Kolosi 4

1Wun nyem ɗi wun ki̶ ki̶rom mo, wu fwang mo ndi̶ghi̶n ar ɗiiret, ki̶ ndi̶ghi̶n zeen zak, mpeeɗi wu man nee, wun ɗi ki̶ mee ngo ɗiiɗes zak, ndi̶ghi̶n ɗengnaan, ɗi wurii fwang wun. 2Wu c`in aduwa nNaan shidaar-shidaar. Wu tong shi gongpee, ki̶ zak, wu pi̶lang Naan mpee mbii mo jir. 3Wu c`in aduwa mpee mun zak, mpeku Naan wang ar ɗi mmun, ku mu satpo fi̶ri ɗi ngurum mo. Ki̶ mpeku mu yakshii ni ɗi ngurum mo mbii ɗiijurung, ɗi Naan wuri woo mmun nkaa Jesu Kristi. A mpee po ɗiiret ni, ɗangɓe wan a shishaghat ndi̶ghi̶n lushaghat. 4Wu ɗang pu Naan, mpeku wan satpo ɗiiret ni ɗi ngurum mo agaak, ku mo manshii ni ɗi, kaaɗi ni ret kun sat si. 5Wu mwaan shi seen, pu nyem ɗi ba mo a nyemso ndang Naan mo kas. Wu c`in mbii ɗiiret koo a pi̶rang ye! 6Wu yit ku liispo fuu mo shangki̶ling ngurum mo, kaa mbii ɗi mo tap le ki̶i̶n ɗiki̶ si, mpeku wu man mbii ɗi wun nlap ɗi ngurum mo katɗang mo tal mee mbii pu wun. 7Tikikus wurin nsatpo wun, nkaa mbii ɗi wan ki̶n c`in mo jir. Wuri a ɗyemni̶ghi̶n funu ɗi muu wal wuri ndi̶ghi̶n Kristi. Wurii c`in ɗak kì̵ nyemso ndang Naan mo, a shi putughup mi̶ndong. Wan ki̶ wuri, mun a ki̶rom kì̵ Daa Jesu ndi̶ghi̶n ɗak fi̶ri. 8Wan ki̶n lop wuri so pe wun ɗi, a mpeku wuri sat ɗi nwun mbii ɗi muu c`in mo jir, ki̶ zak, mpeku wuri caa wun ɗi. 9Unisimus ɗi wuri a nguyil fuu, wuri so ashak ki̶ Tikikus. Mon nsat nwun mbii mo jir, nkaa wan. Unisimus wuri a ɗyemni̶ghi̶n funu, ɗi muu wal nwuri. Wurii c`in ɗak kì̵ nyem so ndang Naan mo a shi putughup mi̶ndong. 10Aristaakus ɗi wuri a shishaghat ashak ki̶ wan, wurii tok ki̶ wun jir. Maak kí̵n kì̵ Barnabas, wurii tok ki̶ wun zak. Wan ki̶n ten ran po nwun nkaa wuri zak. Katɗang wurin nso pe wun ɗi, ɓe wu lap wuri shi putughup mi̶ndong riret. 11Joshuwa ɗi moo pet wuri a Jastus, wurii tok ki̶ wun. Das ɗiikun si mo, moo ɓam wan zam. A mo a nyem Yahudi ɗi moo c`in ɗak ashak ki̶ wan mpesi. Muu sat ngurum mo nee, Naan wuri a mishkagham. 12Abafaras ɗi wuri a ndi̶ghi̶n wun, wurii tok ki̶ wun. Abafaras wuri a ki̶rom kì̵ Jesu Kristi. Wurii c`in aduwa mpee wun shidaar-shidaar. Wurii ɗang pu Naan, mpeku wu ɗar ɗi ɓal-ɓal, ndi̶ghi̶n mbii ɗi mo a mu Naan, mpeku wu man mbii ɗi moo ret ɗi nNaan nyit. Ki̶ zak, mpeku wu ki̶ling ɗoo fi̶ri ɗi, ndi̶ghi̶n mbii mo jir. 13Wan shikáa fi̶na, wan ki̶n naa, kaaɗi wurii c`in ɗak ɓal-ɓal mpee sum fuu. Wun ɗi wun ndi̶ghi̶n Kolosi ki̶ Lodisiya. 14Luk ɗi wuri a nguyen, muu wal nwuri zam, ki̶ Dimas moo tok ki̶ wun. 15Wu tok ki̶ ɗyemni̶ghi̶n funu ɗi mo ndi̶ghi̶n Lodisiya, ki̶ Nimfas, ki̶ nyemso ndang Naan ɗi mo ndi̶ghi̶n tulu fi̶ri. 16Aɓwoon ɗi mo kì̵ tang wasika ɗiisí nwun, ɓe wu le ku mee gurum tang ni ndi̶ghi̶n nyemso ndang Naan ɗi mon nLodisiya zak. Wu tang wasika ɗiisi, ɗi nyemso ndang Naan ɗi mon nyil nLodisiya lop j`i nwun zak. 17Wu sat Arkipus nee, "Wuri kyes ɗak ɗi jí Daa Jesu Kristi c`in nwuri, mpeku wuri c`in ɗi si." 18A wan Pool ki̶n ran wasika ɗiisi nwun shi sar fi̶na. Taji wu mander nee, wan a shishaghat ndi̶ghi̶n lushaghat kas. Ɗiiret kì̵ Naan tong ashak ki̶ wun jir. Amin.

will be added

X\