Ɗak 24

1Aɓwoon ki̶ shiiteer mo paat, ɓe Ananiyas pris ɗiiɗes, wuri j`i ashak ki̶ pak pris ɗiinan mo, ki̶ mee Looya ɗii sum fi̶ri a Tertulus, mo c`in kaara kì̵ Pool pe gofna ɗi. 2Kaaɗi mo pet Pool, ɓe Tertulus wuri ɗoghom satpo nkaa Pool nee, "Wugha Feliks ngo ɗiiret met jir. A mpee wugha, ɗangɓe muu tongriyang, hakyeng, ki̶ a mpee ɗak ɗiiret fugha mo zak, ɗangɓe yil funu ɗiisi ni ɗee a ɗii ɗi̶ɗak, koo a pee ɗiiɗang ye. 3Mbii ɗi a c`in ni mo, ɓe mu pi̶lang ɗes zam, koo neye, ɓe gurum moo pi̶lang wugha. 4Amma mpeku taji wan le ku a yaghal a wet a tong mpesi kas, ɓe wan ɗang pu wugha mpee ɗiiret fugha, a lekom ku a ki̶ling mun ɗi mpee reppee lee. 5Mu kat gwar ɗiisi wuri a nguwatpee, ki̶ wuri le bi̶lep ɗiibish yaghal nnaar ki̶ nyem Yahudi mo. Koo pee ɗiiɗang ye ndi̶ghi̶n yil ni. Ki̶ wuri a nguti̶leng mu saghan mu nyem Nazarin mo zak. 6Har gyet wuri riɓet le Lu kì̵ Naan ɗiiɗes ni ɗee a mbii ɗiibuu, amma mu yaa wuri. [Muu riɓet tokɗiyeel nwuri a shi waar funu mo. 7Amma gyet komanda Lisiyas wuri j`i ɗul wuri put shiɓal nsar funu. 8Ɓe Lisiyas wuri sat nyem ɗi mo ki̶ po nkaa wuri ni, ku mo j`i pe wugha ɗi. Katɗang wugha talpo mo nkaa mbii ɗi muu sat si mo shikáa fugha pu wuri, ɓe wughan mman zeen kì̵ po ɗiisi mo jir, ɗi muu j`i ki̶ mo nkaa wuri."] 9Nyem Yahudi mon mɓwoon kì̵ po ɗi Looya ni wuri sat, har mo c`in langting nee, po ɗi Looya wuri sat ni mo zeen jir. 10Ɗangɓe gofna wuri sel sar mPool, mpeku wuri katpo ɗi. Ɓe Pool wuri sat nee, "Wan man nee, wugha kì̵ c`in ɓit mo ɗes, ɓe wugha nkaa tokɗiyeel nyem ɗiisi mo. Mpeemi̶ni ɓe wan satpo ɗiisi ni a shi retnyit, mpee put ki̶ káa fi̶na. 11Wugha shikáa fugha a mak bi̶lip shii kì̵ ni, ɓe wughan mman nee, mɓut teer ɗi mo ɗel kaghapaat baavul si mo, ɓe gyet wan kàa nJerusalem mpee seyil nNaan. 12Ba nyem Yahudi mo kì̵ kyam kat wan mpo ki̶ mee gurum ndi̶ghi̶n Lu kì̵ Naan ɗiiɗes kas, ki̶ ba mo kì̵ kyam kat wan le mee gurum c`in tawai kas, koo a ndi̶ghi̶n Lu kì̵ Naan mo, ki̶ koo a ndi̶ghi̶n birni ni kas zak. 13Ki̶ zak, ba mon mmak kám nwugha agaak azeen-nzeen nkaa mbii ɗi moo c`in kaara fi̶na pu wugha yaksi ni kas. 14Amma ni azeen-nzeen, wan ki̶n seyil nNaan kì̵ puun funu mo a ndi̶ghi̶n ar ɗi mumo ki̶ pet ni a ɗung. Wan ki̶n seyil nNaan kì̵ puun funu mo, ki̶ wan cínzeen mbii ɗi mo kì̵ ran mo ndi̶ghi̶n takarda kì̵ Mosis mo jir. Ki̶ mbii ɗi mo ran mo ndi̶ghi̶n takarda kì̵ nyemsatpo kì̵ Naan mo zak. 15Wan ki̶ canciin ndi̶ghi̶n Naan, kaaɗi mumo ki̶ canciin ndi̶ghi̶n Naan si zak nee, mon nyaghal kì̵ gurum mo a peemúut jir, nyem ɗin ndi̶re mo, ki̶ nyemɗiibish mo zak. 16A mpee canciin mi̶ni, ɗangɓe wan ndung gung, mpeku wan tong ɗi shi mi̶se ɗiiret ntoghom kì̵ Naan, ki̶ ntoghom kì̵ gurum mo shidaar-shidaar. 17"Aɓwoon ki̶ ɓit mo kong, ɓe wan j`i ki̶ shaghal mpee ɓam nyem fi̶na mo, ki̶ mbii mo mpee wus mbiizughum nNaan zak. 18Kaaɗi wan nkaa c`in mi̶ni, ɓe mo j`i kat wan ndi̶ghi̶n Lu kì̵ Naan ɗiiɗes ni, ɓe wan ki̶n lesan a ɗiiɓang. Ɓe ba mo kat wan ashak ki̶ mee kuur gurum mo, ɗi mun nkaa fwo or, koo wat mee mbii mo kas. Gyet pak nyem Yahudi ɗi mo pwat nEshiya mo ɗi. 19Katɗang ɗi mo ki̶ mee po nkaa wan, ɓe ɗi ni ret ku nyem Yahudi ɗi mo pwat nEshiya si, mo ɗi ntoghom fugha, mpee j`i ki̶ kaara fi̶na ni. 20Wan riɓet ku nyem ɗi mon mpesi shikáa furu ku mo sat mbii ɗiibish ɗi jí mo kat ni ndi̶ghi̶n wan, kaaɗi jí wan ɗar ntoghom kì̵ nyemɗiyeel mo si ɗe. 21See a mbii mi̶ndong, ɗi jí wan ɗiyeep ɗoo fi̶na nnaar furu, ɓe wan sat mmo nee, 'A mpee po nkaa yaghal a peemúut, ɗang wun ndung tokɗiyeel nwan ntoghom fuu cicinsi, ɓejee ɗak.' " 22Amma mpeeɗi Feliks wuri pan man po nkaa Ar ni riret, ɓe wuri ɗar ki̶ ɗiyeel ni. Wuri sat nee, "Katɗang parpuus ɗi Lusiyas komanda mu sooja mo wuri j`i wul, ɓe wan nsi̶ghi̶t naa po fuu ni." 23Wuri sat ngo ɗiiɗes nkaa sooja mo, ku wuri tap ki̶ Pool, amma wuri cínpee mPool, ku taji mo daampee nshaar kì̵ Pool mo mpee j`i c`in ɓam nwuri kas. 24Aɓwoon kì̵ pak shiiteer mo, ɓe Feliks wuri j`i ashak ki̶ mat fi̶ri Drusila, ɗi wura a reep Yahudi. Ɓe wuri lop mo so j`i ki̶ Pool. Feliks wuri lekom ku wuri ki̶ling po ɗi Pool nkaa sat ni, ɗi ni a mu cínzeen ndi̶ghi̶n Jesu Kristi. 25Pool wuri satpo nkaa tong ɗin ndi̶re-ndi̶re, ki̶ gurum yaashin, ki̶ po nkaa tokɗiyeel ɗi nin ndung j`i. Ɓe ki̶i̶rmuut yaa Feliks, har wuri sat mPool nee, "A mak so yaksi aku, katɗang parpuus ɗi wan katpee, ɓe wan mpet wugha zak." 26Feliks wuri lepan nee, ntong Pool wurin ncín a shaghal nɗi, a ni le ɗang wuri naa mpet Pool shidaar-shidaar, mpeku wuri katpo ɗi ki̶ wuri. 27Aɓwoon kì̵ ɓit mo vul, ɓe Porsiyus Festus wuri ɗee a gofna a koppee kì̵ Feliks. Gyet a mpeeɗi Feliks wuri riɓet ku nyem Yahudi mo ɗee a shaar fi̶ri mo, a ni le ɗang gyet wuri yit Pool ndi̶ghi̶n lushaghat.

will be added

X\