mo, amma Naan wuri cín ɗak ɗiisi ni nwan, ɗi ni a satpo ɗiiret ni pee nyem ɗi ba mo a nyem Yahudi mo kas. Po nkaa long kì̵ Kristi ɗi ba ni ki̶ peekyes kas. 9Ki̶ zak, mpeku wan le ku gurum mo manshii kì̵ mbii ɗiisi̶sok mu Naan, ɗi Naan ɗi wuri le mbii mo ndi̶ghi̶n yil ni jir, ɓe wuri kì̵ ten sok mbii ɗiisi ni mpee ɓit mo ɗes. 10Pan fi̶ri ɗiisi ni, yaksi ndi̶ghi̶n nyemso ndang wuri mo, ɓe ɗiiɗes mu seen fi̶ri ni ɗee agaak ndi̶ghi̶n ar mo shini-shini, pe nyemlop kì̵ Naan mo ki̶ iiko ɗi mo ndi̶ghi̶n ɗengnaan mo. 11Ntiit-ntiit ki̶ mbii ɗi Naan wuri kì̵ ten sat ne, wuɗin nc`in ni so ngaa-ngaa, ɗi wuri gam ni ndi̶ghi̶n ɓàlkáa funu ashak kì̵ Kristi Jesu Daa funu. 12Ki̶ cínzeen funu ndi̶ghi̶n wuri, ɓe mu kat ɓal mputughup, ku mu so ɗi ntoghom kì̵ Naan, ba a shi ki̶i̶rmuut kas. 13Wan ki̶n ɗang pu wun, taji kwak fuu mo murap kas, mpeeɗi wan nkaa shwaajeel mpee wun. Shwaajeel fi̶na ni ki̶ koghop ni pe wun jir. 14A mpeemi̶ni, ɓe wan ki̶n kurum ntoghom kì̵ puun. 15A mpee wuri, ɓe koo a weye ɗi mo ndi̶ghi̶n ɗengnaan ki̶ ɗi mo ndi̶ghi̶n yil ɗiisi moo kat sum. 16Wan ki̶n ɗang pu Naan ndi̶ghi̶n long fi̶ri ɗiiɗes, mpeku wuri cín iiko ɗi nwun ndi̶ghi̶n Riin fi̶ri. Mpeku wu kat ɓal ɗi ndi̶ghi̶n putughup fuu mo. 17Mpeku Kristi wuri tong ndi̶ghi̶n putughup fuu mo, mpeeɗi wu cínzeen nwuri. Wu shamseen, ki̶ wu ɗar nkaa kuk ɗi ni a wal. 18Mpeku wun, ashak ki̶ nyem kì̵ Naan mo, ɓe wu man kaam, ki̶ shwal, ki̶ wurang, ki̶ jurung mu wal kì̵ Kristi ɗi. 19Ki̶ zak, mpeku wu man wal kì̵ Kristi ɗi ni met kaghar man mo jir, ki̶ mpeku wu gam ɗi ki̶ man Naan ndi̶ghi̶n putughup fuu mo. 20Yaksi, pe wuri, ɗi wuri ki̶ iiko ɗi ni c`in ɗak ndi̶ghi̶n mun, met mbii ɗi mu mak ɗang mo, koo pan mo ndi̶ghi̶n putughup funu. 21Ɗiiɗes ni ɗee a mu Naan ndi̶ghi̶n nyemso ndang wuri mo, ki̶ ndi̶ghi̶n Kristi Jesu mpee pee mo jir, yaghal nyaksi ki̶, har ngaa-ngaa. Amin.

will be added

X\