Ɗak 15

1Pak gurum mo tong nJudiya mo j`i Antiyok, ɓe mo j`i kám nyemso ndang Jesu ni mo nee, "Katɗang ba mo can wun, kaaɗi Waar kì̵ Mosis sat si kas, ɓe ba wun mmak kat ɓam kas." 2Pool ki̶ Barnabas mo c`in ɓeetshik ɗes ki̶ mo, nkaa kám mi̶ni. Aasi ɓe, mo bi̶lip Pool ki̶ Barnabas ki̶ pak gurum mo ndi̶ghi̶n nyemcínzeen ni mo, ku mo so nJerusalem pe jeplop mo ɗi, ki̶ nyemnan mu Eki̶lisya mo, mpeku mo so ɓeetpo ɗiisi ni ɗi. 3Eki̶lisya mo sel mo, ɓe mo taa mer nyil nFonisha ki̶ Sameriya. Mon nkaa satpo tuwap mu nyem ɗi ba mo a nyem Yahudi mo kas, ki̶ kaaɗi mo le putughup furu mo pe Naan ɗi. Po ɗiisi ni j`i ki̶ retnyit nyemso ndang Jesu ni mo hakyeng. 4Kaaɗi mo wul nJerusalem, ɓe nyemso ndang Jesu mo ki̶ jeplop mo, ki̶ nyemnan-nan mo, mo kaat mo. Ɓe mo yakshii kì̵ mbii ɗi Naan wuri c`in ashak ki̶ mo jir. 5Amma pak nyemcínzeen ɗi mo a mu ar kì̵ nyem Farisi mo, mo yaghal ki̶ po nee, "Ni ret ku ting mo can nyem ɗi ba mo a nyem Yahudi mo kas, ki̶ ni a ting mo tap kì̵ Waar kì̵ Mosis riret zak." 6Jeplop mo, ki̶ nyemnan-nan mu Eki̶lisya ni, mo kuur ashak, mpeku mo naashii kì̵ po ɗiisi ni ɗi. 7Aɓwoon ɗi mo kì̵ ɓeetshii kì̵ po ni ɗes nder-nder hakyeng, ɓe Pita wuri yaghal ɗar ating, ɓe wuri sat mmo nee, "Ɗyemnaa mo! Wu man nee, Naan wuri shee bi̶lip wan mɓut nwun, mpeku wan satpo ɗiiret ni ɗi nyem ɗi ba mo a nyem Yahudi mo kas, ku mo cínzeen ɗi. 8Naan ɗi wuri man putughup kì̵ gurum mo jir, wuri kám agaak nee, wuɗi kì̵ lap mo, kaaɗi wuri cín Riin Ɗiiɓang mmo, ntiit ki̶ ɗi jí wuri kì̵ cín mmun si zak. 9Ba Naan wuri ɓàkyit mmun ki̶ mo kas. Wuri vwang shikbish ɗin ndi̶ghi̶n putughup furu mo, a mpeeɗi mo cínzeen. 10Mpeemi̶ni yaksi, ɓe a me le ɗangɓe wuu kyam Naan ye? Wun nkaa le lée ɗiitoghon nkaa took kì̵ nyemso ndang Jesu mo, ɗi koo a puun funu mo, ki̶ mun, ɓe ba mu mak mang lée ni mo kas. 11Waash! Mu cínzeen nee, a mpee ɗiiret kì̵ Daa funu Jesu, ɗangɓe mu kat ɓam, kaaɗi mo kat ɓam ni si zak." 12Kuur kì̵ gurum ni mo ɗok titik, ki̶ mo lekom mpee ki̶lingpo kì̵ Barnabas, ki̶ Pool, kaaɗi mo nkaa satpo mmo nkaa mbii lukshik mo, ki̶ mbii aapo mo, ɗi Naan wuri le ku Pool ki̶ Barnabas mo c`in, ndi̶ghi̶n nyem ɗi ba mo a nyem Yahudi mo kas. 13Aɓwoon ɗi mo kyes satpo ni, ɓe Jemis wuri sat nee, "Ɗyemnaa mo, wu lekom ku wu ki̶ling wan ɗi. 14Pita wuri kì̵ satpo nwun nkaa wal ɗi Naan wuri shee kám ni nyem ɗi ba mo a nyem Yahudi mo kas. Wuri shwat pak mo ndi̶ghi̶n mo, mpeku mo ɗee ɗi a nyem fi̶ri mo. 15Ɗiisi ni a ntiit kì̵ po kì̵ nyemsatpo kì̵ Naan mo, ɗi mo kì̵ ten ran ni ndi̶ghi̶n takarda kì̵ Naan nee: 16'Aɓwoon ɗiisi ɓe wan mbaaj`i. Mpeku wan baa ɗi ki̶ lu mu Devid ɗi ni shirip si ɗi. Wan mbaa ɗiyeep kì̵ rom lu ɗi mo kì̵ shirip ni zak. 17Mpeku kaghar gurum mo jir, ɓe mo j`i tang Daa ɗi, ki̶ jir nyem ɗi ba mo a nyem Yahudi mo kas, ɗi wan ki̶n pi̶rep mo, mpeku mo ɗee ɗi a nyem fi̶na mo. 18A Daa wuri sat aasi! Wuri kì̵ ten le ku mbii ɗiisi mo ɗee a ɗiimi̶man pugyet ɗi yam.' 19"Mpeemi̶ni, nnaa mi̶na, ɓe taji wu le ni luk nyem ɗi ba mo a nyem Yahudi mo kas, ɗi mo cighi̶r ki̶ putughup furu mo pe Naan ɗi. 20Amma mu ran wasika mmo, mpeku mu sat ɗi mmo nee. Taji mo se mee mbiise ɗi mo kì̵ ten cín nk`um kas. Ki̶ taji mo c`in ngaa kas. [Taji mo se luwa mu long ɗi mo mweer took ni kas.] Ki̶ taji mo se toghom kas zak. 21Mpeeɗi mo kì̵ tang Waar kì̵ Mosis ni puji ɗi yam, koo a parpuus Nookɗi ɗiiɗang ye ndi̶ghi̶n lu kì̵ Naan ni mo jir, ki̶ ndi̶ghi̶n birni ni mo jir zak." 22Jeplop ni mo, ki̶ nyemnan-nan mo, ki̶ nyemcínzeen ni mo jir, mo naa nee, ni ret ku mo bi̶lip pak gurum mo nnaar furu, mpeku mo lop mo so Antiyok ashak ki̶ Pool ki̶ Barnabas. Ɗangɓe mo bi̶lip Judas ɗi moo pet wuri a Barsabbas, ki̶ Silas zak, ɗi mo a ɗiinan-nan mɓut nyemcínzeen ni mo. 23Ɓe mo lop mo so ashak ki̶ wasika ɗi ni sat nee. Jeplop mo, ki̶ nyemnan-nan mu Eki̶lisya mo, mun ɗyemni̶ghi̶n fuu mo, muu lop tokshik funu ɗiiɗes so pe wun ɗyemni̶ghi̶n funu, nyemso ndang Jesu mo, ɗi ba wun a nyem Yahudi mo kas. Ɗi wuu tong ndi̶ghi̶n yil Antiyok, ki̶ Siriya, ki̶ Silisiya. 24Mu ki̶ling nee, pak gurum mo ndi̶ghi̶n nyem ɗi mo pwat pe mun ɗi, mo kì̵ so daampee nwun shi po mo, ki̶ moo ringshii nwun. Ɓe ba a mun mu lop mo kas. 25Kaaɗi mu kuur ashak, ɓe po funu mo so ndangshak, ɓe mu naa ne, ni ret ku mu bi̶lip pak gurum mo, mpeku mu lop mo so pe wun ɗi. Mo so ashak ki̶ shaar funu Barnabas ki̶ Pool. 26Mo kì̵ cín seen furu mo mpee c`in ɗak mu Daa funu Jesu Kristi. 27Mpeemi̶ni, mu lop Judas ki̶ Silas so pe wun ɗi. Mo shikáa furu, mon nyakshii kì̵ mbii ɗi mu ran ndi̶ghi̶n wasika ni nwun shi po. 28Mpeeɗi Riin Ɗiiɓang wuri naa ni ret, ki̶ mun mu naa ni ret aasi zak, mpeku taji mo le mee lée ɗiitoghon nkaa wun, waa met mbii ɗiisi mo kas. 29Taji wu se mbiise ɗi mo kì̵ ten cín nk`um kas, ki̶ taji wu se luwa ashak ki̶ toghom kas. [Taji wu se luwa mu long ɗi mo mweer took ni kas,] ki̶ taji wu c`in ngaa kas. Katɗang ba wuu c`in mbii ɗiisi mo kas, ɓe ni ret zam. Ɗang mukaat. Wu tongriyang. 30Mo lop nyemlop ni mo so, ɓe mo so Antiyok, a peeɗi kuur mu nyemso ndang Jesu mo ɗi ashak, ɓe mo cín wasika ni mmo. 31Kaaɗi mo tang wasika ni ngurum ni mo, ɓe mo kat retnyit zam, mpeeɗi po ni fes cínɓal mmo zam. 32Mpeeɗi Judas ki̶ Silas, mo a nyemsatpo kì̵ Naan mo zak, ɓe mo cínɓal ngurum ni putughup zak. 33Aɓwoon ɗi mo kì̵ c`in rep teer mo ɗin Antiyok ni, ɓe nyemso ndang Jesu ni mo sel mo riyang, mpeku mo baa ɗi pe nyem ɗi jí mo lop mo. 34[ Amma Silas wuri naa ne ni ret ku wuɗi tong ɗi mpeemi̶ni.] 35Amma Pool ki̶ Barnabas mo tong ndi̶ghi̶n Antiyok mpee rep teer mo. Mon nkaa kám, ki̶ mo nkaa satpo kì̵ Daa, ashak ki̶ pak gurum mo ɗes zak. 36Aɓwoon kì̵ shiiteer mo kong, ɓe Pool wuri sat Barnabas nee, "Ni ret ku mu baa mu so, mpeku mo tok ɗi ki̶ nyemso ndang Jesu mo ndi̶ghi̶n koo a birni ɗiiɗang ye." 37Barnabas wuri riɓet ku mo so ashak ki̶ Joon ɗi moo pet wuri a Maak. 38Amma Pool wuri naa nee, ba ni ret ku wuri so ashak ki̶ mo a peeɗak ni kas. Mpeeɗi jí wuri ki̶ su yit mo ɗi nyil mPamfiliya ki̶ ba wuri sekiyeen ashak ki̶ mo ndi̶ghi̶n ɗak ni kas. 39Ɗangɓe ɓeetshik yaghal mon nnaar, har mo ɓàkshak. Barnabas wuri mang Maak ashak ki̶ wuri, ɓe mo ɗel ndi̶ghi̶n jirgi am, ku mo so ɗi nSaiprus. 40Amma Pool wuri bi̶lip Silas. Ɓe aɓwoon ɗi nyemso ndang Jesu mo kì̵ c`in aduwa, ɓe mo le mo nsar kì̵ ɗiiret mu Daa Naan, ɓe mo pwat so. 41Pool wuri ɗel so ndi̶ghi̶n yil nSiriya ki̶ Silisiya, wuri nkaa cínɓal mputughup nyemso ndang Jesu ɗi mon mpeemi̶ni jir.

will be added

X\