3 Joon 1

1Wasika ɗiisi ni put a nsar fi̶na ngunan, so pe wugha Gayus ɗi, ɗi wan wal nwugha ndi̶ghi̶n zeen. 2Shaar fi̶na, wan ki̶n c`in aduwa pe wugha, mpeku a kat ɗiiret ɗi ndi̶ghi̶n mbii mo jir, ki̶ zak, mpeku a tong ɗi nkagham, kaaɗi seen fugha ni kat ɗiiret si. 3Ni ret nwan nyit zam, kaaɗi pak ɗyemni̶ghi̶n funu mo j`i satpo ɗiiret nwan nkaa wugha nee, aa ɗar ɓal-ɓal ndi̶ghi̶n cínzeen ni, ki̶ kaaɗi wugha ki̶ mwaan ɗi ndi̶ghi̶n cínzeen ni si zak. 4Ba mee retnyit ɗi wan ki̶ ni waa met nɗiisi kas, ku wan ki̶ling nee, jep fi̶na moo mwaan a ndi̶ghi̶n cínzeen ni. 5Shaar fi̶na, aa ɗar ɓal-ɓal ndi̶ghi̶n ɗak ɗi aa c`in ni mpee ɗyemni̶ghi̶n funu nyemso ndang Jesu mo, har met jir ɓe a mpee mi̶zep mo. 6Mo kì̵ satpo nyemso ndang Naan ɗin mpesi mo nkaa wal fugha ni. Nin nret zam katɗang wugha ɓam mo mɓut mwaan furu, ɓe nin nɗee a mbii ɗi nin nret Naan nyit. 7Mpeeɗi mo yaghal yaa mwaan ni a mpee sum kì̵ Daa. Ba mon nwaa lap mee mbii pu nyemk`um mo kas. 8Mpeemi̶ni, ni ret ku mumun nyemso ndang Jesu mo, mu lap nyem mi̶ni mo ndi̶ghi̶n lu funu mo, mpeku mu ɗee ɗi a shaar ɗak ashak ki̶ mo ndi̶ghi̶n zeen ni. 9Wan ki̶n ran mee mbii nyemso ndang Naan ni mo, amma Diyoturifis ɗi wuri fes leshin a ɗiiɗes mɓut mmo, wuri kwar lappo funu. 10Katɗang wan j`i, ɓe wan nsat nwuri mbii ɗi wurii c`in ni nkaa mun. Po ɗiibuu ɗi wurii naa nsat ni nkaa mun, ba mi̶ni mak wuri kas, har wuri kwar lap nyemso ndang Jesu mo ndi̶ghi̶n tulu fi̶ri zak, ki̶ wuri cíi nyem ɗi moo riɓet lap mo ndi̶ghi̶n tulu furu mo. Har wuri pwat ki̶ nyem ɗi moo riɓet kaat mi̶zep ni mo ndi̶ghi̶n nyemso ndang Naan ni mo! 11Wugha ɗi wan wal nwugha si, taji a mwaan ndi̶ghi̶n mbii ɗiibish mo kas, amma a mwaan ndi̶ghi̶n mbii ɗiiret mo. Koo weye ɗi wurii c`in mbii ɗiiret, ɓe gwar mi̶ni a mu Naan. Amma jir ngo ɗi wurii c`in mbii ɗiibish, ɓe ba gwar mi̶ni man Naan kas koo diɓen. 12Gurum mo jir mo satpo ɗiiret nkaa Dimitiriyus, har zeen ni shikáa fi̶ra ni kì̵ c`in langting ɗiiret nkaa wuri zak. Mumun zak, mun a langting fi̶ri, wugha man nee, mbii ɗi muu sat ni mo azeen. 13Wan ki̶ mbii mo ɗes mpee ran mo nwugha, amma ba wan nran wugha a shi haal ki̶ ing kas. 14Wan kì̵ lepan nee, kat mun nkaat, ɗangɓe mun nkatpo ki̶ shak yit ki̶ yit hakyeng. 15Wu tongriyang. Shaar funu moo tok ki̶ wugha. A tok ki̶ shaar funu mo jir, koo weye ndi̶ghi̶n mo.

will be added

X\