Ɗak 2

1Kaaɗi parpuus Pentikos ni wul, ɓe nyemcínzeen ni moo kuur ashak a peemi̶ndong jir. 2Ɓe, nɗin mman, ɓe mee ɗoo ɗi nii cutpee kaa kut ɗiiɓal-ɓal si, ni tong a ɗeng sham gam lu ɗi moo tong ɗi jir. 3Ɓe mo naa mee mbii kàa mbi̶lem wus si, ni shamlang nkaa koo weye ndi̶ghi̶n mo. 4Mo gam mo jir shi Riin Ɗiiɓang, har mo ɗoghom katpo mo shi li̶po mo shini-shini, kaaɗi Riin Ɗiiɓang kám mmo si. 5Ndi̶ghi̶n shiiteer mi̶ni mo, ɓe pak nyem Yahudi mo ndi̶ghi̶n Jerusalem ɗi moo ki̶i̶r Naan mo ɗi, ki̶ ɗi mo pwat ndi̶ghi̶n yil mo shini-shini jir, mo j`i nJerusalem. 6Kaaɗi gurum mo ki̶ling ɗoo ni, ɓe ɗuu kì̵ gurum ni mo kuur a peeshak. Ni aapo ngurum ni mo, mpeeɗi koo a ngo ɗiiɗang ye, ɓe wuri ki̶ling nyemcínzeen ni mo nkaa katpo shi li̶po mu yil fi̶ri. 7Ni le ki̶i̶rmuut, ki̶ ni aapo mo, ɓe mo sat nee, "Nyem ɗi moo katpo si mo jir, a nyem Galili mo. 8Cirang ɗangɓe koo a ngo ɗiiɗang ye ndi̶ghi̶n mun, ki̶ ki̶ling mo nkaa satpo shi li̶po mu yil fi̶ri ye? 9Mun mu tong a nyil mPartiya, ki̶ Medis, ki̶ Elam, ki̶ nyem ɗi mo tong ndi̶ghi̶n Mesopotamiya, ki̶ Judiya, ki̶ Kapadosiya, ki̶ Pontus, ki̶ Eshiya, 10Ki̶ Firjiya, ki̶ Pamfiliya, ki̶ Ijip, ki̶ nkoghop Libiya, kus ki̶ Sairin, ki̶ pak funu mo a mi̶zep ɗi mo tong nyil nRom j`i ɗi. 11(Mo a nyem Yahudi mo, ki̶ nyem ɗi mo jí ɗi̶ɗel ndi̶ghi̶n nyem Yahudi mo). Ki̶ nyem Kritan mo, ki̶ nyem Arab mo. Muu ki̶ling mo nkaa satpo nkaa mbii aapo ɗiinan-nan ɗi Naan wuri kì̵ c`in mo shi li̶po mu yil funu mo." 12Ni aapo mmo, ki̶ ni ɗi̶ghi̶m mo jir, ki̶ moo sat ki̶ shak nee, "A me a shii kì̵ mbii ɗiisi ye?" 13Amma pak gurum mo nwangpo mmo, ki̶ mo sat nee, "Nyem ɗiisi mo kì̵ aghar a am anab." 14Ɗangɓe Pita yaghal ɗar a ting ashak ki̶ jeplop ɗii kaghapaat baami̶ndong si mo, ɓe wuri ɗiyeep ɗoo fi̶ri shiɓal, ɓe wuri sat nɗuu kì̵ gurum ni mo nee, "Wun nyem Yahudi mo, ki̶ wun nyem ɗi wuu tong nJerusalem jir. Wu lekom ku wan sat shii kì̵ mbii ɗiisi mo ɗi nwun. 15Ba nyem ɗiisi mo kì̵ aghar a am anab ku ni yughur mo kaaɗi wuu pan si kas, mpeeɗi pee ni kuɗi a karfe pofeer ɗii mu ɓít nɗiisi ɓejee ɗak. 16Amma, ɗiisi ni a mbii ɗi gyet ngusatpo kì̵ Naan Jowel wuri kì̵ ten sat si nee, 17Naan wuri sat nee: 'Ndi̶ghi̶n shiiteer mu kyes ni mo. Ɓe wan nɗoo Riin fi̶na nkaa gurum mo jir. Jep fuu ɗiimish mo, ki̶ ɗiimat mo, mon nsatpo Naan ngurum mo, ki̶ mbii ɗi mon ndung j`i akiyeen. Zi̶lang fuu mon nnaa mbii ɗiisi̶sok mo, ɗi Naan wuri riɓet kám ni mmo. 18Ii, har ndi̶ghi̶n teer mi̶ni mo, ɓe wan nɗoo Riin fi̶na nkaa ki̶rom fi̶na ɗiimish mo, ki̶ ɗiimat mo. Ɓe mon nsatpo fi̶na, ki̶ mbii ɗi mon ndung j`i akiyeen zak. 19Wan nc`in mbii lukshik mo aɗeng, ki̶ wan nc`in mbii aapo mo ndi̶ghi̶n yil ni, ɗi toghom ki̶ wus, ki̶ ɗiyeel, mon nwoo kàa guut-guut. Akuɗang puus ɗiiɗes, ki̶ ɗiihai mu Daa nin nj`i, ɓe 20Puus nin ncighi̶r ɗee a peenkoo, ki̶ tar nin ncighi̶r ɗee a toghom zak. 21Parmi̶ni, ɓe koo a ngo ɗiiɗang ye, ɗi wuri pet sum kì̵ Daa ɓe a wurin nkat ɓam.' 22"Wun nyem Isreil mo! Wu lekom ku wu ki̶ling po ɗiisi mo ɗi. Jesu ngu Nazaret, ngo ɗi Naan kat retnyit ki̶ wuri, ki̶ ɗi Naan wuri c`in mbii lukshik mo, ki̶ mbii aapo mo ki̶ alama mo nsar fi̶ri a yit fuu. Wun shikáa fuu wu man nee, mbii ɗiisi mo c`in aasi. 23A Jesu ɗiisi ɗi mo seet wuri nsar fuu. Mpeeɗi a Naan wuri kì̵ ten le, ki̶ wuri man ne, nin nc`in aasi. A wun wu tu wuri, mpeeɗi a wun wu le, ku nyemshikbish mo pwas wuri nkaa shiyeep. 24Amma Naan yaghal ki̶ Jesu a peemúut, ki̶ wuri fwoon Jesu ndi̶ghi̶n jeel mu muut, mpeeɗi ba muut nin mmak yaa wuri le ntughun ni kas. 25Mpeeɗi gyet Devid kì̵ ten satpo nkaa Jesu nee: 'Wan ki̶n naa Daa wuri ashak ki̶ wan shidaar-shidaar. Mpeeɗi wuri kus ki̶ wan, ɓe ba mee mbii nkyam daampee nwan kas. 26Mpeemi̶ni, ɓe putughup fi̶na ni gam ki̶ retnyit, ki̶ ni ret nwan nyit zam. Har putughup fi̶na nii tong ndi̶ghi̶n canciin zak. 27Mpeeɗi ba wughan mmak yit seen fi̶na ndi̶ghi̶n ki̶cir kas, ki̶ ba wughan mmak yit Ngo Ɗiiɓang fugha wuri naa wam ndi̶ghi̶n ki̶cir kas. 28Wugha kì̵ ten kám ar ɗi mo a mu seen nwan. Ki̶ wughan ngam putughup fi̶na shi retnyit ntoghom fugha zak.' 29"Ɗyemnaa mo, wu lekom, ku wan satpo ɗi nwun riret nkaa puunkaam funu Devid, ɗi gyet wuri muut, ɓe mo wum wuri, ki̶cir fi̶ri ni ɗi mpesi har cicinsi. 30Gyet wuri a ngusatpo kì̵ Naan, ki̶ wuri man mbii ɗi Naan kì̵ ten tuwoorpo shi ɓi̶lemcuk nee, wurin nyaghal le memee ndi̶ghi̶n dang fi̶ri mo, ku wuri ɗee ɗi a mishkagham kaa Devid si. 31Gyet Devid wuri kì̵ ten naa mbii ɗi Naan wurin nyaghal c`in akiyeen, aasi ɓe, wuri satpo nkaa yaghal kì̵ Kristi a peemúut nee. Ba Naan nyit wuri a peemúut kas, ki̶ ba shin fi̶ri nin nwam ndi̶ghi̶n ki̶cir kas. 32A Jesu ɗiisi ɗi Naan kì̵ yaghal ki̶ wuri a peemúut, ki̶ mun si jir, mun a langting ne Jesu kì̵ yaghal a peemúut. 33Mo kì̵ le Jesu a ɗiiɗes, har wuri tong nsarse kì̵ Naan, ki̶ wuri lap Riin Ɗiiɓang pu Naan kaaɗi gyet wuri kì̵ tuwoor si. Mbii ɗi wuu naa, ki̶ ɗi wuu ki̶ling si, a zughum mu Riin Ɗiiɓang ɗi wuri kì̵ ɗoo sham nkaa mun. 34Ba gyet Devid wuri kì̵ kàa aɗeng kas, amma wuri shikáa fi̶ri wuri sat nee: 'Daa wuri sat nDaa fi̶na nee, A tong nsarse fi̶na. 35Har wan le shaarlek fugha mo ɗee a mbii leshii nwugha.' 36"Mpeemi̶ni, wu yit ku nyem Isreil mo jir, mo man azeen-nzeen nee, Wan ki̶n satpo a nkaa Jesu ɗi wu pwas wuri si. Amma Naan kì̵ le wuri ɗee a Daa, ki̶ Kristi zak." 37Kaaɗi gurum ni mo ki̶lingpo mi̶ni, ɓe ni ɓiyang putughup furu mmo hakyeng, har mo sat mPita ki̶ kaghar jeplop ni mo nee, "Ɗyemnaa mo, mun nc`in a meye?" 38Ɓe Pita lap mmo nee, "Wu tuwap, mpeku mo c`in baptisma ɗi koo ngo ɗiiɗang ye ndi̶ghi̶n wun, ndi̶ghi̶n sum kì̵ Jesu Kristi, mpeku Naan fwo shikbish fuu mo ɗi nwun. Ɓe wun nlap Riin Ɗiiɓang shi zughum zak. 39Po ɗi mo tuwoor ni, a mpee wun, ki̶ jep fuu mo, ki̶ mpee nyemɗiijong mo jir, ki̶ koo a ngo ɗiiɗang ye ɗi Daa funu Naan wurin mpet zak." 40Shi po mo ɗes, ɓe wuri satpo mmo ɓal-ɓal, ki̶ wuri sat mmo nee, "Wu ɓamkáa fuu mo mɓut kar ɗi nin ndung j`i nkaa nyemɗiibish ɗin ny`iicinsi mo." 41Nyem ɗi mo cínzeen po ɗi wuri sat ni, ɓe mo c`in baptisma mmo, har parpuus mi̶ni, ɓe mo kat gurum mo ɗiki̶ kaa duɓu kun si. 42Moo tong ashak shidaar-shidaar mpee ki̶ling kám kì̵ jeplop kì̵ Jesu mo, ki̶ shaar ashak, ki̶ moo sese ashak, ki̶ c`in aduwa nNaan ashak zak. 43Jeplop kì̵ Jesu ni mo, c`in mbii aapo mo ki̶ mbii lukshik mo ɗes, har ni le ku gurum mo ki̶i̶r Naan zam. 44Nyem ɗi mo cínzeen nJesu jir, ɓe mo ɓàlkáa furu mo ashak, ki̶ mo le mbii furu mo ashak jir, a peemi̶ndong. 45Mo si̶rep mbii furu mo, ki̶ long furu mo jir, mpeku mo ɓàk ɗi ashak, har koo a weye, ɓe ba wuri kat mee mbii jee nwuri kas. 46Koo puus ɗiiɗang ye ɓe moo so kuur ashak, ndi̶ghi̶n Lu kì̵ Naan ɗiiɗes ni, ki̶ moo se mbiise furu mo ashak ndi̶ghi̶n tulu furu mo shi retnyit hakyeng, ki̶ shi putughup ɗiimi̶ndong. 47Moo kwoop Naan, ki̶ gurum moo kat retnyit ki̶ mo. Koo a puus ɗiiɗang ye, ɓe Daa wurii j`i ki̶ nyem ɗi moo kat ɓam ɗiki̶ mmo.

will be added

X\