Ɗak 25

1Aɓwoon kì̵ shiiteer mo kun, ɗi Festus wuri kì̵ j`i ndi̶ghi̶n yil mu mulki fi̶ri, ɓe wuri yaghal nSizariya kàa nJerusalem. 2Ɓe pris ɗiinan mo, ki̶ nyemnan mu nyem Yahudi mo j`i kì̵ kaara mu mbii ɗiibish mo, ɗi nee, Pool kì̵ c`in mo pe Festus ɗi, mo ɗang pu wuri, 3mpeku wuri ɓam mo ɗi. Moo riɓet ku Festus wuri lop mo j`i ki̶ Pool nJerusalem, mpeeɗi mo kì̵ tap ɗaksut, mpeku mo táa tu Pool ɗi a ar. 4Amma Festus wuri lap mo nee, "Pool wuri a ɓuɓwaghat nSizariya. Wan shikáa fi̶na, wan riɓet yaghal sham nSizariya ni ndi̶ghi̶n shiiteer ɗiisi mo." 5Wuri sat zak nee, "Wu yit ku pak nyemnan-nan mo mɓut nwun, mo sham ashak ki̶ wan, mpeku mo c`in kaara mu mbii ɗiibish ɗi gwar ni wuri kì̵ c`in mo ɗi." 6Aɓwoon ɗi Festus wuri tong ashak ki̶ mo mpee shiiteer mo pokun koo kaghapaat, ɓe wuri yaghal sham nSizariya. Ɓe wuri tong nkaa mbiitong mu tokɗiyeel, ɓe wuri sat ku mo so j`i ki̶ Pool. 7Kaaɗi mo j`i wul ki̶ Pool, ɓe nyem Yahudi mo j`i ki̶ kaara ɗiibish mo ɗes nkaa Pool, ɗi ba mumo shikáa furu mo mak kám agaak zeen kì̵ kaara ni mo kas. 8Pool wuri ɗar ɓal-ɓal mpee ɓamkáa fi̶ri, ɓe wuri sat nee, "Ba wan ki̶n c`in mee mbii ɗiibish kas, koo a nkaa Waar mu nyem Yahudi mo, ki̶ koo a nkaa Lu kì̵ Naan ɗiiɗes ni, ki̶ koo a nkaa Waar mu mishkagham Siza kas koo diɓen." 9Amma mpeeɗi Festus wuri riɓet ku nyem Yahudi mo ɗee a shaar fi̶ri, ɓe wuri tal pu Pool nee, "Kyet aa riɓet kàa nJerusalem, ku wan tokɗiyeel ɗi nwugha mpeemi̶ni nkaa mbii ɗiisi mo wa?" 10Amma Pool wuri sat nee, "Wan nɗar a ntoghom kì̵ mbiitong mu tokɗiyeel mu Siza, a peeɗi ni ret ku mo tokɗiyeel ɗi nwan mni̶ni. Ba wan ki̶n c`in mee shikbish nyem Yahudi mo kas. Wugha shikáa fugha a man azeen-nzeen nee, ba wan ki̶n c`in mee mbii ɗiibish kas. 11Katɗang ɓe ɗi wan ki̶n tep Waar ni, koo c`in mee mbii ɗiibish ɗi ni mak ku mo tu wan, ɓe ɗi ba wan ki̶i̶rmuut ni kas. Amma katɗang ɓe ba mee zeen ɗi ndi̶ghi̶n mbii ɗi nyem ɗiisi moo c`in kaara fi̶na mpee ni kas, ɓe ba mee gurum mak c`in wan nsar kì̵ mo kas. Wan riɓet ku a Siza wuri tokɗiyeel ni nwan." 12Ɗangɓe aɓwoon ɗi Festus wuri ɓeetpo ni ashak ki̶ nyem ɗi moo ɓam wuri nɗiyeel, ɓe wuri sat nee, "Wugha ɗang mpee so pu Siza ɗi! Ɓe wughan nso a pe Siza ɗi." 13Aɓwoon kì̵ shiiteer mo kong, ɓe mishkagham Agrippa ki̶ Barnis mo j`i wul nSizariya, mpeku mo sat mwaanlee ɗi nFestus. 14Mpeeɗi mo kì̵ c`in shiiteer mo ɗes ɗi nSizariya ni, ɓe Festus wuri yakshii kì̵ po nkaa Pool mmishkagham Agrippa, wuri sat nee, "Mee gwar wuri ɗi, ɗi gyet Feliks yit wuri a ɓuɓwaghat nlushaghat. 15Kaaɗi jí wan kàa nJerusalem, ɓe pris ɗiinan mo, ki̶ nyemnan-nan mu nyem Yahudi mo j`i ki̶ kaara nkaa gwar ni pe wan ɗi. Mo ɗang pu wan, mpeku wan canɗiyeel muut ɗi ngwar ni. 16Amma wan lap mmo nee, ba ni a mi̶se kì̵ nyem Rom mo, ku mo canɗiyeel mmee gurum, ɗi mo kì̵ j`i ki̶ kaara fi̶ri pose mo kì̵ cínpee wuri, ku wuri satpo mu ɓamkáa fi̶ri ɗi nluɗiyeel ashak ki̶ nyem le kaara ni mo kas. Amma see mo shee cínpee nwuri, ku wuri satpo mu ɓamkáa fi̶ri ɗi akuɗang mon ncanɗiyeel ni ngwar ni. 17Kaaɗi mo j`i mpesi ashak ki̶ wan, ɓe ba wan waa nɗar ɗi ki̶ po ni kas, amma daɗaar ni, ɓe wan tong nkaa mbiitong mu tokɗiyeel, ɓe wan le ku mo so j`i ki̶ gwar ni. 18Kaaɗi nyem ɗi mo j`i ki̶ kaara kì̵ gwar ni, mo yaghal ɗar satpo, ɓe ba mo sat mee po ɗiibish mo nkaa gwar ni, kaaɗi wan ki̶n pan si kas. 19Amma po ɗi mo sat nkaa wuri ni, a po nkaa pak mbii ɗi mo a mu mi̶se mu seyil nNaan furu, ki̶ po nkaa mee ngo ɗi moo pet sum fi̶ri a Jesu zak. Ɗi nee, wuri kì̵ muut. Ɗangɓe nee, Pool wuri satpo ngurum mo shiɓal nee, Jesu wuri ɗi mmeen. 20Kaaɗi ba wan man mbii ɗi wan nc`in nkaa po ɗiisi ni mo kas, ɓe wan tal pu Pool nee, kyet aa riɓet kàa nJerusalem, ku mo tokɗiyeel ɗi nwugha nkaa mbii ɗiisi mo mpeemi̶ni wa? 21Amma kaaɗi Pool wuri ɗang ne, see a Siza ntokɗiyeel ni wuɗi, ɓe wan le ku mo tap ki̶ wuri riret, har parpuus ɗi wan nlop wuri so pe Siza ɗi." 22Ɗangɓe Agrippa sat nFestus nee, "Wan riɓet ki̶lingpo kì̵ gwar mi̶ni shikáa fi̶na." Festus sat nee, "Daɗaar ɓe wughan nki̶ling wuri." 23Daɗaar ni, ɓe Agrippa ki̶ Barnis mo j`i ndi̶ghi̶n ɗiiɗes furu hakyeng, ɓe mo ɗel ndi̶ghi̶n luɗiyeel ni ashak ki̶ pak sooja ɗiinan-nan mo, ki̶ nyem ɗiinan-nan mu birni ni mo. Ɓe Festus wuri lop mo so j`i ki̶ Pool. 24Ɓe Festus sat nee, "Mishkagham Agrippa, ki̶ wun nyem ɗi wun ashak ki̶ mun jir mpesi. Wu naa gwar ɗiisi, jí nyem Yahudi mo jir, mo kì̵ j`i ki̶ kaara nkaa wuri pe wan ɗi nJerusalem, ki̶ mpesi zak. Jí mon nkaa le or, ki̶ moo sat nee; ba ni ret ku mo yit gwar ɗiisi ɗi mmeen kas. 25Amma ba wan kat wuri kì̵ c`in mee mbii ɗiibish ɗi nin mmak ku mo tu wuri kas. Pool wuri shikáa fi̶ri, wuri ɗang ku mo so ki̶ ɗiyeel fi̶ri ni pu Siza ɗi. Yaksi ɓe wan ki̶n lepan mpee lop Pool so pu Siza ɗi. 26Amma ba wan man zeen kì̵ mbii ɗi wuri c`in ni, ɗi wan nran Agustus nkaa ni kas. Mpeemi̶ni wan j`i ki̶ wuri ntoghom fuu, met jir, ɓe a ntoghom fugha mishkagham Agrippa, mpeku aɓwoon ɗi mo bi̶lip po fi̶ri ni, ɓe wan kat mee mbii ɗi wan nran so ɗi Agustus. 27Mpeeɗi wan naa ni ɗee a kaa ɗak mwen si, ku mo lop mee gurum so a ɓuɓwaghat, ba ashak ki̶ satpo nkaa mbii ɗiibish ɗi ngo ni c`in kas."

will be added

X\