Ɗak 26

1Mishkagham Agrippa wuri sat mPool nee, "Mo cínpee nwugha, mpeku a katpo ɗi shikáa fugha." Aasi ɓe Pool wuri ɗiyeep sar fi̶ri, ɓe wuri satpo mu ɓamkáa fi̶ri. Wuri sat nee, 2"Azeen-nzeen, mishkagham Agrippa, yaksi ɓe ni ɓang nwan zam, mpeeɗi wan katpee satpo mu put ki̶ káa ntoghom fugha cicinsi, nkaa mbii ɗi nyem Yahudi moo c`in kaara fi̶na nkaa mo jir. 3Mpeeɗi wugha ki̶ man ɗes zam, nkaa mi̶se kì̵ mbii ɗi mo a mu nyem Yahudi mo, ki̶ po nkaa mbii ɗi moo ɓi̶lep nkaa ni zak. Mpeemi̶ni wan ɗang pu wugha, a gung ku a ki̶ling mbii ɗi wan nsat mo shi putughup mu naajeel. 4Nyem Yahudi mo jir, mo man tong fi̶na, pugyet wan kuɗi a nzi̶lang. Mɓut nyem fi̶na mo, ki̶ ndi̶ghi̶n Jerusalem zak, har j`i wul ncicinsi. 5Mo man wan pugyet ɗi nshee. Ki̶ katɗang ɓe ɗi moo riɓet langting ni, ɓe ɗi mon nsat nee, azeen wan a ngu Farisi, ɗi ni a mee saghan ɗi mo fes ɗar ɓal-ɓal nkaa seyil nNaan funu ni. 6Yaksi wan ki̶n ɗar mpesi, mpeku mo tokɗiyeel ɗi nwan, a mpeeɗi wan canciin nkaa gam kì̵ po ɗi gyet Naan wuri kì̵ tuwoor nin mpuun funu mo. 7A po ɗi gyet Naan wuri kì̵ tuwoor ni nsaghan funu ɗii kaghapaat baavul si mo, ɗi moo canciin mpee lap ni, ki̶ moo gung mpee seyil nNaan mpar ki̶ puus, mpee canciin ɗiisi. Ɗangɓe nyem Yahudi mo c`in kaara fi̶na, ntoghom fugha mishkagham! 8A me le ɗangɓe ba nyem Yahudi mon mmak cínzeen nee, Naan wurin nyaghal kì̵ nyem ɗi mo kì̵ murap a peemúut kas ye? 9Gyet wan pan shikáa fi̶na nee, wan nc`in mbii ɗi wan mak jir, mpeku wan wat sum kì̵ Jesu ngu Nazaret ɗi. 10Gyet a mbii ɗi wan c`in nJerusalem mi̶ni, har wan ki̶n lap iiko pu pris ɗiinan mo. Gyet wan ki̶n shaghat nyemso ndang Jesu mo ɗes ndi̶ghi̶n lushaghat, ki̶ gyet wan mɓwoon kì̵ nyem ɗi mo twa nyemso ndang Jesu ni mo zak. 11Yit mo ɗes, ɓe wan lejeel nyemso ndang Jesu ni mo ndi̶ghi̶n lu kì̵ Naan mo zak. Gyet wan ki̶n riɓet le ku mo cíipo ne, ba Jesu a Kristi kas. Mpeeɗi gyet wan gyar naa mo nyit bi̶bish zam. Mpeemi̶ni ɓe gyet wan mwaan so mbirni ɗi ba mo a mu nyem Yahudi mo kas, mpeku wan lejeel ɗi nyemso ndang Jesu mo." 12"Parmee puus si, ɓe wan a ar so nDamaskus mpee yak nyemso ndang Jesu ni mo, shi iiko ɗi wan ki̶n lap ni pu pris ɗiinan mo, ki̶ a mo lop wan zak. 13Ɓe kaaɗi puus a naar, mishkagham! Ɓe wan naa mee peeɓang ɗi ni tong aɗeng sham ɓangpee, ɗi ni met ɓangpee mu puus. Ni ɓangpee neer wan cighi̶rkaat ashak ki̶ nyem ɗi mo ashak ki̶ wan. 14Ɓe mun jir mu ɗyong nyil, ɓe wan ki̶ling mee ɗoo ni sat nwan shi li̶po mu nyem Yahudi mo nee, 'Sool, Sool, a me le ɗangɓe wugha aa lejeel nwan ye? Nin nshwal nwugha, ku a cut sak nkaa pokam ɗi piyeek.' 15Ɗangɓe wan tal nee, 'A wugha weye Daa?' Ɓe Daa wuri sat nwan nee, 'A wan Jesu ɗi aa lejeel nwan si. 16Amma a yaghal a ɗar a ting, mpeeɗi wan kám san fi̶na nwugha, a mpeku wugha ɗee ɗi a nguɗak fi̶na, ki̶ nguc`in langting ngurum mo nkaa mbii ɗi wugha naa, ki̶ mbii ɗi wan nkám mo nwugha zak.' 17Wan mɓam wugha nsar kì̵ nyem Isreil mo, ki̶ nsar kì̵ nyem ɗi ba mo a nyem Yahudi mo kas. Wan ndung lop wugha so pe nyem ɗi ba mo a nyem Yahudi mo kas zak. 18Mpeku a wang yit furu mo ɗi. Ku mo yit peenkoo, ku mo ɗel ɗi ndi̶ghi̶n peeɓang. Ki̶ mpeku mo put ɗi mɓut ɓal mu Shetan. Ku mo j`i ɗi pe Naan zak. Mpeku katɗang mo cínzeen, ɓe mon nkat fwo kì̵ shikbish furu mo, ki̶ mon nkat peetong ɗi ashak ki̶ nyem ɗi Naan wuri kì̵ ten bi̶lip mo zak." 19"Mishkagham Agrippa, ba gyet wan kwar c`in mbii ɗi sughun ɗi ni tong aɗeng sham sat nwan kas. 20Gyet wan shee satpo kì̵ Naan ni a nyem Damaskus mo, ɗangɓe wan so kun sat ɗi nyem Jerusalem mo, ki̶ yil ɗi mo neer Judiya jir. Aɓwoon mi̶ni, ɓe wan sat nyem ɗi ba mo a nyem Yahudi mo kas zak. Wan sat mmo tuwap, ku mo cighi̶r pe Naan ɗi, ku mo c`in ɗak ɗi ni kám tuwap furu ni ɗi zak. 21A mpeemi̶ni, ɗangɓe nyem Yahudi mo yaa wan ndi̶ghi̶n Lu kì̵ Naan ɗiiɗes, ki̶ gyet moo tang ar mpee tu wan. 22Amma mpeeɗi wan kat ɓam pe Naan ɗi, a ni le ɗangɓe wan ki̶n ɗar ɗi ntoghom fugha har cicinsi. Wan nkaa satpo Naan ni nyemnan mo, ki̶ jep ɗiiɗween mo jir. Ba wan sat a mee po ɗiici kas, see a po ɗi nyemsatpo kì̵ Naan mo, ki̶ Mosis mo kì̵ ten sat nee, nin nyaghal c`in aasi. 23Nee, ting Kristi wurin nshwaajeel, ki̶ a wuri a ngo ɗin nshee mu yaghal a peemúut zak. A wurin nshee satpo nkaa peeɓang ni nyem Yahudi mo, ki̶ nyem ɗi ba mo a nyem Yahudi mo kas zak." 24Kaaɗi Pool wurin nkaa satpo mpee put ki̶ káa ni, ɓe Festus wuri sat shii ɗoo ɗiiɗes nee, "Pool aa ti̶tar aa? Man fugha nii le wugha ɗee a ngutar." 25Amma Pool lap nee, "Ba wan a ngutar kas Festus, ngo ɗiiret met jir. Wan ki̶n sat a po ɗi mo azeen-nzeen ki̶ ɗi mo a ndi̶re zak. 26Mishkagham wuri man mbii ɗi wan ki̶n sat si mo agaak. Mpeeɗi wan man azeen-nzeen nee, ba mee mbii lagham wugha mɓut mbii ɗiisi mo jir kas. Mpeeɗi ba gyet mo c`in mbii mi̶ni mo a si̶sok kas. 27Mishkagham Agrippa, wugha cínzeen nyemsatpo kì̵ Naan mo me? Wan man nee, wugha cínzeen." 28Mishkagham Agrippa wuri sat mPool nee, "Ndi̶ghi̶n reppee ɗiilee si, ɓe aa riɓet cighi̶r ki̶ wan, kun ɗee ɗi a nguso ndang Jesu me?" 29Pool wuri lap nee, "koo a ndi̶ghi̶n reppee lee. Koo a ndi̶ghi̶n peeɗi ni ɗes, ɓe wan nkaa c`in aduwa nNaan mpee wugha, ki̶ nyem ɗi mo nkaa ki̶ling wan cicinsi jir, mpeku mo tuwap ku mo ɗee ɗi a nyemso ndang Jesu kaa wan si. Amma taji a shi ti̶sek kaaɗi wan ki̶ ni si kas." 30Aɓwoon mi̶ni, ɓe mishkagham wuri yaghal, ki̶ gofna, ki̶ Barnis, ki̶ nyem ɗi moo tong ashak ki̶ mo. 31Ɓe mo so mmee koghop mmusut, ɓe mo ɓeet ki̶ sut nee, "Ba gwar ɗiisi wuri c`in mee mbii ɗiibish ɗi ni mak muut, koo mo le wuri ndi̶ghi̶n lushaghat kas." 32Agrippa wuri sat Festus nee, "Katɗang ɓe ɗi ba gwar ɗiisi wuri kì̵ ɗang mpee so ki̶ ɗiyeel ni pu Siza ɗi kas, ɓe ɗi mon mɓwot wuri."

will be added

X\