Afisus 1

1Pool laalop kì̵ Kristi shi riɓet kì̵ Naan, so pe nyem kì̵ Naan ɗi mo ndi̶ghi̶n yil Afisus, ɗi mo cínzeen nJesu Kristi azeen-nzeen. 2Ɗiiret ki̶ riyang mu Naan puun funu ki̶ Daa funu Jesu Kristi mo tong ashak ki̶ wun. 3Mu pi̶lang Naan puun, ki̶ Daa funu Jesu Kristi, ɗi wuri le ɗiiret fi̶ri nkaa mun, shi koo a ɗiiret ɗiiɗang ye ɗi ni a mu Riin ndi̶ghi̶n ɗengnaan mo, shi Kristi. 4Akuɗang Naan wurii leyil ni, ɓe wuri kì̵ ten bi̶lip mun, mpeku mu ɗee a mi̶ri ndi̶ghi̶n Kristi, mpeku mu ɗee ɗi a ɗiiɓang ki̶ ndi̶ghi̶n wal mpeeɗi ba mee shikbish ɗi ntoghom fi̶ri kas. 5Naan kì̵ ten sat nee, ndi̶ghi̶n Jesu Kristi, ɓe ɗin nle ku mu ɗee a jep fi̶ri mo. Ɗiisi ni put a ndi̶ghi̶n pan mu retnyit fi̶ri. 6Wu yit ku mu kwoop wuri mpee ɗiiɗes mu yit naajeel fi̶ri, ɗi wuri c`in mmun nzughum ndi̶ghi̶n Làa fi̶ri ɗi wuri wal nwuri. 7Mpeeɗi a shi muut kì̵ Kristi ɗangɓe mo fwoon mun, shii kì̵ mi̶ni nee, mo fwo shikbish funu mo mmun. Yit naajeel kì̵ Naan ni ɗes zam. 8Wuri ɗoo ni nkaa mun ɗes, ki̶ seen ki̶ manshii kì̵ mbii mo jir. 9Yaksi Naan wuri le ku mu man mbii ɗi mo a si̶sok mu pan fi̶ri mo, ntiit-ntiit ki̶ pan fi̶ri ɗi wuri kì̵ ten le ni, ku ni ɗee a ɗiigi̶gam ndi̶ghi̶n Kristi. 10Mbii ɗi Naan wuri kì̵ ten sat ne, wuɗin nc`in mo katɗang pee ni wul. Ɓe Naan wurin nj`i ki̶ mbii ɗi wuri kì̵ ten le mo ndi̶ghi̶n yil ɗiisi ashak, ki̶ ɗi mon ndi̶ghi̶n ɗengnaan ki̶ ɗi mon ndi̶ghi̶n yil ɗiisi jir, ɓe Kristi wurin nɗee a káa kì̵ mo jir. 11Mon c`in mbii mo jir a ntiit-ntiit ki̶ mbii ɗi Naan wuri kì̵ ten sat ne wuɗin c`in mo. Naan wuri ten bi̶lip mun, ku mu ɗee a nyem fi̶ri mo ndi̶ghi̶n Kristi ntiit-ntiit ki̶ pan fi̶ri. Mbii mo ɗes aasi, ntiit-ntiit ki̶ mbii ɗi wuri kì̵ ten sat ne wuɗin c`in mo pugyet ɗin nshee. 12Mun ɗi mu shee canciin nkaa Kristi, wu yit ku mu kwoop Naan mpee ɗiiɗes fi̶ri. 13A wuwun zak, wu ɗee a nyem kì̵ Naan mo kaaɗi wu ki̶lingpo ɗi azeen ni. Po ɗiiret ɗi ni j`i ɓam wun, kaaɗi wu cínzeen nKristi si, ɓe Naan wuri ki̶ le stam fi̶ri nkaa wun, ku wu ɗee ɗi a mi̶ri. Kaaɗi wuri cín Riin Ɗiiɓang ni nwun ntiit-ntiit ki̶ mbii ɗi wuri kì̵ ten sat si. 14Riin Ɗiiɓang ɗi Naan wuri cín ni mun, wuri ɗee a mbii ɗin shee ɗi ni kám mun nee, muu lap mbii ɗi Naan ten sat nee wuɗin c`in nyem fi̶ri mo. Ɗiisi ni kám mun nee, Naan wurii cínpee nyem ɗi mo a mi̶ri mo, mpeku mu kwoop Ɗiihai fi̶ri ɗi. 15Mpee mbii ɗiisi, ɓe yaghal mparpuus ɗi wan ki̶ling po nkaa cínzeen fuu ni ndi̶ghi̶n Daa Jesu, ki̶ wal fuu ni mpee nyem kì̵ Naan mo jir, 16ɓe ba wan ki̶n nook pi̶lang Naan mpee wun kas. Wan ki̶n pan wun ndi̶ghi̶n aduwa fi̶na mo. 17Wan ki̶n ɗang pu Naan ki̶ Daa funu Jesu Kristi, puun ɗiihai shidaar-shidaar nee. Ɗi wurin ncín Riin wun, ki̶ wuri le kuwu ɗee a nyemseen mo, ki̶ mu woo man kì̵ Naan nwun riret hakyeng. 18Ku yit kì̵ putughup fuu mo wang ɗi, mpeku wu man mbii ɗi wuu canciin ɗiki̶ ɗi wuri kì̵ ten pi̶rep wun mpee ni, ki̶ kop ɗi wurin ncín nyem fi̶ri. 19Ba mee ngo mmak kám ɗiiɗes fi̶ri, ɗi ni nkaa c`in ɗak ndi̶ghi̶n mun kas, mun nyem ɗi mu cínzeen nwuri. Iiko ɗi ni nkaa c`in ɗak ndi̶ghi̶n mun, ni ntiit-ntiit ki̶ ɗiiɗes mu ɓal fi̶ri. 20Ɗi gyet wuri c`in ɗak ki̶ni, mpeku wuri yaghal ɗii Kristi a peemúut, ki̶ Naan wuri le ku Kristi kàa tong nsarse fi̶ri ndi̶ghi̶n ɗengnaan mo. 21Kristi wuri met ɓal kì̵ mishkagham mo jir, ki̶ iiko, ki̶ ɓal, ki̶ ɗes mu mulki mo jir. Sum fi̶ri ni met kaghar sum mo jir. Ba a ndi̶ghi̶n ɓit ɗiiyaksi ɓejee ɗak kas, amma ki̶ ndi̶ghi̶n ɓit ɗi mon ndung j`i akiyeen. 22Naan wuri kì̵ ten le mbii mo jir ndershii fi̶ri, ki̶ zak wuri le wuri ɗee a káa ki̶ mbii mo jir mpee Eki̶lisya ni. 23Kuur ki̶ nyemso ndang wuri mo, a shin fi̶ri, ɗi mo gam ki̶ wuri shikáa fi̶ri, ɗi wuri gam mbii mo jir, koo a ndi̶ghi̶n ar ɗiiɗang ye.

will be added

X\