Afisus 2

1Gyet yam ɓe, wun a ɗiimumurap ndi̶ghi̶n riin mpee cíishik mu shikbish fuu mo. 2Gyet ntiit ki̶ mi̶ni, ɓe wuu mwaan a ndi̶ghi̶n kyaghar ɗiibish mu yil ɗiisi, ki̶ wuu ki̶ling a ɗoo mu mishkagham mu ɓal kì̵ riin ɗi mo ndi̶ghi̶n kut mo, riin ɗi nii se mishkagham nkaa nyem ɗi mo kwar c`in ɗyen kì̵ Naan. 3Gyet muu tong a kaa mo si, ndi̶ghi̶n kyaghar mu nan funu mo. Ki̶ gyet muu c`in mbii ɗi mu naa mo shang nnan funu mo, ki̶ pan mu putughup funu mo zak. Har ndi̶ghi̶n tong funu, kaa kaghar gurum mo si, ɓe jí muu ten mu ɗee a ɗi munn nshwaajeel mpee tughup kì̵ Naan. 4Amma mpeeɗi kussuk kì̵ Naan ki̶ wal fi̶ri ni ɗes zam, 5ɓe koo ɗi gyet mun a ɗiimumurap ndi̶ghi̶n shikbish funu mo, ɓe wuri le ku mu kat seen ashak ki̶ Kristi. Ni a mpee yit naajeel kì̵ Naan, ɗangɓe mu kat ɓam. 6Naan wurin nle ku mu yaghal ashak ki̶ Kristi, ki̶ wurin nle ku mu tong ashak ki̶ wuri ndi̶ghi̶n ɗengnaan mo mpee sum kì̵ Kristi Jesu. 7Ndi̶ghi̶n ɓit ɗi mon ndung j`i, ɓe wuri nkám mmun ɗes kì̵ ɗiiɗes fi̶ri ɗi ba mee gurum mak kám ni kas. Ɗiisi ni a yit naajeel fi̶ri ɗiiɗes mpee mun ndi̶ghi̶n Kristi Jesu. 8A mpee yit naajeel kì̵ Naan, ɗangɓe wu kat ɓam, mpeeɗi wu cínzeen. Ba wu kat ɓam ɗiisi ni a mpee mee ɗak ɗiiret ɗi wu c`in kas, ni a zughum mu Naan. 9Ba ni a mpee mee ɗak kas. Mpeemi̶ni, ɓe taji mee gurum ɗiyeepkáa fi̶ri kas. 10A Naan wuri le mun shi sar fi̶ri, kaaɗi mun ɗi si, amma yaksi ndi̶ghi̶n Kristi, ɓe wuri le mun a mpee c`in ɗak ɗiiret mo, ɗi wuri kì̵ ten ɗak ni le mpee mun, mpeku mu c`in mo ɗi. 11Taji wu mander kas, nee, gyet yam ɓe wun a nyem ɗi ba mo làa wun a nyem Yahudi mo kas. Ɓe gyet nyem Yahudi ɗi jí mo lesut a nyem ɗi mo can mo ndi̶ghi̶n nan shi sar kì̵ gurum mo, moo pet wun a nyem ɗin nsuluk mo. 12Taji wu mander kas nee, gyet mɓít mi̶ni mo, ɓe ba wu kus ki̶ Kristi kas, ki̶ ba gyet wu man Naan kas. Gyet mo shwat wun ndi̶ghi̶n jep mu nyem Yahudi mo, ki̶ gyet wun a mi̶zep mo. Mpeeɗi Naan kì̵ ten ɓi̶lemcuk shi toghom, ki̶ ba gyet wun ki̶ mee mbii canciin ndi̶ghi̶n yil ni kas. 13Amma, yaksi ndi̶ghi̶n Kristi Jesu, ɓe wun ɗi gyet wu jong, mo kì̵ j`i ki̶ wun kus, shi toghom kì̵ Kristi. 14A Kristi j`i ki̶ tongriyang mmun, har wuri le ku nyem Yahudi mo ɗee a ɗiimi̶ndong ki̶ nyem ɗi ba mo a nyem Yahudi mo kas. Wuri shirip kok ɗi gyet nii ɓàk mun, mpeku mu ɗee ɗi a shaarshak. 15Wuri mang Waar kì̵ nyem Yahudi mo baa ki̶ni aku, mpeku wuri waa le gurum ɗiipoo mo ɗi ndi̶ghi̶n dang ɗiivul si mo. Ɗi a ndi̶ghi̶n ar ɗiisi, ɓe wurii j`i ki̶ tongriyang. 16A shi muut fi̶ri nkaa shiyeepyoghom, ɓe wuri tu mbii ɗi nii j`i ki̶ kwarshak ngurum mo. A shi shiyeepmúut fi̶ri, ɓe wuri ɓàl dang mo shini-shini, ku mo ɗee a ɗiimi̶ndong ndi̶ghi̶n Naan. 17Jesu wuri j`i satpo, mu riyang nwun. Wun nyem ɗi gyet wu jong ki̶ Naan, ki̶ zak, wuri j`i ki̶ po ni nyem ɗi gyet mo kus ki̶ Naan zak. 18A ndi̶ghi̶n Kristi ɓe mun gurum jir, mu mak j`i ndi̶ghi̶n Riin ɗiimi̶ndong pu puun funu ɗi. 19Mpeemi̶ni, ɓe yaksi, wun nyem ɗi ba wun a nyem Yahudi mo kas, ba wu kuɗi a mi̶zep mo kas. Yaksi wun a ɗiimi̶ndong ki̶ jepyil mu nyem kì̵ Naan mo, ki̶ wuu ɗee a jeplu kì̵ Naan mo zak. 20Mo ɗik wun a nkaa kuk ɗi jeplop kì̵ Jesu mo, ki̶ nyem satpo kì̵ Naan mo kì̵ ten ɗik ni. Jesu Kristi wuri shikáa fi̶ri, a nhi̶k ɗiiɗes mu kwang kì̵ lu ni. 21A ndi̶ghi̶n wuri, ɓe jir kaghar lu nii ki̶kkàa nkaa wuri, ki̶ a wurii le ku lu ni wurang, ku ni ɗee a lu ɗiiɓang mu Daa. 22A ndi̶ghi̶n wuri, ɓe mo ɗik wun, ku wu ɗee a peeɗi Naan wurii tong ɗi, shi Riin fi̶ri.

will be added

X\