2 Timoti 4

1Wan ki̶n katpo nwugha shiɓal ndi̶ghi̶n sum kì̵ Naan ki̶ Kristi Jesu, ɗi wurin ntokɗiyeel nyem ɗin mmeen mo, ki̶ nyem ɗi mo kì̵ ten murap mo. Jesu wurin mbaaj`i ndi̶ghi̶n yil ɗiisi, mpee lap mulki fi̶ri ɗi. 2Wan ki̶n sat nwugha shiɓal nee, a satpo kì̵ Naan ni shidaar-shidaar, koo ɗi pee ni kì̵ c`in, koo ɗi ba pee ni kì̵ c`in kas. A kám ngurum mo shikbish furu. A gwak mo. Ku a le ku mo c`in mbii ɗiiret ɗi. A gung ndi̶ghi̶n kámpo nin ngurum mo shi putughup mi̶ndong. 3Mpeeɗi pee nin ndung j`i, ɗi gurum mon nkwar kám ɗi ni azeen-nzeen. Mon nlekom furu mo, a mpee ki̶ling mbii ɗi mo shang ki̶ling mo ɓejee. Mon ntang nyemkám mukáa furu mo, nyem ɗi moo c`in a kám ɗi ni shang ki̶ling mo ɓejee. 4Mon nkwar ki̶ling zeen, mpeku mo ki̶ling a po ɗiibuu mo ɗi ɓejee ɗak. 5Amma wugha, a ɗar ɓal-ɓal shidaar-shidaar. A gung ndi̶ghi̶n shwaajeel. A c`in ɗak mu ngusatpo Naan. A c`in ɗak ɗi Naan wuri le wugha shi putughup mi̶ndong. 6Pee ni wul yaksi, ɗi mon nɗoo toghom fi̶na, kaa mbiizughum si. Waa fi̶na ni wul kus ndi̶ghi̶n yil ɗiisi. 7Wan kì̵ ten c`in lek ɗiiret ni. Wan ki̶n kyes sushii ni, ki̶ zak, wan ki̶n tap ki̶ cínzeen ni azeen-nzeen. 8Yaghal nyaksi, ɓe mbii ɗi ni ɗee ɗi nwan, ni a zughum ɗi Naan wuri kì̵ ten le ni mpee nyem ɗi moo mwaan ndi̶ghi̶n ar fi̶ri ndi̶ghi̶n yil ɗiisi. Parpuus mi̶ni, ɓe Daa funu Jesu Kristi wurin nwaa baaj`i ndi̶ghi̶n yil ɗiisi. Jesu ɗi wuri a ngutokɗiyeel ndi̶re-ndi̶re, wurin ncín zughum ɗi ni a mu mbiikáa ɗii mu zeen nwan. Ba a wan ɓejee kas, amma ki̶ nyem ɗi moo leyit mpee baaj`i fi̶ri zak. 9A c`in mbii ɗi a mak mpeku a j`i pe wan ɗi ki̶lak-ki̶lak. 10Mpee shang kì̵ yil ɗiisi, ɓe Ɗimas wuri kì̵ yit wan. Ku wuri so ɗi nyil nTasoloni. Ki̶ressen wuri so nyil nGalati, kì̵ zak Titus kì̵ so nyil nDalmatiya. 11Ɗee a Luk ashak ki̶ wan ɓejee ɗak. A pan Maak ashak ki̶ wugha, mpeeɗi wuri c`in mɓam wan ndi̶ghi̶n ɗak ni zak. 12Wan ki̶n lop Tikikus so nyil Afisus. 13Katɗang wun nj`i, ɓe a pan nli̶r fi̶na, ɗi jí wan yaghal yit ni nyil nTrowas pe Karpus ɗi si. A pan takarda fi̶na mo nwan zak. Met jir ni, a pán takarda fi̶na ɗi mo ɗak mo aa shim si. 14Alekzanda, nguki̶lom si, wuri c`in mbii ɗiibish mo nwan zam. Daa wurin nkwat wuri ntiit-ntiit ki̶ mbii ɗi wuri c`in ni mo. 15Wugha shikáa fugha, a tap ki̶ wuri, mpeeɗi jí wuri fes kwarpo ɗi mu c`in ni shiɓal hakyeng. 16Kaaɗi gyet wan ki̶n ɗar nshee, pe nguɗiyeel ɗi, mpekun satpo fi̶na ɗi, ɓe ba gyet mee gurum ɗar mɓwoon fi̶na kas. Mo swa yit wan ɗi jir. Naan wuri fwo ɗi mmo. 17Amma Daa wuri ɗar mɓwoon fi̶na, har wuri cínɓal nwan mpeku wan satpo ni ɗi shiɓal mpeku nyem ɗi ba mo a nyem Yahudi mo kas, ɓe mo ki̶ling ni ɗi jir. Daa Naan wuri ɓam wan ndi̶ghi̶n po kì̵ mbwoor ni. 18Daa wurin mɓam wan, ki̶ wurin mput ki̶ wan ndi̶ghi̶n koo a shikbish ɗiiɗang ye, mpee mulki fi̶ri ɗi ni nɗengnaan. Ɗiiɗes ɗee a mu wuri har ngaa-ngaa. Amin. 19A tok ki̶ Priskila ki̶ Akwila nwan, ki̶ nyem ɗi mon ntulu kì̵ Onisiforus jir. 20Erastus wuri ɗee nyil nKoronti. Gyet wan yaghal yit Trofimus nyil mMiletus, mpeeɗi ba gyet wurin nkagham kas. 21A gung, ku a j`i ɗi pe wan akuɗang tar kut nii c`in. Yubelus ki̶ Pudens, ki̶ Linus ki̶ Klaudiya, mo jir, moo tok ki̶ wugha, ki̶ nyem ɗi mo cínzeen ndi̶ghi̶n Daa funu Jesu jir. 22Daa wuri tong ashak ki̶ riin fugha. Ɗiiret kì̵ Naan ni tong ashak ki̶ wun jir. Amin.

will be added

X\