Ɗak 3

1Parmee puus si, ɓe Pita ki̶ Joon mo kàa Lu kì̵ Naan ɗiiɗes mpee c`in aduwa, kaa karfe kun ɗii mu puus si. 2Ɓe mo kat mee gwar ɗi mo làa wuri a kukut mpolu ni, ɗi moo pet ni a Ɗiiret. Koo puus ɗiiɗang ye ɓe moo mang wuri j`i le ɗi mpolu ni, mpeku wuri ɗang shaghal ɗi pu nyem ɗi moo ɗel ndi̶ghi̶n Lu kì̵ Naan ɗiiɗes ni. 3Kaaɗi wuri naa Pita ki̶ Joon mon ndung ɗel ndi̶ghi̶n Lu kì̵ Naan ni, ɓe wuri ɗang shaghal pu mo. 4Pita ki̶ Joon mo ti̶ghi̶r yit nkaa wuri. Ɗangɓe Pita sat ngwar ni nee, "A naa mun." 5Ɓe wuri leyit nkaa mo, mpeeɗi wuri pan ne, mon nc`in mee mbii wuɗi. 6Pita sat ngwar ni nee, "Ba wan ki̶ mee shaghal azurfa, koo zinariya kas. Amma mbii ɗi wan ki̶ ni, ɓe wan nc`in nwugha. Ndi̶ghi̶n sum kì̵ Jesu Kristi ngu Nazaret, ɓe a yaghal a mwaan." 7Pita yaa sarse kì̵ gwar ni, ki̶ wuri ɗiyeep gwar ni. Ɓe abet-abet, ɓe kwakshii fi̶ri mo, ki̶ ɓaas fi̶ri mo kat ɓal. 8Ɓe gwar ni yaghal mi̶reppee shi shii fi̶ri mo, ki̶ wuri ɗoghom mwaan, har wuri ɗel ndi̶ghi̶n Lu kì̵ Naan ɗiiɗes ni ashak ki̶ mo zak. Wuri mwaan, ki̶ wuri mi̶reppee, ki̶ wuri kwoop Naan. 9Kaaɗi gurum mo naa wurii mwaan, ki̶ wurii kwoop Naan, 10ɓe mo man nee, a gwar ɗi jí moo mang wuri j`i le mpolu kì̵ Naan ɗi mo pet ni a Ɗiiret sí, mpeku wuri ɗang shaghal ɗi pu gurum mo. Ni aapo ngurum ni mo zam, ki̶ ni le ki̶i̶rmuut mo mpee mbii ɗi mo kì̵ c`in ngwar ni. 11Kaaɗi gwar ni wuri ɗiin ndang Pita ki̶ Joon, ɓe ni aapo ngurum ni mo zam, har mo swa so pe mo ɗi ndi̶ghi̶n púk ɗi moo pet ni a mu Solomon. 12Kaaɗi Pita wuri naa aasi, ɓe wuri sat ngurum ni mo nee, "Wun nyem Isreil mo! A me le ɗang bar kì̵ gwar ɗiisi ni aapo nwun ye? A me le ɗang wuu ti̶ghi̶r yit nkaa mun, kaa a shi mee iiko funu, koo a shi mee ɗiiret funu, ɗang mu le gwar ɗiisi mwaan ye? 13A Naan kì̵ Abraham ki̶ mu Aizik ki̶ mu Jekop, ki̶ mu puun funu mo, a wuri le nguɗak fi̶ri Jesu a ɗiiɗes. Jí a wun seet Jesu, ki̶ wu kwar wuri ntoghom kì̵ Pailet, kaaɗi Pailet sat ne, wuɗin mɓwot Jesu. 14Jí wu kwar ngo Ɗiiɓang, ɗi wuri a ngo ɗin ndi̶re, mpeku wu ɗang mo ɓwot a ngutukáa ɗi nwun. 15Wu tu ngo ɗi a wuri a kuk mu seen, ɗi a wurii cín seen ngurum mo. Amma Naan yaghal ki̶ wuri a peemúut, ki̶ mun a langting kì̵ mi̶ni. 16A shi cínzeen ndi̶ghi̶n sum kì̵ Jesu, a ni le ɗang gwar ɗiisi, kat bar. Gwar ɗi wu naa, ki̶ ɗi wu man si. A ndi̶ghi̶n sum kì̵ Jesu, ki̶ cínzeen ɗi ni put pe wuri ɗi, a ni le gwar ɗiisi wuri ɗee a ngukagham ki̶n ndi̶ng-ndi̶ng, a yit fuu jir. 17Yaksi ɗyemnaa mo, wan man nee, mbii ɗi jí wun ki̶ nyemnan fuu mo, wu c`in nJesu, ɓe jí wu c`in ni a mpee ciin man. 18Amma Naan wuri yit ku mo c`in mbii ɗiisi mo jir, a mpeku mo gampo ɗi gyet Naan wuri kì̵ ten sat nsar kì̵ nyemsatpo fi̶ri mo nee, Kristi fi̶ri wurin nshwaajeel. 19Wu tuwap, mpeku wu cighi̶r pe Naan ɗi, mpeku Naan fwo shikbish fuu mo ɗi nwun. Katɗang wu tuwap azeen-nzeen, ɓe Naan wurin nki̶i̶ naa ngam wun shi mbii ɗi mo amu Riin fi̶ri, mpeku taji ni waam wun kas. 20Ki̶ wurin nlop Jesu Kristi, ɗi wuri kì̵ ten bi̶lip wuri mpee wun. 21Wurin ntong ndi̶ghi̶n ɗengnaan, har parɗi Naan cighi̶r ki̶ mbii mo ɗee a ɗin mpoo jir akuɗang. Kaaɗi gyet Naan wuri kì̵ ten tuwoor ni nsar ki̶ nyemsatpo fi̶ri ɗiiɓang mo pugyet ɗi yam si. 22Gyet Mosis wuri sat nee, 'Daa Naan fuu wurin nyaghal ki̶ mee ngusatpo fi̶ri nwun, mɓut nyem fuu mo, kaa wan si.' Ni a ting wu lekom, ku wu ki̶ling mbii ɗi wurin nsat mo ɗi nwun jir. 23Koo a ngo ɗiiɗang ye ɗi ba wurin nlekom ku wuri ki̶ling ngusatpo kì̵ Naan mi̶ni ɗi kas, ɓe mon nshang wuri baa ki̶ ni aku mɓut nyem mu Naan mo. 24Nyemsatpo kì̵ Naan mo jir, yaghal mɓít kì̵ Samuwel, ki̶ nyemsatpo kì̵ Naan ɗi mo j`i mɓwoon fi̶ri zak, mo jir mo kì̵ ten satpo nkaa teer ɗiisi mo. 25Po ɗi gyet Naan wuri tuwoor ni nsar kì̵ nyemsatpo fi̶ri mo ni a mpee wun, ki̶ wun nsekop mu mbii ɗi gyet Naan wuri kì̵ ten tuwoor mpuun fuu mo shi toghom, ki̶ ɗi gyet wuri sat Abraham nee, 'A ndi̶ghi̶n dang fugha, ɓe gurum ɗin ndi̶ghi̶n yil ni mo jir, mon nkat ɗiiret.' 26Kaaɗi Naan wuri bi̶lip nguɗak fi̶ri, ɓe Naan wuri shee lop wuri j`i a pe wun ɗi, mpeku wuri le ɗiiret ɗi nkaa wun, ki̶ mpeku ni cighi̶r ɗi ki̶ koo a weye ndi̶ghi̶n wun, ku wuri yit c`in mbii ɗiiɓish mo ɗi."

will be added

X\