Ɗak 12

1Ndi̶ghi̶n teer mi̶ni mo, ɓe mishkagham Herot wuri ɗoghom lejeel ɗiinaat nkaa pak nyemso ndang Jesu ni mo. 2Wuri tu Jemis, ɗyemni̶ghi̶n kì̵ Joon shi kwai. 3Kaaɗi mishkagham Herot wuri naa muut kì̵ Jemis ni ret nyem Yahudi mon nyit, ɓe wuri waa baa yaa Pita zak. Ɗiisi ni c`in a ntiit ki̶ ɗi moo se mbiise retnyit mu bred ɗi ba ni ki̶ yist kas ɗi. 4Kaaɗi Herot yaa Pita, ɓe wuri le wuri ndi̶ghi̶n lushaghat, nsar kì̵ sooja mo kaghapaat baapeemee, mpeku mo tap wuri ɗi riret. Herot wuri lepan nee, wurin mput ki̶ Pita ntoghom kì̵ gurum mo aɓwoon kì̵ retnyit ni. 5Kaaɗi Pita ɗi a ɓuɓwaghat ndi̶ghi̶n lushaghat ni, ɓe nyemso ndang Jesu mon nkaa c`in aduwa hakyeng, mpee wuri. 6Ɗangɓe mpar, ɗi daar ɓe Herot wurii nlepan mpee put ki̶ Pita, mpeku wuri lejeel ɗi wuri. Ɓe Pita wuri nsaam nnaar kì̵ sooja mo vul. Mo ɓwaghat wuri shi ti̶sek mo vul. Nyemtappee mo ɗi mpo lushaghat ni, mon nkaa tappee riret. 7Ɓe ngulop kì̵ Daa j`i ɗar pe Pita ɗi, ɓe peeɓang ni ɓangpee ndi̶ghi̶n lu ni. Ngulop kì̵ Daa wuri cut Pita nkoghop, wuri mii Pita, ɓe wuri sat nee, "A yaghal kyen" Ɓe ti̶sek ɗi mon nsar fi̶ri mo ɓeer nyil. 8Ngulop ni sat nwuri nee, "A lop lee fugha, ki̶ a jwal kwaghazak fugha mo." Ɓe Pita wuri c`in mbii ɗi ngulop ni sat. Ngulop ni sat nwuri zak nee, "A sup mbiisup fugha. A j`i ndang wan." 9Pita wuri put so ndang ngulop ni. Ba wuri man nee, mbii ɗi ngulop ni wuri c`in ni azeen kas. Mpeeɗi wuri pan nee wuɗi a nsughun. 10Kaaɗi mo ɗel nyemtappee ɗin nshee mo, ki̶ ɗiivul mo, ɓe mo j`i wul mpolu ɗi mo ɗak ni a shi shaghal, ɗi nii naa koghop birni, ɓe polu mi̶ni wang shikáa fi̶ra. Ɓe mo pwat, mo yaa ar ɗiimi̶ndong. Ɗangɓe nɗin mman, ɓe ngulop ni wuri yit Pita mmi̶shin. 11Kaaɗi Pita wuri manshii kì̵ mbii ɗi ni c`in, ɓe wuri sat nee, "Yaksi, wan man azeen-nzeen nee, a Daa wuri lop ngulop fi̶ri, mpeku wuri j`i ɓam wan ɗi nsar kì̵ Herot, ki̶ mbii ɗi nyem Yahudi mon nkaa leyit ne, nin nc`in." 12Kaaɗi wuri manshii ki̶ ni aasi, ɓe wuri so nlu ki̶ Meeri ni̶ghi̶n kì̵ Joon, ɗi moo pet wuri a Maak zak. A peeɗi gurum moo kuur ɗi ɗes, ki̶ mo nkaa c`in aduwa. 13Kaaɗi Pita ɓwap polu, ɓe mee laareep ɗi moo pet sum fi̶ra a Roda, wura j`i mpee wang polu ni. 14Kaaɗi wura ki̶ling ɗoo ni a mu Pita, ɓe ba wura wang polu ni kas mpee retnyit. Amma wura waa baa, ki̶ wura sat nyem ɗi mo ndi̶ghi̶n lu ni nee, Pita wurii ɗar a ti̶leng mpolu ni. 15Mo sat nwura nee, "Yii ti̶tar aa?" Amma wura sat nee, ting a Pita azeen-nzeen. Ɓe mo sat nee, "A ngulop fi̶ri." 16Amma Pita sat a mɓwap polu ni ɗak, ɓe kaaɗi mo wang polu ni, ɓe mo naa a Pita azeen-nzeen, ɓe ni aapo mmo zam. 17Amma Pita wuri ɗik sar mmo, mpeku mmo ɗok titik. Ɗangɓe wuri yakshii ni mmo, kaaɗi Daa put ki̶ wuɗi ndi̶ghi̶n lushaghat ni. Wuri sat mmo zak nee, "Wu satpo ɗiisi ni nJemis, ki̶ kaghar nyemcínzeen ni mo zak." Aɓwoon mi̶ni, ɓe Pita wuri yaghal so mmee pee ɗiici. 18Kaaɗi ɓitmang, ɓe mee jighi̶r ɗiiɗes ni yaghal nnaar kì̵ sooja ɗi moo tap Pita ndi̶ghi̶n lushaghat ni, mpeeɗi ba mo man mbii ɗi ni c`in Pita kas. 19Herot wuri le ku mo so tangpee ɗi Pita so ɗi, ɓe ba mo so kat wuri kas. Herot wuri talpo pu sooja ni mo riret, ɓe wuri le ku mo twa mo. Aɓwoon mi̶ni, ɓe Herot wuri yaghal yit nJudiya, ku wuri so ɗi nyil nSizariya, ɓe wuri so c`in rep teer mo ɗi mpee mi̶ni. 20Herot wuri langtughup ki̶ nyem Taya mo, ki̶ nyem Sidon mo hakyeng. Amma mo ɓàlkáa furu mo ashak, mpeku mo so naa wuri ɗi. Mo shee tang ar ɗi mon nso naa Herot a pu Blastus ɗi, ɗi wuri a ngo ɗiiɗes nkaa tulu kì̵ mishkagham ni. Ɓe mo so pu Herot ɗi, ɓe mo ɗang pu wuri, ku mo kat tongriyang ɗi pu mishkagham, mpeeɗi yil furu nii kat mbiise a mɓut nyil kì̵ mishkagham ni. 21Kaaɗi puus ɗi mo kì̵ le ni wul, ɓe Herot wuri tap jwal nli̶r fi̶ri ɗii mu mishkagham, ki̶ wuri tap tong nkaa mbiitong mu iiko fi̶ri, ɓe wuri satpo nyem ni mo. 22Nyem ni mu le or, ki̶ mu sat nee, "Ɗiisi ni a ɗoo kì̵ mee naan ba a mu gurum kas." 23Nɗin mman, ɓe mee ngulop kì̵ Daa Naan cut Herot, mpeeɗi ba wuri c`in ɗiiɗes nNaan kas. Ɓe yaksí nyet mo se Herot har wuri muut. 24Gurum mo ɗes mo ki̶lingpo kì̵ Naan, har mo cínzeen, ki̶ po kì̵ Naan ni so shipee-shipee zak. 25Kaaɗi Barnabas ki̶ Sool mo kyes ɗak furu, ɓe mo baaj`i nJerusalem ashak ki̶ Joon ɗi moo pet wuri a Maak.

will be added

X\