Ɗak 11

1Jeplop mo ki̶ nyemso ndang Jesu ɗi mon nJudiya, mo ki̶ling nee, pak gurum ɗi ba mo a nyem Yahudi mo kas, mo kì̵ lappo Naan zak. 2Kaaɗi Pita wuri kàa wul nJerusalem, ɓe nyemcínzeen ɗii cican mo, mo yaghal ki̶ po nkaa wuri. 3Mo sat nee, "Wugha kì̵ so ɗel ntulu kì̵ nyem ɗin nsuluk mo har wugha se mbiise ashak ki̶ mo." 4Aasi ɓe Pita wuri yaa yakshii kì̵ mbii ɗi ni c`in jir, wuri sat mmo nee, 5"Jí wan ndi̶ghi̶n birni nJoppa, ɓe kaaɗi wan nkaa c`in aduwa, ɓe wan sughun. Ɓe ndi̶ghi̶n sughun ni, wan naa mee fuwaat ɗiiɗes ɗi ni tong aɗeng sham ɗi, ɗi ni ki̶ kwang mo feer, ni sham wul pe wan ɗi. 6Wan ti̶ghi̶r yit nkaa ni, ɓe wan naa longlu mo, ki̶ luwayil mo, ki̶ mbii ɗi moo fee shi ɓut mo, ki̶ ny`er ɗi moo yaghal ncáap, mo ɗi ndi̶ghi̶n ni. 7Ɗangɓe wan ki̶ling mee ɗoo, ɗi ni sat nwan nee, 'Pita, a yaghal a fet mo, a se.' 8Ɓe wan sat nee, 'waash Daa! Ba wan ki̶n kyam se mee luwa ɗiibuu, koo ɗi ba ni ret ku ngu Yahudi se kas.' 9Amma ɗoo ni baa sat ɗi nwan aɗeng nee, 'Mbii ɗi Naan le a ɗiiɓang, ɓe taji wugha le ni a ɗiiɓish kas.' 10Mo c`in aasi, har yit kun, ɓe mo waa baa ɗul fuwaat ni kàa aɗeng. 11Abet, ntiit ki̶ mi̶ni, ɓe gurum mo kun, ɗi mo kì̵ lop mo nSizariya mpee j`i pet wan, moo ɗar mpolu ɗi wan ɗi. 12Riin kì̵ Naan sat nwan nee, a so ashak ki̶ mo, ba ashak ki̶ mee kyetwa kas. Pak nyemso ndang Jesu mo peemee, mo so ashak ki̶ wan zak, har mu so mu ɗel ntulu kì̵ gwar ni. 13Ɓe gwar ni wuri sat mmun nee, wuɗi kì̵ naa mee ngulop kì̵ Naan ki̶ ɗar ndi̶ghi̶n lu fi̶ri, ki̶ ngulop ni sat wuɗi nee, 'A lop so nJoppa, ku mo pet mee gwar ɗi moo pet sum fi̶ri a Simon Pita j`i ntulu fugha.' 14Wurin nsatpo nwugha ɗi nin nle ku wu kat ɓam, wugha ki̶ nyemtulu fugha mo jir. 15"Kaaɗi wan ɗoghom katpo, ɓe Riin Ɗiiɓang sham nkaa mo, ntiit ki̶ ɗi jí wuri sham nkaa mun nshee si. 16Ɓe ni le wan panpo kì̵ Daa, ɗi gyet wuri kì̵ sat nee, 'Joon wuri c`in baptisma ngurum mo a shi am, amma Naan wurin nc`in baptisma nwun a shi Riin Ɗiiɓang.' 17Katɗang ɓe mbiizughum ɗiisi, ɗi Naan wuri cín ni mmo, ni a ɗiimi̶ndong ki̶ ɗi wuri cín mmun, mpeeɗi mu cínzeen Daa Jesu Kristi, ɓe wan a we, ɗi wan mmak cíi nNaan ye?" 18Kaaɗi mo ki̶lingpo mi̶ni, ɓe mo ɗokshik titik, har mo kwoop Naan ɗiiɗes. Mo sat nee, "Daa Naan wuri cínpee nyem ɗi ba mo a nyem Yahudi mo kas, mpeku mo tuwap, ku mo kat seen ɗi zak." 19Nyem ɗi jí mo rangkáa mpee jeel ɗi ni kì̵ yaghal, ɗi har gyet mo tu Stivin, ɓe pak mo kì̵ so wul nyil nFonisha, ki̶ Saiprus, ki̶ birni nAntiyok. Ba mo satpo Naan ni, mmee nyem ɗiici mo kas, see a nyem Yahudi mo ɓejee ɗak. 20Amma pak nyemcínzeen ni mo, ɗi mo a nyem Saiprus mo, ki̶ Sairin mo, mo so wul Antiyok, ɓe mo satpo Naan ni nyem Heleni mo zak, ki̶ mo satpo ɗiiret ngurum mo nkaa Daa Jesu. 21Iiko mu Daa ni ɗi ashak ki̶ mo, har gurum mo ɗes mo cínzeen, ɓe mo cighi̶r ki̶ putughup furu mo pe Daa Naan ɗi. 22Po nkaa mo ni wul nkom kì̵ nyemso ndang Jesu ɗi moo tong ndi̶ghi̶n Jerusalem, ɓe mo lop Barnabas, ku wuri so ɗi Antiyok ni. 23Kaaɗi wuri so wul, ɓe wuri naa ɗiiret ɗi Naan wuri le ni nkaa mo, ɓe wuri c`in retnyit, ki̶ wuri satpo mmo jir, mpeku mo ɗar ɓal-ɓal ndi̶ghi̶n cínzeen nNaan azeen-nzeen shi putughup furu mo jir. 24Barnabas wuri a mee ngo ɗin ndi̶re, ki̶ wuri gam ki̶ Riin Ɗiiɓang, ki̶ cínzeen zak. Gurum mo ɗes mo cínzeen nDaa zak. 25Aɓwoon mi̶ni, ɓe Barnabas wuri so nTarsus, mpee tang Sool. 26Kaaɗi wuri kat Sool, ɓe wuri j`i ki̶ wuri nAntiyok. Mpee ɓit mi̶ndong, ɓe Barnabas ki̶ Sool moo kaat ashak ki̶ nyemcínzeen ni mo, har mo kam-kam ngurum mo. Mo shee pet nyemso ndang Jesu mo a Kristiyan a ndi̶ghi̶n birni Antiyok. 27Ndi̶ghi̶n teer mi̶ni mo, ɓe pak nyemsatpo kì̵ Naan mo pwat nJerusalem, ɓe mo j`i Antiyok. 28Memee ndi̶ghi̶n mo, ɗi sum fi̶ri a Agabus, wuri yaghal ɗar ating, ɓe wuri sat agaak shi iiko mu Riin Ɗiiɓang nee, "Mee neen ɗiiɗes nin ndung taa nkaa yil ni jir. Mon nc`in mi̶ni a ndi̶ghi̶n ɓit kì̵ Klaudiyus." 29Nyemso ndang Jesu mo le putughup furu mo, ku koo weye, ɓe wuri cín mbii ɗi wuri mak, mpeku mo lop ɓam so ɗi nyemcínzeen ɗi moo tong ndi̶ghi̶n yil nJudiya. 30Kaaɗi mo kyak zughum furu ni mo le ashak, ɓe mo lop ni so nyem ɗiinan-nan mu nyemcínzeen ɗi moo tong ndi̶ghi̶n yil nJudiya nsar kì̵ Barnabas ki̶ Sool.

will be added

X\